اسكريبت النصف الآخر كامل حصرياً
المحتويات
وإزازة ريحة وقصافة ضوافر وشوية ورق وكروت وأقلام وحتى اللبان والملبس كل ده حاطه في الدرج!!
أنا قلبت في كل ده وبعدين رجعت رتبتها كويس وشيلتها مكانها
كويس والله إن الواحدة تفتش في حاجة جوزها يمكن دي غريزة في الستات كلهم!! أنا عن نفسي كنت مبسوطة أوي
بس إزازة الريحة اللي عنده ريحتها مش حلوة أصلا العطور الرجالي كلها زي بعضها مش عارفة بتعجبهم ليه!!
الظاهر إن المطعم كان زحمة عشان كده فهد إتأخر شوية
خلاص بطلت دعبسة في حاجة فهد وفضلت باصة على الشارع والناس اللي ماشيين فيه
كان في ناس كتير بيعدوا الطريق وناس رايحين جايين
كان في شوية شباب واقفين جنب العربية وبيتكلموا مع بعض
كانوا باصين للشارع وبيتكلموا ويضحكوا
كان باين عليهم إنهم عيال مش مظبوطة يعني من شباب اليومين دول للأسف
شوية ورجع فهد وجايب الأكل
فهد شاورلي أفتح باب العربية ودخل حط شنط الأكل في الكرسي اللي ورا
أنا آسف إن أنا إتأخرت يا حبيبتي المطعم كان زحمة أوي
عادي ولا يهمك
زهقتي صح
لا أبدا أنا كنت بسمع أغاني
مالمستش أي حاجة في العربية مش كده!!
تمام يلا بينا
فضل فهد يدور العربية ما كنتش عايزة تدور أبدا وحاول فيها تاني وتالت وعاشر لكن مفيش فايدة
العربية حلفت ما تدور
ندى دوري إنتي كده يمكن تكون إيدك فيها البركة
مسكت البتاع ده اللي أنا مش عارفة إسمه إيه وحاولت لكن مفيش فايدة العربية ما إتحركتش
في الأول كان فهد بيضحك أو بيحاول يضحك
بس دلوقتي الموضوع بقى جد وفضل يحرك حاجات ويدوس على حاجات ويتعصب
فهد سمع الشباب اللي كانوا واقفين كانوا بيضحكوا
فهد بصلهم بصة ټهديد وقالالملعۏنة دي ما لقتش غير المكان ده وتعطل فيه!!
أنا بالنسبالي كان الموضوع مسلي ومضحك إن عربية خطيبي تعطل وإحنا خارجين
لكن فهد بدأ يتعصب على العربية ويضرب ويشتم فيها ويبص على الشباب اللي كانوا لسه واقفين
أنا كده إبتديت أخاف أيوة دلوقتي بس خۏفت
أتاري فهد عصبي ودمه حامي وأنا ما أعرفش أول مرة أشوفه متعصب كده
إظهر وبان على حقيقتك يا فهد دلوقتي إتعصبت وبعد شوية ممكن تعمل إيه!!
كنت قاعدة ساكتة خالص خۏفت أقول كلمة ينفجر في وشي
طب أتصل بأخويا ييجي ياخدني والله أنا خاېفة بجد
محپوسة جوا عربية مع راجل عصبي وعمال يضرب ويشتم ربنا يستر
ساعة بحالها وإحنا زي ما إحنا لحد ما إتشجعت وقلت هنعمل أيه دلوقتي!
قال لو العربية دي ما إتحركتش هنسيبها وناخد تاكسي نروح بيه قطعت دي عربية وقطع ده شارع
صدفة غريبة حصلت ما كانتش على البال خالص
واحد قريب فهد ظهر فجأة في الشارع
أول ما شافه فهد خرج من العربية ونادى عليه وبعدين راح عشان يتكلم معاه
رجع بعدها خدني وخد شنط الأكل وروحت معاه للعربية التانية
ركبناها ورجعنا على البيت
طول الطريق للبيت فهد كان متوتر أوي وعمال يقول عربية ژبالة إن شاء الله هخلص منها عن قريب
كنت أنا هادية وماسكة نفسي على الآخر عشان ما أنفجرش من الضحك ويتعصب عليا أنا كمان والله يعملها إبن أم فهد رجالة آخر زمن
دلوقتي بقى شغل أغنية وقعد يغني وبعدين بصلي وقال إنتي عمري يا ندى
إسمه إيه ده بقى باين الراجل فيوزه ضړبت ولا إيه!!
بس والله أنا ما عملتش حاجة في العربية يا دوب فتشت الأدراج بس!!
بعد كده إتصل بقريبه وقال إتصرف إنت بقى وخليها عندك لبكرة أنا هسهر في بيت عمي الليلة دي
عايزين تعرفوا باقي السهرة حصل إيه!!
مش سبب مضايقتي وڠضبي إن العربية عطلت وبس كان السبب الكبير لما رجعت بالأكل وشوفت العيال دول واقفين جنب العربية
بتحصل والعربية ممكن تعطل في أي وقت ماحبكش تعطل دلوقتي وأنا مع خطيبتي
أنا سيبت خطيبتي في موقف العربيات وكانت قاعدة في العربية وكان الشارع زحمة قدام المطعم
ما كنش ينفع طبعا آخدها معايا في المطعم
الدنيا كانت زحمة والمكان كله رجالة وأنا داخل أجيب أكل على السريع هناخده ونمشي
أنا من البداية الفكرة ما كنتش عجباني بس مينفعش أقول لحبيبتي حاجة وهي كانت عايزة كده
لما رجعت من المطعم لقيت الشباب دول واقفين بيتكلموا ويضحكوا وعنيهم بتبص على كل حاجة حواليهم!!
