رواية غرام وادهم ج 2 بقلم سلمي هاني

الفصل الثامن
أوقعتني في غرامها
غرام بصدمة، انت بتعمل إيه هنا؟
أدهم انتي اللي بتعملي إيه هنا؟ دي شركتي.
غرام بصدمة أكبر، بتقول إيه؟
أدهم بغضب بتعملي إيه هنا؟
غرام أنا السكرتيرة الجديدة، بس اطمن، أنا مستحيل أقعد فيها واعتبرني مستقيلة من دلوقتي.
أدهم انتي دخلتي هنا بإرادتك، ومش هتطلعي غير لما تكملي الإجراءات الرسمية.
غرام بتوتر قصدك إيه؟
أدهم قصدي إنك مضيتي على شرط جزائي بنص مليون جنيه، ولو سيبتي الشغل من غير الالتزام بالشروط هتتحملي قيمة الشرط.
غرام بصدمة انت مستحيل تكون إنسان.
أدهم باستفزاز بطلي دراما وخدي الملفات دي وروحي على شغلك. قدامك ساعة والملفات تكون على مكتبي، ومش عايز غلطة.
غرام بس الملفات دي كتيرة أوي ومش هقدر أخلصهم في ساعة واحدة، وكمان أنا لسه مفهمش الشغل هنا أوي.
أدهم دي مش مشكلتي. قدامك ساعة والملفات تكون خلصانة وعلى مكتبي. وقبل ما تبدأي شغل، حضريلي القهوة بتاعتي وهاتيها.
وتخرج غرام.
وبعد قليل من الوقت تحضر القهوة وتخبط على الباب.
أدهم ادخلي.
غرام القهوة بتاعت حضرتك اهي.
أدهم حطيها على المكتب واتفضلي على شغلك.
وينظر لها بعينين حادتين، فتتوتر وتسقط القهوة بالخطأ على بعض الأوراق الخاصة به.
أدهم بغضب انتي مش واخدة بالك؟ الورق ده مهم!
غرام بخوف وارتباك أنا آسفة والله، مكنش قصدي.
أدهم أعمل إيه بأسفك ده؟
غرام ببكاء فعلًا مكنتش قاصدة والله.
أدهم المرة الجاية خدي بالك.
غرام حاضر.
وتخرج من مكتبه وهي متوترة.
أدهم بعد خروج غرام، الموضوع لسه في بدايته. مش هسمح لأي حد يقلل مني.
عند ندا ومعاذ
معاذ آنسة ندا، خدي الملفات دي وراجعيهم.
ندا حاضر يا معاذ بيه.
وتخرج ندا من مكتب معاذ.
وتقول في سرها هو أنا هشتغل مع الشخص ده؟ شكله محترم وواثق من نفسه جدًا.
في مكان آخر
يتصل حمزة بإنجي.
حمزة إيه يا بنتي الغيبة دي؟ مش هنشوفك؟
إنجي معلش يا حمزة، تعبانة ومش هقدر أخرج.
حمزة هسيبك النهارده براحتك، بس هستناكي بكرة ومش هدخل المحاضرة من غيرك.
إنجي هحاول يا حمزة.
حمزة هستناكي يا إنجي علشان خاطري انزلي.
إنجي حاضر يا حمزة، هنزل، وشكرًا على وقفتك جنبي الأيام اللي فاتت.
حمزة متقوليش كده يا بنتي، انتي متعرفيش غلاوتك عندي.
إنجي ربنا يخليك يا حمزة.
حمزة ويخليكي.
في الشركة
تنتهي غرام من الملفات وتعطيهم لأدهم.
أدهم افتكري إني قولت بعد ساعة مش تلاتة.
غرام بشتغل فيهم من بدري، بس الملفات كتير، وأوعدك بعد كده هكون أسرع.
أدهم هعديها المرة دي.
غرام أقدر أروح دلوقتي؟ خلصت شغلي وكمان ميعاد الشغل خلص.
أدهم من غير ما يبص عليها، اتفضلي. وبكرة تيجي بدري، مش هسمح بتأخير دقيقة حتى.
غرام حاضر.
بعد مرور يومين لا يخلو من مضايقات أدهم لغرام
في صباح اليوم التالي يرن تليفون أدهم.
لؤي أدهم بيه، أنا جبتلك المعلومات اللي طلبتها.
للأسف عم حضرتك اكتشفنا إنه اتوفى هو ومراته في حادثة من فترة، وعندهم بنت واحدة وملهاش إخوات، وهي عايشة لوحدها دلوقتي. وبعتلك عنوان البيت على الواتس.
أدهم تمام.
ويرتدي ملابسه ويذهب إلى بيت عمه ويخبط على الباب، ومحدش يرد.
ويسأل أحد الجيران.
أدهم هو مفيش حد هنا؟
الشخص لا، أحمد ومراته ماتوا في حادثة من مدة، ومن حوالي كام يوم غرام سابت البيت، بس معرفش راحت فين.
أدهم ماشي.
ويرجع إلى البيت بذهن شارد.
أدهم يا ترى راحت فين؟ دي معقولة ليها قرايب غيرنا؟
وبينما هو شارد يدخل والده.
محمد فيه جديد في موضوع عمك؟
أدهم أنا كنت لسه هكلمك في الموضوع ده.
محمد خير يا أدهم؟ لقيته؟
أدهم للأسف اكتشفت إنه مات في حادثة هو ومراته، بس عنده بنت وهي لسه عايشة. بس لسه هتأكد من الموضوع تاني.
