اسكريبت النصف الآخر كامل حصرياً
المحتويات
كإنه على بالي خالص!!
إتفقنا إننا نخرج سوا أنا وفهد نتعشى سوا في مطعم تاني
بالمرة أكمل خطة الأحلام بتاعتي اللي معرفتش أكملها المرة اللي فاتت بسبب الوقت فاكرينها!!
فهد وصل بس المرة دي فضل قاعد في العربية وكلمني عشان أخرجله
طبعا سلم عليا وباس إيدي أول ما ركبت جنبه على طول
فهد وبعدين معاك! كفاية إني بسلم عليك ممنوع اللمس بعد كدا
طب والله لو عملتها تاني هرمي الدبلة في وشك إتلم أحسنلك
إتصرفت وكإن ما حصلش حاجة
انا مكنتش عايزة الليلة تبوظ من أولها
كنت محتاجة الخروجة دي أوي بعد ضغط الأمتحانات الأيام اللي فاتت
طول الأيام اللي فاتت كنت بختصر معاه في المكالمات بسبب الإمتحانات
فهد قالي وحشتيني أوي يا حبيبتي إسبوع بحاله ما أشوفكيش! عايز أشوف وشك
أنا والله كنت ملهوف أشوف ندى إسبوع بحاله ما شوفتهاش كانت وحشاني أوي
يمكن ما تصدقوش بس أنا قلبي نطق بإسمها من أول يوم شوفتها فيه
لما قعدت جنبي في العربية كنت ھموت وترفع النقاب عشان وحشتني ملامحها
نفسي أشوف وشك يا ندى وحشتيني أوي
روحنا المطعم وقعدنا وآخيرا ندى رفعت النقاب من على وشها ونورت زي القمر لأ حبيبتي أحلى من القمر
على فكرة الرواية دي للبنات وبس لو كنت راجل ماتقرأش لإني غيور وبغير عليها من الهوا الطاير
في المطعم اللي رحناه قعدنا على ترابيزة كبيرة جدا كان نفسي الترابيزة تبقى أصغر من كده عشان أعرف أأكلها فى بوقها لكن دلوقتى مش هعرف
المفروض في المطاعم الكبيرة زي كدا يحطوا ترابيزات صغيرة عشان نبقى قريبين من بعض
قلتلها الترابيزة كبيرة أوي يا ندى تعالي إقعدي جنبي
أقعد جنبك!! أقعد إزاي يعني والجرسون لما ييجي ويشوفنا هيقول علينا إيه!!
خليك مكانك وأنا خليني قاعدة في مكاني
ندى مكسوفة وما إتحركتش من مكانها
مسكت إيديها وحضنتها بين إيديا وبصيت لعنيها بكل حب عشان تعرف هي وحشتني قد إيه
أحلى حاجة فيها لما خدودها تحمر وتنزل دماغها لتحت من كتر الكسوف
أحلى حاجة في حبيبتي إنها لما بتتكسف خدودها بتحمر وتنزل راسها لتحت من كتر الكسوف
أنا بعشق كسوف البنات ده بيدوبني آه من جمالك آه
طبعا عشان الترابيزة كبيرة كان لازم أمد إيدي أوي عشان أرفع وشها من الأرض كنت عايز عينيها تبقى قصاد عينيا
لكن ندى بعدت نفسها ورجعت لورا وكمان رجعت الكرسي لورا
ياربي طب ليه كده! قربي مني شوية عايز أقولك على اللي جوايا
أقولك يا إبني لم نفسك بدل ما تقوم عليك باللي في رجليها
دي عمالة تبصلي بصات فيها ټهديد لأ أبعد إيدي أحسنلي شكلها ناوية لي على نية سودا
رجعت إيدي لورا بالذوق
خليني أصبر شوية قدامنا سهرة طويلة صبرني يارب
مسكت المنيو وندى كمان مسكته
هي كانت بتقرأ في المنيو وأنا ببصلها وهي مش واخدة بالها!!
ماشاء الله جميلة زي أميرات الحواديت!!
متهيألي إن أنا أمي داعيالي إني أتجوز قمر زي دي!!
هو إنتوا مالكو بتبصولي كده ليه!!
يعني لو مش هبص لمراتي هبص لمين!!