خطيبتي اللي قافل عليها العربية ولابسة النقاب بس عينيها باينة
أيوة المكان مضلم وهي عمرها ما هتبص ناحيتهم
بس أكيد يكون حد فيهم بص وشافها
لو كنت لمحت واحد فيهم بيبصلها كان عندي إستعداد أقلع عينيه من مكانها
أنا ندمان جدا إني سيبتها في المكان ده
مراتي هي جوهرتي الخاصة ما أسمحش لحد يبص لطرف جزمتها
أيوة أنا راجل غيور واللي بيجري في عروقي ډم مش مية
ركبت العربية وفجأة لقيتها عطلانة!!
تتصوروا إن أنا فضلت ساعة بحالها أحاول أشغلها ومفيش فايدة!!
كنت هتجنن وكل ما أسمع الشباب دول بيضحكوا بكون عايز أروح أفقع عينيهم
بس الحمد لله ربنا ستر وعدت على خير
بخلاف اللي كانت ندى مخططاله إن إحنا نروح على البحر
خدتها على بيتها وإتعشينا الأكل كان بارد بعيد عن الشباب التافهة اللي في الشارع
السبب اللي خلاني اتكلم عن الموضوع ده عشان إنتوا تعرفوا إحساسي من ناحية البنت اللي معايا أنا حبي ليها خلاني ببقى خاېف عليها من الهوا الطاير وحاسس إنها خلاص تخصني وحلالي ومراتي ولا أيه!!
حتى إسألوا ندىهو حاجة فضلت تكبر لحد ما بقى حاجة ملموسة وهي العشق
طبعا اللي بيدور فى دماغ ندى إنه أي كلام وإن كل الخطاب بيقولوا كده مش صح هي بتقول كده!!
لو أنا مش بحبها مكنتش هبقى متعصب كده
عطل العربية ده حاجة عادية بس اللي ضايقني الشباب اللي واقفين قدامي حرقوا دمي
ندى كان باين عليها مخضۏضة مني ومش قادرة تفتح بوقها وأنا عمال أخبط في العربية عشان تدور
لما روحنا البيت كنت حاسس بإرتياح شديد كده محدش يشوف جوهرتي الغالية غيري
قضينا أنا وندى ليلة جميلة جدا
ندى هتقولكوا عليها بعدين
على فكرة سألتوها أنا خبيت صورتها فين!!
الموضوع اللي بدأ يشغل بالي أوي هو موضوع الدبلة أيوة الدبلة حد عنده إعتراض!!
بقى لنا قد إيه مخطوبين ومفيش دبلة!!
لازم ألبس دبلة عشان الناس تعرف إن أنا مخطوبة ولا أستنى لما ييجي عريس تاني عشان مش شايف الدبلة!
فهد ما جابش سيرة الدبلة ولا الشبكة وأصحابي بيسألوني عن الخطوبة واالي المفروض يكون فيها دبلة
المواضيع دي بتعجبنا مۏت إحنا البنات عشان نتكلم فيها
فهد جاي الليلة دي ولازم أفتح معاه الموضوع ده
كان مساء جميل وأنا لبست جيبة زرقا قصيرة وتيشيرت كت
الطقم ده إشتريته مع أشجان في اليوم إياه طبعا فاكرينه!!
يومها هي اللي خلتني أشتريه وبقت تقوللي لازم تلبسيله لبس شيك وملفت وإن الرجالة بيحبوا كده
بصراحة الطقم كان حلو أوي عليا بس كنت مترددة وانا بلبسه من كتر الإحراج
بس
ما تفكروش كتير الطقم كان محترم
جرس الباب ضړب ده أكيد فهد
بييجي في الميعاد بالظبط طبعا إنتوا عارفين إن ده في الأول بس
كنت لسة واقفة قدام المراية بحط التاتش الآخير في الميكب
أنا كنت متوترة جدا أول مرة ألبس حاجة قصيرة كده قدام فهد
كنت خاېفة لبسي ما يعجبوش ياويلك مني يا أشجان لو ده حصل
خرجت من أوضتي قابلت أمي في الطرقة وقلتلها ماما إيه رأيك فيا
قالتلي زي الوردة المفتحة
فاكرين القرد في عين أمه غزال أكيد فاكرين لحد دلوقتي الجملة حازة في نفسي ومضيقاني وڼاري مش هتبرد إلا لو فتحت سيرتها لفهد وأعاتبه فيها
بس دلوقتي إيه اللي جابها على بالي!!
أمي كملت وقالت هشام قاعد معاه لحد ما تخرجي
إيه بتقولي هشام أنا دلوقتي ركبي بقت بتخبط في بعضها
يا ماما قوليله يخرج
نعم
عشان خاطري يا أمي أنا عايزة أروحله لوحدي
أمي بصتلي
مشيت أمي ورجعت بعد شوية
يلا يا ست ندى الجو خليلك
والله أمي طلعت مش سهلة وأنا معرفش
إبتسمت إبتسامة كسوف طبيعي وخدودي إحمروا!!
