رواية غرام وادهم ج 2 بقلم سلمي هاني

متعرفش يا بابا.
والد أدهم ومقولتلهاش ليه؟
أدهم مش هتصدقني يا بابا. عاوز صور لعمي وليك سوا علشان تصدقني.
والد أدهم تصدق، معاك حق. أنا هطلع أجبلك الصورة.
ويروح يجيب له الصور.
والد أدهم خد يا بني الصورة اهي. مترجعش من غيرها. غرام هي اللي باقيالي من ريحة أخويا.
أدهم حاضر يا بابا، عن إذنك.
عند غرام وندا
بيخلصوا المحاضرة.
ندا آه، دماغي هتنفجر من كتر كلام الدكتور، مخلصش رغي طول المحاضرة.
غرام بضحك إيه يا بنتي اللي بتقوليه ده؟
ندا بقول إيه يعني؟ بصي أنا جعانة، تعالى نروح ناكل.
غرام والشركة يا بنتي؟ وبعدين انتي لسه قبل المحاضرة بتقولي إننا لازم نروح.
ندا مش هيجري حاجة لو أكلنا وبعدين رحنا الشركة.
غرام طب يلا ياختي ناكل علشان منتأخرش.
وبيروحوا ياكلوا.
عند أدهم
بيطلع من الفيلا وبيروح الشركة، وبيقول للموظفة
أدهم لما تيجي غرام ابعتيها.
الموظفة حاضر يا فندم.
ويدخل أدهم المكتب ويتابع عمله.
حتى اقتحم معاذ مكتبه.
أدهم ببرود وهو لا يرفع نظره عن الأوراق التي بيده
أنت مبتعرفش تخبط على الباب؟
معاذ وأنا من إمتى بخبط الباب؟ المهم عامل إيه؟
أدهم لا والله، هو أنا مش كنت معاك من شوية؟ وبعدين انت سايب الشغل وجاي علشان تقول لي عامل إيه؟
معاذ أيوه أصل انت وحشتني.
أدهم وحشتك؟ ما أنا لسه سايبك من شوية.
معاذ إنت مش عاوز تشوفني ولا إيه؟
أدهم اقعد بقى، كنت عايز إيه؟
معاذ كنت جاي أسألك هتعمل إيه في موضوع غرام؟ هتقولها ولا لأ؟
أدهم أنا قولت لبابا توصلني إني مرجعش من غيرها. هقولها لما تيجي.
معاذ بس دي ممكن متصدقش.
أدهم أيوه، وأنا عامل حسابي وجبت صور أبويا وعمي.
معاذ طب أنا أروح أشوف شغلي.
أدهم سلام.
عند غرام وندا
بيخلصوا أكل وبيروحوا الشركة.
وأول ما يدخلوا
الموظفة آنسة غرام، مستر أدهم عايزك.
ندا عايزك في ده؟
غرام أكيد علشان اتأخرنا.
ندا يلا روحي بدل ما يتعصب عليكي.
غرام هو كده كده متعصب.
وتروح غرام لأدهم وتخبط الباب.
أدهم ادخل.
بتدخل غرام بتوتر وخوف منه.
غرام حضرتك طلبتني؟
أدهم كنتي فين من الصبح؟
غرام حضرتك أنا كان عندي محاضرة واستأذنت من مستر معاذ.
أدهم مين مديرك؟ أنا ولا معاذ؟
غرام حضرتك مكنتش موجود علشان أستأذن منك.
أدهم أول وآخر مرة ده يحصل، مفهوم؟
غرام مفهوم وأنا آسفة.
أدهم أنا كنت عايزك في موضوع مهم.
غرام أنا؟
أدهم هو فيه غيرك هنا؟
غرام وحضرتك عايزني في إيه؟
أدهم كنت عايز أقولك حاجة هتغير حياتك.
غرام حاجة إيه؟
أدهم أنا أدهم ابن عمك.
غرام انت بتقول إيه؟
أدهم انتي اسمك غرام أحمد الزيات؟
غرام بسخرية أول مرة أعرف معلومة جديدة عن نفسي.
أدهم بحدة أنا مش بهزر يا آنسة. أنا ابن عمك واسمي أدهم محمد الزيات.
غرام بس أنا معنديش عم.
أدهم أنا بقول الحقيقة. خلينا نقعد ونتفاهم الأول.
غرام بغضب نتفاهم على إيه؟ انت جاي تقول لي إن عندي أهل بعد السنين دي كلها؟ ومن بين كل الناس تطلع انت ابن عمي؟ لا، ده مستحيل.
أدهم اقعدي واسمعيني.
غرام اتفضل قول اللي عندك بسرعة.
ويحكي أدهم لغرام كل اللي حصل، وبعد ما يخلص يطلع الصور ويوريها لها.
بتشوف غرام الصور وهي مصدومة ومش قادرة تتكلم، والدموع مالية عينيها.
يُتبع...
الفصل العاشر
أوقعتني في غرامها 
غرام بدموع الكلام ده كله كدب. أنا مليش عيلة، وهي كانت فين العيلة دي من زمان؟ انت جاي دلوقتي تقولي ليا عيلة؟ ومن بين كل الناس تطلع انت ابن عمي؟ لا، ده مستحيل.