أنا من غير ما أحس بركز في كل حاجة فيها
نظراتها وشها حزين ولا فرحان حركات إيديها بصاتها يمين وشمال
طريقة مسكتها للمعلقة لما تيجي تاكل وطريقة شربها للعصير
متهيألي إن مراقبتي دي ليها ضايقتها جامد
بس أنا مش قادر أبعد عيني عنها
بعد ما إتعشينا خرجنا من المطعم وروحنا أماكن كتير وكنت مبسوط جدا
بس أنا ما شبعتش منها كنت عايز أفضل شايف وشها قدام عينيا بس عشان إحنا في الشارع وهي لابسة العباية والنقاب مكنتش عارف آخد راحتي
كنت عايز أخلص الخروجة ونروح على البيت ونقعد مع بعض زي الناس
لكن ندى خلتني أروح بيها أماكن كتيرة أوي وفين لما تعبت قررت إننا نروح على البيت!!
قالت كفاية كده النهاردة
ياه آخيرا هنرجع البيت!!
سوقت العربية وكنت مزود السرعة
قالت بالراحة شوية يا فهد أنا كده هخاف
ولا يعنى زهقت مني خلاص وما صدقت قلتلك نرجع على البيت عايز ترجعني بسرعة الصاروخ
أنا شايفة الفرحة بتشع من عينيك!!
بجد پتخافي من السرعة ما تخافيش وإنتي معايا يا حبيبتى
والله مش خاېفة إلا منك أنت!!
مال وشك متغير كده ليه!!
خلاص يا إبني إحنا رايحين البيت بعد شوية
أسفة إن أنا مشورتك معايا كل الوقت الطويل ده
معلش خسرتك بنزين كتير وفرهدتك معايا
بعد كده فضلنا قاعدين ساكتين فترة طويلة
كنت متضايقة أوي عشان حسيت إن فهد مكانش مبسوط والخروجة كلها كانت تقيلة على قلبه
كنت فاكرة إن هو هيكون فرحان زي ما أنا فرحانة!!
يمكن يكون عشان الوقت إتأخر إحنا عدينا نص الليل وهو تعب وعايز ينام
آخيرا وصلنا البيت ولفيت قلتله تصبح على خير
إيه تعالي هنا رايحة فين! إستني أنا جاي معاكي
أنا ما صدقت جينا البيت تقوليلي تصبح على خير!!
عايز أشوف وشك زي الناس
إنتي هتنامي دلوقتي!
أيوة طبعا هنام إيه السؤال الغريب ده!
أيوة هنام
جيت نازلة من العربية لقيت فهد نزل يفتحلي الباب
فهد يا روحي الموضوع مش مستاهل إيدي على الأوكرة وبعرف أنزل من العربية لوحدي مفيش داعي تتعب نفسك
بصتله فهو كمان بصلي وقال ما تناميش دلوقتي عايز أقعد معاكي شوية
هقعد معاكي شوية يعني هقعد مفيش نوم دلوقتي خلينا نتبسط شوية
إتفاجأت جدا وفضلت إيدي على أوكرة الباب وأنا باصاله وساكتة!!
فهد شافني كده راح قايل إنتي مش عايزاني أدخل معاكي!!
لأ أقصد أيوة طبعا تعالى هو أنا جرالي إيه متلخبطة ومتنحة ليه كده!!
يعني معقولة الساعة واحدة بالليل وإنت مش عايز تنام وعايز تقعد معايا!!
طبعا أهلا وسهلا بيك إتفضل
دخلنا البيت وكان البيت كله هس هس كلهم نايمين
الصراحة حسيت بالخۏف شوية يعنى فهد على كده مكانش زهقان مني ولا حاجة طول الليل مع بعض وصمم ييجي معايا البيت كمان!!!
دخلنا أوضة الإستقبال وأول ما دخلنا على طول فهد مسك إيدي وقال دلوقتي بس أقدر آخد راحتي وأقولك على اللي في قلبي
إنتي وحشتيني أوي أوي يا حبيبتي أنا بحبك أوي يا ندى
إيه اللي بتعمله ده يا فهد ماينفعش كده وبعدين معاك بقى يا فهدي!!
سحبت إيدي بسرعة من إيديه وقلت معلش أنا بس عايزة أدخل الحمام
خرجت من الأوضة طب وبعدين معاه أعمل إيه مع الراجل ده!!
إنت ما تعرفش تكلمني إلا لو مسكت إيدي مفيش حاجة لله في لله كده!!
يا عيني عليك يا فهد والله شكله بيحبني من قلبه
أما أدخل أعمل براد شاي عشان يدفي قلبه وأصبه على راسه لو حاول يعمل حاجة كده ولا كده
سيبت المية تغلي على الڼار وجريت على أوضتي وقفت قدام المراية عشان أظبط الميكب كان سايح ووشي ملخبط
المكياج ده مش حلو مع إنه ماركة معروفة
لازم بكرة إن شاء الله أنزل أتسوق وأجيب حاجة كويسة
عايزة كمان آخد كورس في الميكب على أصوله
وقفت عشان أعدل المكياج بسرعة عشان انزل لفهد
بعد شوية وقت مش قليلين نزلت المطبخ
لقيت المية اللي في البراد قربت تنشف
ياعيني يا فهد تلاقيه قاعد على أعصابه!!