قالت أمي يلا يا بنتي
رجعت للمراية من تاني أشوف شكلي عامل إزاي لآخر مرة وحسيت بقلبي بيتنفض
بصيت على أمي تاني وقلت أنا شكلي عامل إزاي
قلتلك جميلة وقمر يا حبيبتي يلا بقى الراجل قاعد لوحده
شاورت على رجلي وقلتلها طب الجيبة دي قصيرة أوي!
ماما قالت بالعكس دي مناسبة جدا
قلت بسرعة طب البلوزة أنا حاسة إنها مش لايقة على الجيبة إيه رأيك أبدلها!!
يالهوي يا ندى يا بنتي الطقم جميل ومناسب على بعضه جدا وهياكل منك حتة يلا بقى روحي ما ينفعش الضيف يقعد لوحده كده
كل ده وأنا حاسة إني مش مرتاحة
فتحت الدولاب وخرجت شال حطيته على أكتافي
كده كويس بدل ما يقول عليا كلمة كده ولا كده
بعد كده آخيرا مشيت ودخلت الأوضة لفهد
مجرد ما دخلت من باب الأوضة فهد خد باله من لبسي وشكلي!!
لأ فهد وبعدين خليك مؤدب!
إستقبلني فهد إستقبال حار
نزل عليا كلام زي المطر من حب وترحيب وسلامات وطيبات
فى الأول ما إتجرأتش أرفع عيني من على الأرض من كتر الكسوف
يا ربي أنا إيه لبسني اللبس ده طب يقول عليا إيه دلوقتي!!
قعدنا على نفس الكنبة بتاعة كل مرة وشديت الشال على كتفي جامد
والله كنت قاعدة مش على بعضي مش عارفة أتحرك
الله يسامحك يا أشجان كل ده بسببك
بالله عليكم هفتح موضوع الدبلة إزاي وأنا عاملة كده!!
مش هينفع هأجل الموضوع للمرة الجاية أحسن
وقت كتير عدى عليا وأنا مش عارفة أكون قوية وأتكلم مع خطيبي زي ما هو بيكلمني!!
عدى عليا وقت كتير على ما عرفت أستجمع شجاعتي وأبدأ أتجاوب مع خطيبي في الكلام العادي
لما هديت خالص بدأت أشوف بيبص على إيه!
لقيت جوزي عينيه مركزة مع عينيا الراجل طلع محترم لدرجة إن أنا نسيت إني لابسة جيبة قصيرة شوية!!
ياترى فهد كان قاصد مايبصش على لبسي ولا الطقم ما عجبوش!! ولا ممكن أكون أنا معجبتوش وأنا لابسة كده!!
تعالي شوفي يا ست أشجان طلع فهد مبيهتمش باللبس ولا بيلفت نظره!!
وأنا اللي تعبت نفسي وحړقت أعصابي من كتر التوتر وكل ده على الفاضي!
خرجت بعد شوية عشان أجيب صينية العشا أمي ربنا يباركلي فيها هي اللي عملته أمي نفسها جميل في الأكل أنا ما أسواش حاجة قدامها وبعدين ده موضوع نأجله شوية
لما رجعت بالأكل لقيت فهد فتح التيلفزيون وبيقلب في القنوات
التيلفزيون عمل جو حلو وإحنا قاعدين لدرجة إن أنا نسيت إن فهد موجود وكنت واخدة راحتي في القعدة على الآخر!!
بطلت أراقب عينيه زي من شوية ومبقيتش ضامة رجليا ومخبياهم ورا بعض من كتر الكسوف!
بس وهو فهد بيقلب في القنوات عدى على قناة عارضة أغنية خليجية جديدة لواحد من المغنين الخلايجة وكانت فيديو كليب!
والله مجرد إن إحنا نتفرج على الناس دي عيب جدا وحرام
يعني هنودي وشنا فين لما سيدنا محمد صلى الله عليه وسلم ونبينا يسألنا يوم القيامة هو ده الدين اللي وصيتكم بيه!!
أقول حاجة خليني ساكتة أحسن ونغير القناة أحسن خلينا نجيب أخبار غزة واللي بيحصل مع إخواتنا هناك
كنت سرحانة مع أهل غزة وخدت بالي فجأة من فهد وهو لسة واقف على قناة الفيديو كليب!!
فهدي ده أنا لسة متكلمة عنك كلام حلو مع القراء كده كسفتني!!
غير القناة لا هفقعلك عينك!
إحم إحم نحن هنا
قلت كده عشان أفكره إني موجودة وشايفة هو بيتفرج على إيه!!
جوزي إبتسم وبصلي وقال طبعا وهل يخفى القمر!!
لا بجد والله!! عليا أنا الكلام ده!!
إنت قليل الذوق بقى أنا قاعدة جنبك ھموت من الكسوف عشان رجلي باينة تقوم إنت تتفرج على الفيديو كليب!!
يا فهد غير القناة دي
مش عارفة إن كان فهد خد باله إن أنا متضايقة وباين على وشي
مش عارفة إن كان فهم سبب مضايقتي ولا لأ!!
لكن لما غير القناة أنا إرتحت!
بس ياريت ماتفتكروش إن أنا غيرانة ولا حاجة!!
أبدا والله بس لما بشوف الأشكال دي بتضايق
بعدين أنا أحلى منهم كلهم حتى إسألوا فهد هو على طول يقلي إنتي قمر
كلمت فهد وأنا متغاظة على الآخر فهدي هو إنت بتحب تتفرج على الحاجات دي!!
أنا سألته السؤال ده إلا ولقيت فهد إبتسامته قد كده وقال قلتي إيه يا حبيبتي!
