رواية غرام وادهم ج 2 بقلم سلمي هاني

هزارك؟ وبعدين أنا مش عايزة ده كله، وأدهم ده بالذات أنا مش بطيقه، وفي الآخر يطلع ابن عمي.
ندا أنا مقدرة صدمتك، بس مع الوقت هتعرفي إن دي حاجة كويسة وليكي سند في الحياة. وأكيد أدهم معاملته هتتغير معاكي بعد ما عرف إنك بنت عمه. وإن كان على حمزة، أكيد هيتفهم كل ده. المهم عنده إنك تكوني مبسوطة.
يلا روحي كملي شغلك علشان نخلص ونروح نجهز حاجاتك.
غرام ماشي.
في صباح اليوم التالي
ندا بس كده أخيرًا خلصنا كل حاجة.
غرام أنا قلقة أوي من اللي هيحصل النهارده. عمي باين عليه طيب وحسيت إنه حنين، بس أدهم ده أنا مش عارفة هعيش معاه في بيت واحد إزاي. وكمان لسه معرفش أخته أو أمه هيتعاملوا معايا إزاي.
ندا متقلقيش، أكيد عمك هيقف جنبك ومش هيسمح لحد يغلط فيكي.
غرام ربنا يسترها.
ويرن تليفون غرام برقم غريب.
غرام أكيد ده السواق اللي هيوصلني.
ندا ردي عليه وشوفيه.
غرام أيوة مين؟
أدهم أنا أدهم يا غرام. خلصتي ولا لسه؟ أنا مستنيكي برا.
غرام وليه تيجي انت؟ مبعتش السواق ليه؟
أدهم انجزي يا غرام، أنا مستني.
غرام حاضر، أنا خلصت وطالعة أهو.
وتقفل غرام معاه وتودع ندا.
ندا بدموع هتوحشيني أوي يا غرام. خلي بالك من نفسك وطمنيني عليكي، متنسيش.
غرام حاضر يا ندا. وبعدين يا بنتي إيه الدراما دي؟ إحنا هنشوف بعض في الكلية.
ندا بس هتوحشيني بردو. أنا اتعودت عليكي معايا في البيت.
غرام وانتي كمان هتوحشيني. كفاية كده، خليني أمشي علشان أدهم مش ناقصة مشاكل معاه.
ندا خلاص ماشي.
وتطلع غرام لأدهم.
أدهم دي كل حاجاتك؟
غرام أيوه.
أدهم طب يلا اطلعي.
ويفتح لها باب العربية.
غرام وهي مصدومة أدهم انت كويس؟
أدهم اركبي يا غرام ونتكلم في العربية.
غرام حاضر.
في الطريق
أدهم غرام، كنت عايز أتكلم معاكي في موضوع كده قبل ما نوصل.
غرام خير؟
أدهم إيه رأيك ننسى كل المشاكل والخناقات اللي بينا؟ إحنا دلوقتي ولاد عم، وأنا عن نفسي نسيت كل حاجة فاتت وهبدأ معاكي من أول. وهتلاقي أدهم غير اللي عرفتيه قبل كده. بس طبعًا مش عايز غلطة منك.
غرام لا، انت مش طبيعي النهارده. بس آسفة، أنا مش هقدر أنسى كلامك اللي قولته ولا هنسى معاملتك ليا. مش معنى إنك بقيت ابن عمي إني أقدر أنسى ده بسهولة. انت ظلمتني كتير يا أدهم.
أدهم معاكي حق. يمكن متقدريش تنسي دلوقتي، بس أنا متأكد إنك مع الوقت هتنسي، وأنا هعمل كل اللي أقدر عليه علشان تنسي اللي فات. يلا وصلنا.
وتدخل غرام القصر وهي متوترة وتجد الجميع في انتظارها.
محمد غرام تعالي يا حبيبتي. أعرفك دي ثريا مراتي.
ثريا بقرف أهلًا.
محمد ودي بنتي إنجي.
إنجي بصدمة انتي؟
غرام انتي تعرفيني؟
إنجي بتوتر ها؟ لا، بس بشبه عليكي.
محمد غرام، هطلع أرد على الموبايل وأسيبكوا تتعرفوا.
وبعد خروج محمد
ثريا بحقد انتي عمرك ما هتكوني من العيلة دي، ومش علشان قدرتي تكسبي محمد بكلمتين. أنا هسيبك تعيشي في القصر، لكن متتوقعيش مني إني أرحب بيكي.
أدهم بعصبية ماما، القصر ده بتاع غرام زي ما هو بتاعنا. أنا هعدي اللي سمعته ده، ومش عايز أسمع إنك غلطتي في غرام تاني.
ثريا أدهم، انت واخد بالك بتقول إيه؟
أدهم دي بتكون بنت عمي يا ماما، ومش عايز كلام في الموضوع ده.
إنجي طلعي غرام أوضتها علشان تستريح.
يُتبع...
الفصل الحادي عشر
إنجي تعالي معايا يا غرام.
وبعد ما يطلعوا
إنجي دي هتكون أوضتك، والأوضة اللي جنبك أوضة أدهم. بس أنا من رأيي متتعوديش على أوضتك، علشان ده مش بيتك. إحنا مش قابلين وجودك معانا، وياريت تمشي من نفسك.
غرام وأمشي ليه؟ ده بيتي، وأكيد ده حقي. انتي تقبلي أو متقبليش دي مش مشكلتي، بس ده حقي.