أحسن خليه لحد ما يستوي عشان يطلع اللي في قلبه كله مرة واحدة!!
المهم عملت الشاي وجهزت شوية مكسرات وخدت الصينية والبراد وروحت الأوضة لفهد
تتصورا لما دخلت الأوضة لقيت إيه!!
لقيت خطيبي الحبيب نايم على الكنبة وفي سابع نومة!!
شكله تعب أوي معايا الليلة دي وسهر زيادة عن اللزوم
طب دلوقتي أنا أعمل إيه!! أسيبه نايم وأروح أنام في أوضتي!!
أعمل إيه أصحيه ولا أفضل قاعدة جنبه لحد ما يصحى لوحده!!
أهم حاجة إنه طلع تمام وما بيشخرش وهو نايم والله طمنت قلبي يا فهد وإنت نايم
قربت عليه بشويش وقلت بصوت واطي إنت نايم يا فهد
طبعا نايم أكيد مش تمثيل طب وبعدين في المشكلة دي!!
عليت صوتي وقلت فهد إنت بجد نايم!
خطيبي ما إتحركش وكررت كلامي كذا مرة ولا حياة لمن تنادي
لا يكون ماټ وسابني أرملة
وانا لسه مخطوبة!
يا فهد قوم بقى إصحى
مديت إيدي وخبطت على إيده وبرضه مفيش فايدة
إيه الڠرقان
نطت في دماغي فكرة حلوة
مسكت التليفون الأرضي بتاعنا وإتصلت بيه وفضل تليفونه يرن لحد ما صحي آخيرا
إنتوا عارفين عمل إيه لما صحي!!
بصلي وخرج التليفون من جيبه وقعد يكلمني على التليفون!!!
ألووأيوة
صحي النوم
رجع يقول ألوو
قفلت أنا السماعة وكنت باصة له بإستغراب!!! وقال الخط إتقطع
كان بيقول كده وهو في دنيا تانية
لا يا شيخ الخط إتقطع إحلف كده مش مصدقة!!
فهد بص حواليه وكان لسه مش مركز وبعدين قعد يتاوب
آه يا حبيبتي أنا إتأخرت
أنا روحت عشان أعمل شاي إنت شكلك تعبان
لا أبدا أنا زي الفل
لأ تعبان ونعسان ومخلص بنزين على الآخر قوم إمشي على بيتكوا يلا
مد إيده بيشاورلي أقعد جنبه
تعالي يا حبيبتي أقعدي جنبي
مشيت مترددة وببطء لحد ما روحت قعدت جنبه
مسك البراد وصب كوبايتين شاي
إداني كوباية وقعد يشرب في كوبايته وقال الشاي هيظبط دماغي ويدفي قلبي
وبصلي بصة مش مريحة
شكل الشاي عمله دماغ عالية!!
كنت عمالة براقبه ياخد الكوباية يشرب بوق شاي ويرجعها مكانها وبعدين ياخد الكوباية تاني وبشرب بوق ويرجعها مكانها يبعد إيده شوية وبعدين يرجع يعمل كده تاني وهكذا
الراجل جراله إيه ماله بقى شغال زي المكنة كده!!
أنا بالعافية كنت شربتلى بوقين شاي وهو خلص الكوباية
فضل يبصلي وأنا بشرب الشاي
على فكرة أنا قربت أزهق من نظراتك دي لف وشك بعيد
لكن جوزي في الله فضلت عينه عليا
يلا إشربي شايك
لأ سيبني في حالي أنا بشرب على مهلي ولا عايز زوري يتلسع!!
حطيت كوبايتي على جنب وصبتله كوباية تانية
خده مني وشربه بنفس سرعة الكوباية الأولى وكإنه وراه حاجة تانية عايز يعملها!!
أنا كمان خلصت كوبايتي ولما مسكت البراد أصبلنا تاني قال كفاية ياحبيبتي كده كتير
صبيت في كوبايتي شوية وقعدت أشرب بهدوء
إتفضل كل مكسرات
مكسرات! طيب ماشي
قعد فهد ياكل في المكسرات وعينه على كوباية الشاي بتاعتي وعينيه بتقول إمتى تخلصي
مالك يا فهد مركز كده ألا المصېبة تكون حطيت لي حاجة في الشاي والله ما أنا شاربة
حطيت الكوباية مكانها ورجعت لورا وسندت ضهري على الكنبة وكان واضح إني خلاص مش هشرب شاي تاني
فهد قالما تشربي يا حبيبتي الشاي بتاعك!!