قالها بلهفة خلتني أستغرب أوي!!
بقولك هي الحاجات دي عجباك!
أيوة يا حياتي قلتي فهدي هو إنت بتحب تتفرج على الحاجات دي!! فهدي طالعة من بقك زي العسل
أيوة وأنا بقول الراجل جراله إيه!! كل ده عشان قلتله فهدي والله أنا بشوف ناس بتزعل لو أساميهم ما إتقالتش صح!! أومال لو قلتلك فهودي ولا فهدو ولا فيدو كنت عملت إيه!!
إبتسمت إبتسامة كده بالعافية مع شوية كسوف كده وكده عشان كنت حرانة أوي وفتحت رجليا شوية عشان عرقت جامد وأنا ضماهم على بعض ولما رفعت عيني لفهد تاني لقيته بيقولي ندوش
بعد ما قال كده قعد يضحك
ياربي على الحركات وبعدين أنا إسمي الدلع بتاعه دودو مش ندوش
بعدين مين قالك أصلا دلعني أنا إسمى دلع لوحده مش محتاج
كنت عايزة أعترض وأعملها زعلة بس عديتها ولقيت نفسي بضحك ڠصب عني بيقولوا شړ البلية ما يضحك!!
سمعت إن الغنوة دي فتحتله طاقة القدر وعمل منها فلوس بالهبل وقعدت أفكر في الكلام ده شوية أنا ما بتعجبنيش الحاجات دي يا ندوش يا حبيبتي دي حاجات رخيصة!
أنا بحب الحاجة الغالية اللي يستحيل تكون لحد غيري!
آخيرا وهو بيتكلم بص على رجلي
حقيقة ما حدش يقدر يكدبها حاجة كده مخلوقة جوا دماغ الستات
إن كل الستات بيحاولوا يلفتوا إنتباه أزواجهم بأي طريقة!!
الراجل اللي ما ياخدش باله من اللي مراته بتحاول تلفت نظره ليه يبقى راجل ما عندوش نظر ولا ذوق
إياك تبص لأي واحدة ست في الشارع أو في التيلفزيون وإنت معاك مراتك او حتى لوحدك
هيبقى يا ويلك وسواد ليلك
في أوضة النوم بتاعتي اللي كلها كآبة وقفت قدام المراية وببص على هدومي الجديدة
الفستان ده كنت إشتريته عشان العيد
دي كانت هتبقى أول مناسبة ليا أنا وفهد وكنت عايزة أخليها ليلة مميزة
أنا واثقة إنه كان هيعجبه أوي أنا كنت مشترياه من فترة وكنت هتجنن وألبسه
أبص للفستان الحزين ده وهو متعلق في مكانه ما بيتحركش مفيش حاجة تهزه
آخد الفستان من الشماعة وأحطه على صدري وأحس بۏجع كبير أوي هنا في صدري ده قلبي اللي بيتعصر من الۏجع وروحي اللي بتتحرق ودمي اللي بيتكسر!!
بللت دموعي المالحة فستاني الجميل
يمكن الفستان متفاجئ إزاي في دموع بتنزل عليه وهو أعز فستان على قلب كل بنت عزيز ومتدلع
فستان عارف إنه مهم جدا وكان مستني يعمل اللي عليه ليلة العيد
بعدته عني وجريت على مرايتي بشوف عينيا اللى ورمت من كتر الدموع
هو فعلا كل حاجة خلصت وشي بقى شكله مخيف من كتر العياط
فى حاجة بتلمع قدام عيني
أيوة دي دبلة الخطوبة محطوطة هناك على التسريحة قدامي في نفس مكانها اللي أنا حطاها فيه على طول
مديت إيدي وخدتها وفضلت أبصلها وأنا عصراها في إيدي
الۏجع في صدري إبتدا يزيد وما بقيتش قادرة أقف على رجلي ونزلت على الأرض بعيط بإنهيار
كان بيطلع من صدري آهات حزينة لدرجة إن حيطان الأوضة كانت هتولع من كتر الڼار اللي في صدري
إرتاحت على الأرض اللي منها خلقنا وإليها نعود
كنت بتوجع في حضڼ أمي وپصرخ ليه ليه ليه يا أمي الدنيا قسيت عليا أوي كده!!
دي دبلتي الجميلة أنا كنت مبسوطة بيها أوي يا أمي
قد إيه كنت منبهرة بيها حتي صحباتي وقرايبي كلهم إنبهروا بيها وعجبتهم أوي
دي فضلت حاضنة صباعي شهور طويلة
صباعي ده من ډم ولحم وأعصاب ومشاعر
أنا صباعي ده مش حيطة كانت متعلقة عليها لوحة جميلة شوية وقت وخلاص
أنا إنسانة يا ربي إنت عارف إن أنا بني آدمة
يارب إنت شايف فستاني الجميل ده وعارف قد إيه أنا كنت مستنية ليلة العمر وملهوفة ألبس فستان الفرح وأفرح أنا وعريسي بالليلة دي وتبقى ذكري جميلة طول حياتنا
يارب آدي الليلة الجميلة اللي كنت بحلم بيها ميعادها جه ومشي
فستاني كمان متعلق زي ما هو ما إتحركش
لو كل حاجة في أوضتي تدب فيها الحياة
الحيطان والدولاب والمراية والمكياج وإزازات العطور كل حاجة كانت هتشهد لحظات فرحتي وأنا عروسة!!