محمد بحزن انت بتقول إيه يا أدهم؟ أخويا مات؟ معقول مات من غير ما أشوفه؟ يارب يطلع عايش. اتأكد كويس يا أدهم. أنا ملحقتش أشوفه. ولو هو اتوفى بجد، طب بنته فين دلوقتي؟ ومجبتهاش معاك ليه؟
أدهم ما أنا روحت علشان أجيبها، لقيتها مش في البيت. ولما سألت عرفت إنها مبترجعش البيت من كام يوم ومش عارفين راحت فين.
محمد دور عليها يا أدهم واتأكد من موت أخوك.
أدهم متقلقش يا بابا، مش هرتاح غير لما ألاقيها.
محمد واثق فيك، محدش هيعرف يرجعها غيرك.
في المساء
يرن معاذ على أدهم.
معاذ إيه يا بني؟ مجتش الشركة ليه؟
أدهم لما أشوفك بكرة هحكيلك.
معاذ خير يا أدهم؟ قلقتني.
أدهم هحكيلك في الشركة. الموضوع ده مش هينفع في التليفون.
معاذ خلاص أشوفك بكرة في الشركة. مع السلامة.
أدهم سلام.
في صباح اليوم التالي
عند ندا وغرام.
ندا إحنا عندنا محاضرة النهارده يا غرام، هنعمل إيه؟
غرام مش عارفة يا ندا.
ندا خلاص نروح الشركة ونستأذن من مستر معاذ نروح المحاضرة ونرجع تاني على الشركة.
غرام طيب يلا بينا علشان متأخرين.
ويروحوا الشركة، وأول ما يوصلوا بيروحوا عند مكتب معاذ ويخبطوا الباب.
معاذ اتفضل.
ندا مستر معاذ كنت عايزة منك طلب.
معاذ اتفضلي يا ندا، خير؟
ندا إحنا عندنا محاضرة مهمة النهارده ولازم نحضر، ممكن نروح المحاضرة وبعدين نيجي على الشركة؟
معاذ تمام يا ندا مفيش مشكلة، بس انتي يا غرام استأذني من أدهم الأول.
غرام بس هو لسه موصل يا مستر معاذ، وإحنا عندنا محاضرة دلوقتي.
معاذ خلاص أنا هتصرف. اتفضلوا انتوا بس تخلصوا وتيجوا على طول.
ندا وغرام تمام يا مستر.
وبعد شوية بيوصل أدهم وبيروح مكتب معاذ.
معاذ إزيك يا أدهم؟
أدهم الحمد لله يا معاذ.
معاذ يلا احكيلي مالك.
أدهم بيحكي لمعاذ كل اللي عرفه عن عمه.
معاذ آه صح يا أدهم، نسيت أقولك حاجة مهمة عن غرام.
أدهم غرام السكرتيرة بتاعتي؟
معاذ أيوه.
أدهم مالها؟
معاذ غرام بتكون بنت عمك اللي بتدور عليها.
أدهم بصدمة بتقول إييييه؟
يُتبع...
الفصل التاسع
أوقعتني في غرامها
معاذ أنا شكيت في الموضوع ده من وقت ما قدمت في الشركة. شوفت اسمها وعرفت إنها تبقى بنت عمك، علشان كده شغلتها في الشركة دي.
أدهم وإزاي مقولتيليش لحد دلوقتي؟
معاذ كنت هقولك، بس وقتها جدك تعب وبعدين اتوفى ومقدرتش أقولك، ونسيت الموضوع خالص.
أدهم يا ربي، يعني من بين بنات الدنيا دي كلها تطلع دي بنت عمي.
معاذ ناوي على إيه يا أدهم؟
أدهم كله في وقته حلو. أنا لازم أقول لأبويا الأول.
معاذ طيب وغرام هتقولها إمتى؟
أدهم بعد ما أقول لأبويا. هي في الشركة مش كده؟
معاذ لا، عندها محاضرة هتحضرها وتيجي.
أدهم وخدت الإذن من مين؟
معاذ مني أنا.
أدهم ومستنيتش ليه لحد ما أجي أنا؟
معاذ كان عندها محاضرة بدري وانت اتأخرت.
أدهم تمام. هروح أشوف بابا. سلام.
معاذ سلام.
في فيلا عائلة الزيات
أدهم يا بابا انت فين؟
والد أدهم أنا هنا يا أدهم، في حاجة؟
أدهم عندي ليك أخبار مهمة.
والد أدهم ها؟ عرفت عمك فين؟ طلع عايش مش كده؟
أدهم أيوه، اتأكدت من خبر موت عمي.
والد أدهم بأمل يعني طلع عايش؟ هو فين يا بني؟ خلينا نروح نشوفه، وحشني جدًا.
أدهم بصراحة يا بابا...
والد أدهم بقلق اخلص يا بني، وقعت قلبي.
أدهم بحزن بابا، عمي اتوفى في حادثة هو ومراته من فترة. للأسف الخبر طلع صح.
والد أدهم لا إله إلا الله. مات من غير ما أشوفه؟ يا حبيبي يا أخويا. الله يسامحك يا بابا، انت السبب في ده كله. أنا خسرت أخويا ومفيش غير بنته اللي فضلالي من ريحته.
أدهم ربنا يرحمهم، بس عمي طلع عنده بنت اسمها غرام.
والد أدهم بتتكلم جد يا أدهم؟ الحمد والشكر ليك يا رب. أومال مبجبتهاش معاك ليه يا بني؟
أدهم هي