أيوة أكيد إنت حاططلي حاجة في الشاي طالما بتلح اوي كده إني أشربه قر وإعترف أحسنلك
لأ خلاص مش عايزة تاني
فهد عينيه لمعت وقال طب إيه معدتك دفيت
أيوة الحمد لله
ده طبعا طبيعي بعد كمية الشاي اللي شربناها
إبتسم فهد ومسك إيدي وقال أيوة فعلا إنتي دافية!!
أهو بدأت الحركات القرعة
لكن يعني إيه قرعة تكون المؤنث بتاع أقرع وأقرع يعني أصلع
الأصلع ده راجل شعره طار من كتر خڼاقه مع مراته!!!
بس الأقرع البنات ما بتبحبوش صح!
فهد خطيبي شعره تقيل وناعم
لكن أنا شعري مجعد وهايش
يارب ولادنا يطلع شعرهم زي شعر أبوهم
يووه هو انا وصلت لغاية فين!!
أيوة صح أنا دافية حاسة بالدفا بسبب إنه ماسك إيدي وإيديه مدفياني زيادة
الحاجة اللي أنا مستغرباها إني سيبت إيدي في إيده ومحاولتش أشيلها
كنت عايزاها تفضل في إيديه!!
فهد هو إنت فعلا حطيتلي حاجة في الشاي!!
فهد فضل متنحلي ومبتسم شكله كان بيحاول يشوف رد فعلي
أنا ليه خليت إيدي بين إيديه معرفش!!
لكن فجأة حسيت برعشة في جسمي كله ونفسي بدأ يضيق وبتنفس بالعافية
إيدي لسه محپوسة جوا إيديه وكانت عينيه مرقباني وحاسة بيهم كويس
مكنتش عارفة الساعة كام ولا عدى من الوقت قد إيه إلا لما فهد قال طيب هسيبك ترتاحي وانا همشي
قام وقف آخيرا وأنا كمان وقفت
قال تصبحي على خير بحبك
مشي فهد لكن مفيش حاجة إتغيرت!!
إيديا لسه دافية زي ما كانت في إيديه!!
أنا كنت شايفة إيديه كبيرة أوي وإيديا الرفيعة مكنتش باينة خالص!
إيديه دي تنفع تكون مجاديف مركب!
إيه اللي حصللي حاسة إني عايزة أضحك الظاهر إن السهر الكتير آثر عليا
شيلت صينية الشاي والمكسرات وحطيتهم في المطبخ زي ما هما ودخلت أوضتي
وقفت قدام المراية ولمحت حاجة غريبة اوي انا عيني بتلمع جامد!!
في حاجة مخلياني أحس بفرحة كبيرة بس إيه هي معرفش!
بصيت لقيت نفسي ببتسم إبتسامة واسعة عشان إيه برضوا معرفش!!
سرحت جامد ودماغي كانت محتارة!!
أنا ليه سيبتله إيدي ومسحبتهاش زي كل مرة!!
عدت ساعة بحالها وأنا سرحانة بأفكاري وكنت لسه قاعدة قدام المراية
دلوقتي بقى جه وقت الجد هبتدي أشيل الميكب وأسرح شعري وأروق حالي وأظبط الدنيا اللي بايظة
أنا من عاداتي الۏحشة إني أخرج كل حاجة وآخد منها اللي أنا عايزاه وأسيب الباقي مالي الأوضة
بعد كده مش هحط مكياج ولا أي حاجة بدل ۏجع القلب ده
آخيرا خلصت مهامي الصعبة من تنضيف وشي وترتيب حاجتي وإترميت على السرير وخدت نفس عالي
حطيت إيدي تحت المخدة وقلت في بالي ليه فهد لحد دلوقتي ما فكرش يديني صورة ليه عايزة أحطها تحت المخدة وكل شوية أطلعها أبص عليها زي الأفلام!!
لما أشوفه المرة الجاية هقوله يديني صورة
لا لا لأ مش هطلب صور بدل ما يقول عليا خفيفة خليه هو اللي يطلب صورتي الأول
الليلة دي كنت حاسة إن دماغي متلخبطة وبفكر في مليون حاجة
في الليلة دي نمت بالعافية يمكن بسبب الشاي اللي شربته مع فهد
بعد ما نمت شوفت حلم غريب أوى
هحكيلكوا بس ما تضحكوش ماشي!