كانت إتحولت أوضتي لنهر من الدموع وڠرقت البيت والبلد كلها من الحزن على العروسة اللي پتبكي على ليلتها اللي راحت
جه شهر رمضان المبارك وهو شهر عظيم جدا زي ما كلنا عارفين وفيه جمال مفيش بعد كده
أنا ونصفي اللي راح كنا بنخطط لحاجات جميلة أوي هنعملها مع بعض الشهر ده
والله كانت حاجة جميلة تخيلوا كده نروح نتسحر في مطعم بعد نص الليل وبعدين نروح نقعد على البحر ونستنى نشوف شروق الشمس
بعدين في شهر رمضان ينفع أوي إن أنا أتعلم الطبخ وكمان زيادة الوزن وإنتوا عارفني كويس
كمان إنتوا عارفين إن أنا ليلتي المفضلة هي الخميس فكنت بفكر أعزم فهد على الفطار وبعد كده نتسحر سوا في أول ليلة خميس فى رمضان
وصلت رسايل كتير تهنئة من صحباتي على الشهر الكريم
أنا طبعا كنت أول ما هشوف رسالة حلوة على طول كنت هبعتها لفهد
لكن
دلوقتي ما ليش غير أشجان بعتلها رسايل كتير أوي
الأمور تبان متغيرة أوي وناقصها شيء كبير
مهما كانت أشجان صاحبتي وحبيبتي قريبة من قلبي وليها مكانة كبيرة عندي بس عمرها ما تقدر تملى الفراغ الكبير اللي في قلبي لنصفي الآخر
إتجهزت سفرة للفطار مليانة كل مالذ وطاب وشفت طبق الهريسة
الهريسة الطبيعي إن أنا مبحبهاش لكن فهد كانت بالنسباله حاجة غالية وبيحبها أوي
كلت كام لقمة من الأطباق اللي قدامي ولما جه الدور على الهريسة فجأة إتفجرت الدموع وعملت أنهار من الدموع
ما قدرتش ساعتها إن أنا أكمل أكلي!
قمت من على السفرة وجريت على أوضتي وإترميت على مخدتي وإنهرت من العياط!
كان فهد بيحب الهريسة يمكن دلوقتي يكون بياكلها من إيد أمه
ويمكن كمان يكون بيفكر فيا وفي كرهي للهريسة وكلامي عنها!
قالي قبل كده رمضان الجاي هيكون له طعم تاني طعم خاص إيه رأيك نتجوز فيه!
جالي زكام بسبب مناخيري اللي ورمت من كتر الدموع
وقفت قدام المراية وشوفت عيوني حمرا وخدودي ومناخيري وكل وشي كان حزين!!
قفلت عيني جامد عشان أعصر الدموع اللي جواها ولما فتحتها ما شوفتش وشي أنا شوفت صورة فهد هناك جوا المراية!!!
فهد فهدي
اللهم إني صايم عن الغلط إحنا في أول يوم رمضان ندوش ما ينفعش كده!!
هقولكوا على اللي حصل يوم شړا الدبلة والشبكة
طبعا أنا كان عندي إصرار غريب إن أنا أختار بنفسي وطبعا لازم أروح أنقي الأول وبعدين نيجي تاني عشان نشتري وطبعا برضوا إنتوا عارفين إن ماليش غير أشجان آخدها معايا
روحت مع صاحبة عمري عشان نتفرج ونختار في محلات الدهب!
الله موديلات الدهب حلوة أوي وكلها تنفع للعرايس ياه على الجمال مين قدي النهاردة عروسة وحقي أتدلع
كنت عايزة أشتري حاجة مميزة وملهاش شبه في السوق
أيوة طبعا إحنا عندنا كام ندى!!
أنا دلوقتي حاسة بسعادة ملهاش وصف فرحة العروسة وهي بتنقي دهب جوازها وكنت عايزة آخد كل اللي في المحل!!
آخيرا إخترت طقم ألماظ أبيض تحفة وغالي جدا!!
بس ما يغلاش عليا مش كده!
دفعت للصايغ عربون وسيبته عنده ووعدته إن أنا وخطيبي هنييجي بكره ناخده!
دي كانت خطتنا آجي أختار اللي أنا عايزاه وبكرة أجيب فهد يدفع الحساب!!
جبيبتي ندى إنتي مش واخدة بالك إن إنتي بالغتي شوية في السعر الطقم ده غالي أوي!!
أشجان هو إنتي شيفاه كتير عليا أنا العروسة اللي بتدلع براحتها!!
يا ربي يا ندى بلاش دلع ماسخ إنتي مش أول ولا آخر واحدة تتخطب
يا خۏفي ييجي العريس بكرة عشان يدفع ويلاقي المبلغ كتير عليكي ويسيبك!!
حلو أوي الكلام ده ليه هو لعب عيال ده جواااز!!
بس ما تاخدوش عني فكرة غلط بالعكس أنا قد إيه عاقلة وقنوعة ومتفهمة ومتعاونة لكن دي بس حركات دلع بخليه يشوف العين الحمرا عشان بعد كده ميوقفليش على أي حاجة!!
في اليوم اللي بعده روحت مع فهد السوق بتاع الدهب عشان نجيب الطقم!
إديته الفاتورة عشان يشوفها وكنت براقب وشه!!
والله الراجل شكله إتخض جامد من الرقم ربنا يستر أحسن يكون مش عامل حسابه على المبلغ ده بس أكيد عنده فيزا على الأقل!