إنجي متفرحيش أوي كده، وخليكي فاكرة إني مش هرتاح غير لما أخليكي تمشي.
وتسيبها إنجي.
وتدخل غرام الأوضة وتنبهر من جمالها، وتتفاجئ بصور أبوها في كل الأوضة.
تمسك صورته وتقعد تعيط.
غرام وحشتني يا بابا. انت وماما. كان نفسي تكونوا معايا دلوقتي. أنا حاسة إني غريبة وسط العيلة دي.
ويدخل أدهم وهي بتعيط.
أدهم أنا آسف لو كنت خليتك تعيطي، بس أنا حبيت تكون الأوضة دي ليكي علشان تحسي بوجود أبوكي معاكي على طول. وانتي مش غريبة يا غرام، ده بيتك زيي أنا وإنجي.
وأنا آسف على الأسلوب اللي أمي اتكلمت معاكي بيه. ده طبعها، ويمكن متتقبلش إنك تيجي وتشاركي في الورث، بس أنا أضمنلك إنها مش هتأذيكي طول ما أنا موجود.
غرام شكرًا على وقفتك جنبي النهارده.
أدهم محصلش حاجة. ويلا غيري هدومك وانزلي علشان ناكل سوا.
غرام لا، مليش نفس دلوقتي. مش هقدر آكل.
أدهم علشان خاطر عمك ميزعلش منك.
غرام حاضر. هغير وأنزل.
بعد نزول أدهم
غرام في سرها معقول اتغير؟ ولا بيمثل عليا؟ وإزاي اتغير للدرجة دي؟ أنا مش مصدقة إن اللي قدامي ده أدهم. وخايفة أثق فيه يطلع بيكدب عليا. بس هو وقف في صفي قدام أمه. أنا هحاول أثق فيه وأغير معاملتي معاه.
على مائدة الغداء
محمد فين غرام يا أدهم؟ منزلتش معاك ليه؟
أدهم بتغير وجاية يا بابا.
ويبص يلاقيها نازلة على السلم.
وأول ما تيجي تقعد على السفرة
ثريا باستحقار انتي بتعملي إيه؟ أكيد مش هتقعدي معايا على نفس السفرة.
محمد بعصبية انتي اتجننتي؟ إزاي تكلميها كده؟ شكلك نسيتي إنها بنت أخويا وليها هنا أكتر ما ليكي.
ثريا انت بتكلمني كده علشان دي؟
محمد ولو اللي حصل ده اتكرر تاني، هتاكلي في أوضتك.
غرام محصلش حاجة يا عمي. أنا مليش نفس، أنا هطلع أوضتي وكلوا انتوا بالهنا.
محمد اقعدي يا غرام. ولو حد هيقوم تقوم هي.
ويبص لثريا.
محمد ياريت تعتذري لها يا هانم.
ثريا أنا أعتذر؟
محمد أيوه، تعتذري.
ثريا تنظر لغرام بغيظ.
ثريا أنا آسفة.
غرام خلاص يا عمي، حصل خير.
بعد الغداء
محمد غرام، متزعليش من ثريا. أنا مش هسمحلها تكلمك كده تاني. وده بيتك، ولو احتاجتي أي حاجة أو حد زعلك ياريت تعرفيني.
غرام حاضر يا عمي.
عند إنجي
تتصل إنجي بحمزة.
إنجي حمزة عامل إيه؟
حمزة الحمد لله وانتي؟
إنجي أنا تمام. كنت عايزة أقابلك، فيه موضوع مهم لازم نتكلم فيه سوا.
حمزة خير يا إنجي؟ فيه حاجة قلقتيني.
إنجي مش هينفع في التليفون، لما أقابلك هقولك.
حمزة هنتقابل فين؟
إنجي في مكان هنا قريب، كافيه النجوم، عارفه ولا لأ؟
حمزة آه عارفه. خلاص هقابلك بعد نص ساعة.
إنجي سلام.
حمزة سلام.
بعد نص ساعة كافيه النجوم
توصل إنجي وتقعد وتستنى حمزة.
بعد خمس دقايق بيوصل حمزة.
حمزة اتأخرت عليكي؟
إنجي لا، أنا لسه واصلة.
حمزة خير؟ قلقتيني. كنت عايزاني في إيه؟
إنجي انت تعرف إن غرام حبيبتك تبقى بنت عمي؟
حمزة انتي بتقولي إيه؟
إنجي انت متعرفش ولا إيه؟
حمزة لا، معرفش حاجة زي كده. وغرام مقلتليش. أنا ليه أعرف منك؟
إنجي أنا لسه عارفة بردو. شوفتها عندنا واتصدمت لما شوفتها. هي معرفتنيش، وهي قاعدة معانا دلوقتي. أدهم جابها وجت النهارده الصبح وقعدت معانا.
حمزة إزاي متقوليش حاجة زي كده؟ أنا لازم أكلمها. أنا هروح دلوقتي، وشكرًا ليكي علشان عرفتيني. أشوفك بكرة في الكلية.
إنجي مع السلامة.
حمزة سلام.
وبعد ما يطلع من الكافيه يتصل على غرام.
حمزة غرام، أنا عايز أشوفك ضروري.
غرام خير؟ في حاجة ولا إيه؟
حمزة لما أشوفك هتعرفي.
غرام بس مش هقدر أشوفك النهارده. أنا مش قاعدة عند ندا دلوقتي، الموضوع كبير. بكرة لما أشوفك هحكيلك.
حمزة