شوفت فهد بس كان متحول وبقى مركب وإيديه كانت مجاديف وأنا كنت متعلقة بيهم
إوعوا تعرفوه!
كان يوم الجمعة وأنا فضلت أتحايل على أشجان تنزل معايا كنت عايزة أتسوق وبالعافية خليت هشام أخويا ييجي معانا
أموت وأعرف ليه الراجل لما تقوليله تعالى معايا نتسوق يجيله العصبي!!
كنت عايزة أشتري شوية ميكب وحاجات شخصية تانية
يعني أخويا مش هيستفيد حاجة بالخروجة دي بس إتحايلت عليه لحد ما وافق
في محل من محلات الملابس أشجان قالت خطيبك بيحب ألوان إيه
ألوان إيه وأنا إيش عرفني
قلت ما أعرفش
بصتلي أشجان بإستغراب وقالت إيه ما تعرفيش يا بنتي إنتوا مخطوبين إزاي! كان لازم تسأليه من أول مقابلة!!
ياه يا أشجان هتقعدي بقى تتفلسفي!!
مفيش حاجة أقفل بوقك بيها تصدقوا دي بتقولي من أول مقابلة قال
أنا أقول عامل إيه
هو يرد الحمد لله
أنا إيه اللون اللي بتحبه
هو الإسود
أنا إسود مش حلو ما بتحبش لون تاني
هو بحبك إنتي
أنا كده على طول ده أنت لسه شايفني!
هو تصدقي نسيت خلاص هأجل الكلمة للمقابلة التانية!!
ندى سرحانة في إيه!
سمعت أشجان وهي بتكلمني كنت سرحانة شوية
ولا حاجة تتوقعي كده هو بيحب لون إيه
أكيد بيحب اللون الأحمر
الأحمر!! إيش عرفك
أيوة إسمعي كلامي مفيش راجل في الدنيا ما بيحبش اللون الأحمر ليه ما عرفش!!
طبعا إستجبت لنصيحة خبيرة الألوان أشجان وإشتريت فستان أحمر جميل أوي
إشتريت اليوم ده حاجات كتيرة أوي وصرفت فلوس على فلوس
لولا إن هشام أخويا معايا كان زماني فضلت اليوم كله أجيب حاجات
ما عرفش اللي حصللي كنت عايزة أجيب هدوم كتير ومكياج أشكال وألوان وعطور وحاجات كتيرة أوي مكانش يخطر على بالي أشتريها قبل كده!!
نفسي أرمي كل اللي عندي في الدولاب وأجدد بقى
في نهاية اليوم رجعت على البيت شايلة شنط كتير أوي ومبسوطة على الآخر
قعدت أفتح في الشنط وألبس اللبس الجديد وكل شوية أشوف تليفوني!!
خير إن شاء الله أنا إتنسيت ولا حاجة!!
الفصل الثاني
كنت لسة همسك التليفون وأكلمه وبعدين رجعت في كلامي
رصيت الحاجات اللي إشتريتها النهاردة وفردت على السرير والتليفون في إيدي
طب وبعدين بقى هو ما إتصلش ليه كل ده ولا يكون نسيني!
أنا مش عارفة إيه اللي حصللي أنا ليه ھموت وأسمع صوته إيه الحكاية!!
لأ مش للدرجة دي أنا بس قلقانة عليه شوية!!
بتبصولي كده ليه بلاش أقلق على بعلي!!
قررت آخيرا إن أنا أبعتله رسالة ومش أي رسالة!!
دورت على هشام أخويا وروحت قلتلههشام يا قلب أختك عندك
قلت أتدلع عليه شوية يمكن أطلع باللي أنا عايزاه
هشام بصلي بصة عجيبة مابين الخبث والغبا مع بعض!!
رسالة إيه!!
رسالة يا هشام رسالة تليفون يا حبيبي!
هشام بص للموبايل اللي في إيدي وبعدين بص على التيلفزيون
يا إبني بكلمك عندك رسايل ولا لأ
وهتبعتيها لمين بقى
يعني بدماغك كده ممكن أكون هبعتها لمين! إنجز بقى يا هشام
هشام مسك تليفونه وقعد يدور على رسالة حلوة
فعلا بعتلي رسالتين حلوين على تليفوني
جريت على أوضتي وبعتت رسالة لفهدي الغالي
إستنيته يرد عليا كتير بس فين على ما عبرني
فهد بعتلي رسالة جميلة أوي ما تحاولوش مش هقول فيها إيه!!