دي غالية أوي
بس تستاهل دي هتبهرك لما تشوفها
ما قدرش يتكلم تاني بس كنت شايفة وشه أحمر من الإحراج!!
مسكين فهد إضطر يدفع المبلغ الكبير ده وهو حاطط إيده على بوقه!!
ها قلي إيه رأيك فيها!
روعة حبيبتي ذوقك عالي أوي
طبعا إنت فاكر إيه ياما هتشوف!
حتى الدبلة الفضة بتاعته أنا اللي إختارتها وحتى الكلام اللي إتكتب عليها كان من تأليفي أنا
من حقي لما أفتكر كل ده إني أصرخ!!
بقولك إيه يا فهدي إيه رأيك نعمل بروفة لحفلة خطوبتنا بدل ما يحصل موقف محرج!!
لأ يا حبيبتي خليها تعدي كده عشان تبقى بعد كده ذكري ماتتنسيش
كانت فعلا ذكرى لليلة ما تتنسيش!
الفستان اللي جيبته لخطوبتي كان جميل ومطرز بالألماظ شبه الألماظ اللي في طقم الشبكة بتاعي!
خلصت الميكب ولبست الفستان وكنا مستنين العريس وأهله يوصلو
إتصورت صور كتير عشان تبقى تذكار
كانت الفرحة هتنط من عينيا زي أي عروسة في خطوبتها!!
أنا فاكرة إني ليلتها إتصلت بعريسي ونبهت عليه خد بالك يا فهد إوعى تدلق العصير على فستاني!!
في الوقت اللي كانوا كل الناس مستنيني عشان أخرج أنا كنت في أوضتي وبسمع الأغاني اللي واصلالي من القاعة وقاعدة برقص وبغني
الأغاني كانت بتوصف العروسة وجمالها وأنا كنت مبسوطة أوي!!
والله حقك الليلة ليلتك يا ندى إتبسطي!
هي دي حقيقة ولا مجرد حلم!!
آخيرا خرجت من الأوضة ودخلت القاعة والله كنت مرتبكة ومحرجة أوي وكمان لابسة جزمة كعبها طويل جدا الحمد لله إني ما إتكعبلتش وطيرت في الهوا من التوتر!!
الكل كانوا عمالين يزغرطوا ويغنوا ويرقصوا ويباركولي
مش قادرة ألاقي وصف يوصف جمال الليلة دي واللي حصل فيها!!
آخيرا العريس وصل بعد نص ساعة أو أكتر
فهد إيه الجمال ده! هو ده خطيبي!!
لابس طقم بدلة هياكل منه حتة!!
جاي شكله يجنن والله!
بس لو سمحتوا مفيش واحدة تبرق عينيها ليا وبعدين بقى!!
خطيبي كان شكله قمر ووسيم وكان شايل بوكيه ورد طبيعي شكله تحفة قرب عليا وسلم وباس راسي وهداني بوكيه الورد!!
بس حساه قصر شوية ولا عشان الجزمة أم كعب عالي اللي كنت لبساها!!
الطقوس العادية اللي كانت بتتعمل في الخطوبات بتاعة أي حد مكنتش بتشغل بالي بس الليلة دي كانت ممتعة وروعة بالنسبالي!!
لكن فهد خطيبي ما سمعش تنبيهي ليه ودلق العصير على الفستان بتاعي وغرق شعري بالكريمة اللي في التورتة!!
حتى وهو بيلبسني الشبكة مكانش عارف يقفلي الحلق ولا العقد ولا حتي الإسورة
ماشي يا فهد حسابنا أنا وإنت بعدين!!
أول مرة أجرب ده هي بتتقفل إزاي!
خليني أنا أقفلها إبعد إيدك
راجل طول بعرض ما يعرفش يقفل حلق أكيد إنت قاصد تعمل كده!! ماشي يا فهد
صور كتير جمعتنا أنا وفهد خطيبي في ليلة خطوبتنا في مواقف وحركات مختلفة في أجمل وأسعد لحظات في الدنيا
ماحدش يقدر يوصف شعوري بالفرحة كان قد إيه!
لما أفتح ألبوم الصور وأتفرج على كل ده!!
عروسة قمر فستانها ومكياجها يجننوا واقفة جنب عريسها الجميل مكسوفة وبتبص في الأرض خصلة ملونة من شعرها نازلة على شعرها ومتبهدلة بحتة كريمة ناعمة
لأ وما خدتش بالي من موضوع الكريمة ده الا بعد ما خلصنا التصوير ولبس الشبكة وكل حاجة
قعدنا أنا وفهد في أوضة خاصة لوحدنا
فهد مد إيده على شعري وقال عروستي القمر هو الكريم
قاعدة على كرسي من الكراسي في الصالة الكبيرة في بيتنا وفاتحة التليفزيون وبتفرج على مسلسل خليجي
كنت بلعب بصوابع إيدي بدلع وإبتسامتي مالية وشي
كنت بتفرج على الدبلة اللي حاضنة صباعي بكل حنية في الوقت ده كان تليفوني على الترابيزة جنبي!!
كان محطوط جنب تليفون البيت ومستنية إتصال حلو من ناس!!
يا حلاوتك يا دبلتي خاېفة من كتر ما ببصلها أحسدها وتتكسر لوحدها الله أكبر!!
شوية وهشام أخويا يدخل عليا فجأة!!
إيه اللي جابه ده دلوقتي يلا إمشي مستنية مكالمة خاصة!!
بصتله بصة بسرعة!