أدهم ببرود أنا متفاجئ زيي زيك، وأكيد مكنتش متوقع إنك تكوني بنت عمي، بس دي الحقيقة. جدي الله يرحمه ويسامحه مكنش موافق إن عمي يتجوز واحدة أقل منه. ولما أبوكي صمم إنه يتجوز اللي بيحبها، جدي حرمه من إنه يكون ليه عيلة وحرمه من فلوسه.
بس لما تعب الفترة اللي فاتت قال لنا إن كان لينا عم وكان نفسه يشوفه علشان يطلب منه يسامحه، بس اتوفى قبل ما يعرف.
وأنا من كام يوم كلفت حد يدور على عمي، واكتشفت إنه مات للأسف. مصدقتش ودورت تاني لغاية ما اتأكدت إنه فعلًا مات وإنك بنت عمي.
من النهارده انتي مسؤولة مني، ومش محتاجة تشتغلي علشان تصرفي على نفسك. وأنا هاخدك دلوقتي وأوديك القصر علشان تتعرفي على عيلتك، ومفيش خروج من القصر غير للجامعة. وأنا هكلف سواق عندي يوصلك ويرجعك كل يوم.
غرام بصدمة أجي معاك فين؟ أنا قولتلك مليش عيلة. وإن كان على الشغل، اطمن، أنا مش هكمل شغل معاك واعتبرني مستقيلة من دلوقتي.
أدهم بعصبية لما أكون بطلب رأيك يبقى من حقك تقرري تيجي أو لأ. أنا بعرفك إن حياتك اللي فاتت كلها كوم واللي جاي كوم تاني خالص. وغصب عنك هتحترمي نفسك وتبعدي عن الواد اللي كنتي بتخرجي معاه.
غرام بعصبية لغاية هنا وكفاية. أنا مش هسمح لواحد زيك يشكك في أخلاقي. مش معنى إنك مختلف عني إنك تفتكر إن الناس كلها زيك.
أدهم لولا إنك بنت كنت عرفتِ قيمتي كويس. ومن غير كلام كتير جهزي نفسك، كلها ساعة وهاخدك معايا.
غرام قولتلك مش هروح معاك في مكان.
أدهم خليكي قاعدة لحد ما بابا ييجي وأنا هكلمه دلوقتي.
ويتصل أدهم على أبوه.
أدهم بابا، أنا اتكلمت مع غرام، بس هي مش متقبلة إن ليها عيلة ومش عايزة تيجي معايا. حاولت معاها كتير ومفيش فايدة.
محمد خليها قدام عينك دلوقتي. أنا مش عايزها تضيع مننا بعد ما لقيناها. أنا شوية وهكون عندك وهحاول أقنعها أنا.
أدهم حاضر يا بابا. مع السلامة.
ويقفل أدهم مع أبوه.
بعد خمس دقائق
يوصل محمد الشركة ويدخل مكتب أدهم.
وأول ما يدخل بيشوف غرام قاعدة بتعيط.
محمد انتي شبه مايا بالظبط. أنا حاسس إن اللي قدامي دلوقتي مايا مش بنتها. أدهم، سيبني شوية مع بنت عمك.
أدهم حاضر.
ويخرج من المكتب.
محمد أنا عارف إنك مصدومة. أكيد مش سهل عليكي بعد ده كله تكتشفي إن عندك عيلة. بس يا غرام أنا لسه عارف قريب إن أخويا مات.
انتي متخيلة إني بدور عليه من 23 سنة؟ ويوم ما أسمع خبر عنه ألاقيه مات. أحمد ده مكنش مجرد أخ ليا، ده كان كل حاجة بالنسبالي. وأبويا الله يرحمه ويسامحه بعده عننا.
أنا خسرت أخويا يا غرام، ومفيش غير انتي اللي فضلالي من ريحته، ومش مستعد أخسر الحاجة الوحيدة اللي فضلالي من أخويا.
ياريت تيجي تعيشي في القصر معانا. أنا مش هقدر أسيب بنت أخويا تعيش بعيد عننا.
غرام ببكاء أنا هسمع كلامك وهاجي أعيش معاكوا. بس ينفع تسيبني النهارده علشان ألم حاجاتي وأعرف ندا إني هعيش معاكوا؟
محمد اللي يريحك يا غرام. هسيبك النهارده براحتك، وبكرة هبعت السواق يجيبك. بس عايزك تسيبي عنوانك ورقم تليفونك لأدهم.
غرام حاضر.
وتدي غرام رقم تلفونها وعنوانها لأدهم.
غرام استأذن أنا.
محمد غرام استني. ممكن أقولك حاجة؟
غرام طبعًا.
محمد من النهارده اعتبريني عمك وأبوكي، وأي حاجة تحتاجيها تيجي تقوليلي.
غرام ربنا يخليك ليا.
محمد ويخليكي يا بنت الغالي. يلا روحي شوفي شغلك.
غرام حاضر، استأذن أنا.
وتروح لندا علشان تحكيلها.
عند مكتب معاذ
ندا غرام، مستر أدهم كان عايزك في إيه؟
غرام اسكتي يا ندا، مش هتصدقي اللي حصل.
ندا خير يا غرام؟
وتحكي غرام لندا اللي حصل معاها.
ندا بصدمة أنا حاسة إني بسمع فيلم هندي! أدهم طلع ابن عمك؟ وكمان الشركة اللي بنشتغل فيها تطلع شركتك!
غرام انتي بتقولي إيه يا ندا؟ ده وقت