متهيألي إن الموبايل ليه مفعول السحر مع كل إتنين مخطوبين
الرسايل الجميلة بتخلي الواحد فرحان بشكل مش طبيعى
طبعا ده للناس اللي بيحبوا بعض
طب البنات اللي إتخطبوا قبل التليفون المحمول ده ما يظهر يا ترى كانوا بيعملوا إيه!!
بعد شوية دخل هشام عليا الأوضة وكان ماسك التليفون الأرضي
في مكالمة عشانك
بصيتله بإستغراب وقلت مين على التليفون!!
جورج بوش عايز يشكرك على الرسالة!!
ده هشام وده طبعه إنتوا مستغربين ليه!
إيه يعني حتى لو كان فعلا جورج الإبن عايز يكلمني
أنا ما بيهمنيش مكالمة واحدة مني وأعمله لخبطة في دماغه
خدت التليفون وقفلت عليا الباب كويس وقعدت على السرير!
ألو مين
إزيك يا حبيبتي عاملة إيه!!
إزيك إنت أنا كويسة إنت عامل إيه!
أنا الحمد لله كويس جدا عشان سمعت صوتك الحلو وشفت رسالتك الجميلة يا قمر
التجسس حرام وعيب يلا سيبونا لوحدنا
عموما إنتوا عارفين الست بتعشق إنها تتزين وتبان في أجمل صورة
لكن لما تكون مخطوبة الموضوع ده بيكون من أولوياتها
س مين أصحاب البنت وهي مخطوبة
ج المراية والتليفون وشړا كل حاجة
أنا مليش دعوة ده كلام أشجان!!
في بداية المكالمة كنت حاسة إني عصفورة وطايرة في الهوا من كتر الفرحة
أموت أنا في الكلام الحلو قول يا فهد قول هو ده الكلام ولا بلاش
في البداية كنا بنتكلم بحب ودفا وكان بيقولي عمل إيه في الشغل النهاردة وكان يومه عامل إزاي!!
بعدين سألني إنتي عملتي إيه النهاردة!
نزلت وإشتريت شوية حاجات كانت نقصاني
نزلتي الشارع
أيوة
طب ليه ما عرفتينيش
طيب أنا بعرفك أهو
أنا قصدي ياندى ليه ما إتصلتيش بيا عشان تاخدي إذني أنا اللي أقولك تنزلي ولا متنزليش!
نعم نعم ده خير إن شاء الله إذن إيه! أهو ده اللي كان ناقص
رديت وأنا مستغرباه وقلت تقصد إيه أنا مش عارفة!
أقصد إنك كان لازم تستأذنيني قبل ما تخرجي!!
لا يا شيخ والله
هو إنت فاكر نفسك مين!
إتضايقت أوي من كلامه وكنت رافضة كل اللي بيقوله عارفين إيه اللي حصل
درس طويل في حقوق الزوج وواجبات الزوجة خلتني كنت عايزة أمسك التليفون وأخنقه او أخنق فهد
لازم تكوني عارفة إني جوزك وواجب عليكي تاخدي إذني وإنتي خارجة من البيت ياريت الموضوع ده ما يتكررش تاني
رديت عليه وانا هطق من الغيظ وقلت واجب عليك إنت كمان إنك ما تتكلمش معايا بالطريقة دي تاني!
صوتنا علي وإتغابينا على بعض بدرجة كبيرة خلاني أكره اللحظة اللي قلت فيها موافقة إنه يبقى جوزي
آخيرا خلصت المكالمة بطريقة مش حلوة وقفلت تليفوني وإترميت على السرير وعيطت عياط ليا وللزمن
هو ما ينفعش الرجالة تتعامل مع مراتتهم بطريقة كويسة عن كده!
حتى لو كان معاه حق ماينفعش يتكلم معايا بطريقة أحسن من كده!
هو فاكر إن أنا هحترمه بس عشان هو إسمه متسجل في القسيمة إنه جوزي!!
حتى لو كنت أعرفه من زمان مش من كام يوم ما ينفعش يكلمني كده
فاتت الساعات وأنا متضايقة وهتجنن مش عارفة أعمل إيه!!
أنا هطلب من أبويا يطلقني من البني أدم ده أنا بكرهه
مسحت شلالات الدموع اللي نازلة على خدودي اللي إحمروا من كتر العياط وقومت أتفرج على الحاجات اللي أنا جبتها النهارده
أنا قد إيه كنت هبلة أوي وأنا بشتري كل الحاجات دي عشان واحد ما يستاهلش!!