ندوش
نادى عليا وهو متضايق!!
خير إيه اللي حصل لا سلام ولا كلام وجاي متضايق!!
بصيت لأخويا مستغرباه!!
لقيته بيقرب مني وفي إيده شوية ورق!!
دي فاتورة تليفونك
خدت الفاتورة ولسه هفتح الظرف قالي ودي فاتورة التليفون الأرضي شايفة الرقم!!
خدت منه الفاتورة وبصيت على كشف الإتصال لقيتني إتكلمت مع فهد كتير أوي تقريبا كل المكالمات كانت ليا أنا وفهد!!
واو ربنا يستر من فاتورة تليفوني المحمول!!
فتحت الظرف اللي فيه فاتورة تليفوني وإتفاجأت بالمبلغ كان رقم محترم!!
بصيت لهشام وأثر المصېبة على وشي وقلتله عايزين كام!!
مبلغ كبير يلا جهزيه دلوقتي لو كنتي عايزة عشان أنا رايح أسدد فاتورتي وجهزي فلوس فاتورة الأرضي معاكي كمان!!
لا والله طب وأنا مالي بفاتورة الأرضي!! وبعدين مين قالك إن أنا معايا فلوس أصلا أنا مش باخد غير ألف جنيه منحة تفوق من الجامعة وطارت وطيرت أبوها واللي يعرفوها كمان على حفلة الخطوبة!!
هي شركة التليفونات دي ما بتشبعش فلوس!!
المفروض يعملو خصم للمخطوبين الجداد صح ولا لأ!!
مش معايا فلوس با هشام أنا مفلسة وبعدين دي فاتورة الأرضي إديها لأبوك أنا ماليش دعوة بيها!!
ملكيش دعوة بيها!!
في الوقت ده الموبايل رن بصيت لأخويا بعند ورديت على التليفون!!
طبعا عارفين مين اللي بيتصل!
أهلا حبيبي تمام هتصل بيكإقفل
خلصت المكالمة وروحت للتليفون الأرضي عشان أكلم فهد!
إحنا كنا متعودين على كده طالما هو برا البيت يرن عليا من تليفونه وأنا أكلمه من تليفون البيت لو كانت المكالمة هتطول!!
هشام كان لسه واقف بيتفرج عليا!!
يا هشام إيه رأيك ما تورينا عرض أكتافك بقى يلا عايزة آخد راحتي مع خطيبي خليك لماح!!
لا حياة لمن تنادي لسه أخويا واقف ومش ناوي يتحرك من مكانه!!
هتجيبي الفلوس ولا إيه كده الفاتورة متأخرة وهيقطعوا الخط عنك!
قلتلك يا هشام مش معايا فلوس طب ما تسلفني إنت عارف صرفت كل اللي معايا على الحفلة!!
لا والله طب ما تستلفي من خطيبك!!
يا لهوي إنت بتقول إيه!! عايز تحرجني قدامه!!
تتخيلوا أقوله جوزي حبيبي وحبيب عمري إديني فلوس عشان عايزة أدفع فواتير مكالماتنا الغالية مش إنت دلوقتي جوزي ومسئول عني ولا يعني عايزني أستلف ونرغي في التليفون ببلاش!!
والله دي تبقى كسفة كبيرة حتى أبويا أنا بتحرج منه!!
مش هو السبب في المبالغ دي
يلا بقى يا هشام متشوفش نفسك يلا إتهوى
بتقولي إيه!!
إتهوى بقولك
في نفس الوقت رن الموبايل تاني!!
طبعا كان فهد وبيستعجلني إنتي فين!! أنا مستنيكي
أهلا حبيبي أيوة هتصل بيك دقيقة وأكلمك
هشام سمعني بقوله كده ورجع قعد على الكنبة ومسك الريموت وفضل يقلب في القنوات!!
يلا بقى يا هشام بطل عند! قلتلك إتهوى
هشام مارضيش يتحرك من مكانه حركات صبيان وأنا عارفاها!!
قومت انا وقفت وخدت الفواتير وتليفوني وجاية أخرج من الأوضة وقفني هشام وقال خليكي مكانك انا خارج عشان تاخدي راحتك!
إبتسم هشام ومشي من المكان!
شكل كلمة إتهوي عجبته!!
على الباب قبل ما يمشي قال أنا أموت وأعرف كل التليفونات والفلوس اللي بتضيع عليها دي بتتكلموا في إيه!!
إبتسمت وقلت هتعرف لما تنوي تخطب إن شاء الله
أنا عمري ما هعملها
هتعملها وأنا اللي هخطبلك بنفسي وهفكرك إنك هتجيني في يوم تطلب مني أسلفك فلوس عشان تقدر تصرف على التليفون!!
ضحك هشام وقال أنا لما أفكر أتجوز هختار عروستي بنفسي! وهاخد واحدة عميا عشان ماتبصش على المجوهرات وتكون ما بتسمعش عشان ماتمسكش تليفون وتكون ما بتتكلمش عشان ما تطلبش مني فلوس سلف في يوم من الأيام!!
هشام قال كده ومشي وكان بيضحك!!
فعلا أنا إتفاجأت بالمبلغ الكبير ده أوي!!
حتى ولو كان أبويا الحمد لله معاه فلوس وحتي لو كنت باخد فلوس من الجامعة
برضوا دفع مبلغ كبير زي ده على كلام في التليفون يعتبر تبذير!!
لتالت مرة يرن التليفون وهو في إيدي!!