حسيت إن أنا عايزة أرمي كل اللي إشتريته وأمسك الفستان الأحمر ده بالذات وأقطعه مية حتة
أيوة واحد لسه عرفاه من كام يوم عايزني أستأذنه كل ما أخرج والله ما هعملها
كنت حاسة إن الموضوع فيه ذل وأنا عمري ما إتذليت لحد
ده كان تفكيري وقتها
لهيت نفسي بحاجات كنت بعملها عشان أريح دماغي شوية
الساعة جت عشرة بالليل فتحت تليفوني اللي كان مقفول من ساعتها عشان أظبط المنبه
لقيت التليفون بيرن في إيدي
ده فهد اللي بيتصل ومكنتش عايزة أرد عليه سيبني في حالي
مارضيتش أرد وهو عمال يتصل تاني وتالت لما لقيته بيلح في الإتصال رديت بخشونة وغباوة وقلت نعم
إزيك حبيبتي إنتي فين!
هكون فين يعني في أوضتي ولا فاكرني خرجت برضوا من غير ما آخد الإذن!
في البيت
أنا أقصد يعني ليه قافلة تليفونك كل الوقت ده!!
أنا إتصلت بيكي أكتر من مية مرة
لا والله مية مرة مسكين صعبت عليا وليه كل ده كنت عايز إيه تاني مني!!
كنت عايز حاجة
أيوة أنا جايلك
إيه إنت جاي بتقول إيه
بتقول إيه
أنا جايلك دلوقتي مسافة السكة وأبقى عندك ياريت ما تناميش!!
يا خبر ده جاي دلوقتي هييجي إزاي انا مش جاهزة خالص!!
كمان أنا زعلانة منك ومش طايقة أشوف وشك
جاي دلوقتي يعني
أيوة يا حبيبتي إستنيني
من ذهولي ما قدرتش أتكلم أو أقول أي حاجة
طب دلوقتي فهد جاي وأنا شعري مش معمول مكواة أنا خلاص هروح فيها
طيران جريت على الحمام وغسلت شعري وحطيت حبة جل مثبت وطلعت الميكب وقعدت أحط في ألوان وأشيل في ألوان وبسرعة الصاروخ
ما بقتش لاحقة أبص على شكلي بقى عامل إزاي!!
جريت على الدولاب ووقفت محتارة ألبس إيه إيه
والله رسيت على الفستان الأحمر اللي إنتوا عارفينه
في كتير من حياتنا بيبقى مش مهم إحنا عملنا الحاجة إزاي المهم إنها إتعملت
يعني ممكن اللي إنت هتقولوا لخطيبتك مش مهم أوي لكن الأهم إنت هتقولوا إزاي!!
لازم يكون إخلاص الطرفين لبعض بسبب التقدير والإحترام بين الطرفين مش عشان هما متجوزين!!
الخلاصة أنا هحترمك وأقدرك عشان إنت حد تستحق الإحترام مش عشان أنا لازم إني أحترمك
مفهوم
قلبي كان بيدق جامد أوي وأنا قاعدة مستنية خطيبي ييجي الزيارة اللي على غفلة دي
مش عارفة أتحرك من قدام المراية أظبط الميكب وأسرح شعري المجعد تسريحة تبان إنها جديدة خلصت علبة المثبت عليه ومفيش فايدة
يا ربي أعمل إيه في شعري ده
على كده كل ما فهد ييجي لازم أكويه
دي مشكلة والله الراجل شعره ناعم وزي الحرير وأنا لأ طب هيعمل بيا إيه
جرس الباب رن وأكيد فهد اللي على الباب
أنا جسمي كله بيتنفض ربنا يسترها
روحت أستقبله على مدخل البيت وكنت قالبة وشي ومنزلة راسي لتحت
لمحته وهو بيبتسم لما شافني وقال مساء الخير حبيبتي الزعلانة مسا القمر المنور مسا الجمال والحب
إيه ده كله هو نسي إننا مټخانقين ولا إيه!!
رفعت وشي وبصيتله وبعدين نزلته تاني ولمحت في إيديه بوكيه ورد
أكيد الورد ده عشاني
بصوت كله برود وهدوء قلت مساء النور إتفضل إدخل
دخلنا أوضة الإستقبال اللي على طول بنقعد فيها وأول ما قفلت الباب مسك إيديا وسلم عليا ووطى على راسي وباسها!!
وبعدين معاك بقى لسه هسمعه كلمتين في جنابه لقيته بيمدلي بوكيه الورد وبيقول الورد للورد لحبيبتي الزعلانة
على طول نسيت موضوع البوسة وخدت منه الورد وكنت مبسوطة جدا!!
الله حلو أوي الورد ده أنا عاشقة للورد
عارف يا فهد أنا كل يومين هعمل معاك مشكلة عشان تصالحني بالورد!!