هو في إيه يا فهد كل شوية ترن قلتلك هكلمك مالك ملهوف كده ليه ولا أكون وحشتك!!
أهلا يا فهد
فينك يا حبيبتي مشغولة يلا كلميني!
حاضر هتصل إحنا دافعين حاجة من جيبنا أنا أتحرج وأبويا يتدبس في الفواتير!!
يا بختك يا شركة التليفونات يا ترى بتطلعوا بكام من كل المخطوبين اللي في الدنيا!!
خد بالك لو كنت عامل حسابك تخطب أو لسه خاطب قريب فخد بالك من مكالماتك وإعمل حسابك إن الفاتورة الجديدة هتبقى قنبلة!! واسأل مجرب
بعد إسبوع من خطوبتنا كنا قاعدين أنا وفهد في أوضة الإستقبال كالعادة ولقيت فهد بيقولي حبيبتي إن شاء الله بكرة إنتي هتتغدي عندنا في البيت
بتقول إيه!
أيوة يا حياتي الغدا بكرة عندنا في البيت عايزانا نطبخلك إيه!
أووه يا فهد معقولة إنت من كل عقلك عايزني آجي عندكوا البيت لأ أتكسف!!
لأ طبعا ما تكلفوش نفسكوا يا فهد مالوش لزوم الكلام ده!!
إيه ده اللي مالوش لزوم بقولك معزومة عندنا على الغدا وإنتي تقولي مالوش لزوم حلو أوي الكلام ده!!
أيوة يا ندى أمي مستنية عزومة بكرا من بدري كانت دايما بتطلب مني أعزمك وأنا كنت مأجل الموضوع وهي سألتني بتحبي تاكلي إيه عشان تعملهولك!
والله دي کاړثة أنا من غير حاجة لما بشوف أمك بۏلع من الكسوف إزاي بقى هاجي أقعد وأتغدى معاها وأبقى فى إحراج جامد بعد كده
الله يخليك يا فهد ويخليلك حواجبك العريضة دي تعفيني من الموضوع ده!!
طب ليه منأجلش الموضوع ده لبعدين!
طب وهنأجل ليه يا حبيبتي يعني عايزاني أقول إيه لأمي دي مستنياكي بكرا وعارفة إن إنتي هتيجي
ولا يعني مش عايزة تتغدي معانا عارفة طبيخ أمي أحلى طبيخ دوقته في حياتي!
فشلت كل محاولاتي مع فهد إني ما أروحش عندهم بكرا ورفعت الراية البيضا وسكت!
وبعدين فهد ووشه الجميل ما فتحش الموضوع معايا غير في آخر لحظة!!
طب كان قالي قبلها بأسبوعين تلاتة عشان أستعد نفسيا!!
طبعا دي هتكون أول مرة أروح عندهم وهبقي متراقبة في كل حركة بعملها!!
تاني يوم ومن الصبح بدري وقفت في المطبخ!
حبيت أحضر تورتاية مميزة أخدها معايا عشان نحلي بعد الأكل!
بين قوسين طبعا مش أنا اللي عملتها أنا ساعدت أمي فيها بس وطلعت شكلها تحفة!!
قضيت وقت طويل في المطبخ وما كلتش حاجة من الصبح يادوب شربت شاي!
بعد صلاة الضهر دخلت أوضتي عشان أشوف هلبس إيه وأظبط حالي!
أيوة لازم يشوفوني النهاردة آخر شياكة وأناقة وجمال عشان فهد يبقى مبسوط!
فهد إتصل بيا وعرفني إنه خلاص جاي في السكة!!
دقات قلبي بقت سريعة جدا وحسيت برعشة خفيفة في جسمي!!
عاملة زي ما أكون رايحة إمتحان!
هو فعلا زي الإمتحان عشان لازم طبعا كلهم يركزوا في شكلي وفى تصرفاتي وكلامي
عشان يعرفوا كويس مين البنت اللي فهد إرتبط بيها!!
آخيرا أنا وفهد في العربية وقربنا على بيتهم!!
كان فهد كل شوية يبصلي ويبتسم
الراجل شكله مبسوط وأنا اللي قاعدة على أعصابي بټحرق والله رايق!!
فهدي مالك حبيبي كل شوية تبصلي شكلي مش عاجبك!!
أنا بالعكس يا روحي كلك على بعضك قمر حبيبتي وبحب أبصلها عندك مانع!!
لا والله هو ده وقته إنت شايفني مرتبكة وحالتي ما يعلم بيها إلا ربنا متهيألي إحنا كنا مع بعض إمبارح ما شبعتش بص عليا!!
أنت قاعد ومراقب توتري وإرتباكي وعامل نفسك مش واخد بالك أنا عارفاك كويس يا فهدي!!
هما إخواتك المتجوزين هيبقوا موجودين يا ترى!
أيوة أكيد وكمان هتكون موجودة واحدة من خالاتي وبنتها
ياه حرام عليك!
لما الواحد يتعزم في بيت حد من معارفه ده بيبقى عادي
لكن العروسة لما تتعزم عند حماتها أول مرة بعد الخطوبة وهتيجي تتكلم أو تتحرك هتبقى عارفة إن الكل بيبصوا عليها ومراقبينها عشان يعرفوها كويس وده بيكون حاجة محرجة أوي!!
ربنا يستر ويعديها على خير!
النظرات مش حاسة بيها بس لأ دي داخلة جوايا وبتاكل
متابعة القراءة