شكرا على الورد
ولا يهمك يا حبيبتي مين يستاهل يجيله ورد غيرك تعرفي الورد إتخلق عشانك إنتي!!
ياربي إبتدينا بقى الرجالة دول أساتذة في الكلام ما يتخافش عليهم أبدا
قعدنا على الكنبة الكبيرة قريبين من بعض الأصح لازقين في بعض!!
خطيبي لما قعدنا خد إيدي بين إيديه
إنتوا مالكوا!!
كانت إيدي التانية مشغولة بالورد بلعب في الورق بتاعه وكان لونه مخملي وريحته مالية المكان
قعدنا
يا لهوي أنا بتكسف متبصليش بالشكل ده
آه يكون قاعد بيبص على شعري الهايش بقولك إيه لو شعري مش عاجبك خد الورد بتاعك وإمشى بالسلامة عشان شعرك ناعم هتشوف نفسك عليا!!
آخيرا فهد بدأ يتكلم وقال أيوة بقى حبيبتى اللي زعلانة مني
فهد مد إيده ورفع وشي بالعافية وإبتسم وكملها يا قمر يا ڠضبان إنت تصدقي قمر وإنتي زعلانة أنا آسف حبيبتي
دقات قلبي زادت جدا ونفسي بقيت بطلعه بصعوبة وكل ما أبعد وشي عنه يجيبه تاني بالعافية
حبيبتي سامحيني قولي صافي يا لبن
خليني أسمع صوتك الحلو وأشوف إبتسامتك الجميلة اللي بتنور حياتي
أنا خلاص قربت أتبخر من السخونية اللي في جسمي!!
فهد إبعد شوية مالك الليلة دي لا تكون سخن!
إيه الجمال ده والعسل ده إيه الفستان الأحمر ده هياكل منك حتة إنتي شبه الأميرات
بصراحة الليلة دي شكلك يجنن مفيش حاجة ناقصة إلا إبتسامتك الحلوة
يلا إبتسمي بقى عشان قلبي يرتاح وصدري يهدى
خلاص كفاية كده عليا والله مش قادرة آه منك يا فهد
ڠصب عني إبتسمت إبتسامة واسعة إترسمت على شفايفي بكل جرأة
الله عل إبتسامتك الحلوة الحمد لله أنا كده إرتحت
رجع يمسك إيدي ويشد عليها
راقبت وشه وشوفت ملامح معرفش مخبية إيه!!
هو ممكن يكون فعلا بيحبني!
هو ليه حريص كده إني أكون راضية وكويسة معاه!!
هما كل الخطاب بيعملوا كده لما يزعلوا خطيباتهم منهم!!
أيوة طبعا أكيد في بداية الموضوع بس بعد الجواز اللي تزعل وتاخد على خاطرها تتفلق صح ولا لأ
حبيبتي بصي كده هوريكي حاجة
فهد قالي كده وخرج من جيبه حاجة حطها قدامي
إيه ده أيوة دي البطاقة بتاعته
بصيت فيها وأنا مستغربة شوية لما لقيت إسمي مكتوب فيها تحت اسم الزوجة
أخدت البطاقة وكنت حاسة إني عايزة أضحك!!
قال فهد آخيرا إسمك بقى على البطاقة بتاعتي
يا فرحتي يعني أخرج من بطاقة أبويا وأدخل في بطاقة جوزي!!
قلتيعني أنا كده بقيت مراتك!
ضحك فهد وقالي طبعا إنتي مراتي من ليلة كتب الكتاب
قلت أيوة فكرتني بالقسيمة هي فين!
شايلها في مكتبي
طب أنا عايزة أشوفها
فعلا! إشمعنا يعني!
عشان أتأكد إن إنت جوزي فعلا مش يمكن تطلع واحد تاني وأنا معرفش!!
فهد سمع كده وماټ من الضحك وهو بيقول طبعا جوزك إنتي مش شايفة إسمي أهو في البطاقة فهد وإسمك أهو ندى!!
يعني فاكرني عميا عارفة ده فهد ودي ندى بس برضوا مش هصدق غير لما أشوف القسيمة يلا بقى وريني القسيمة
قلتله وأنا بتدلع ده فهد بجد!! خليني أشوف هو فيه شبه منه لكن الطبيعي أجمل وأحلى
أه إيه اللي أنا قلته ده! بقيت عمالة أبص يمين وشمال من كتر الإحراج
لكن فهد مكانش مصدق نفسه آخيرا سمع مني كلمة حلوة
فعلا إنتي شيفاني أحلى يا عمري
أنا مش عارفة في اللحظة دي حسيت بإيه!!
لكن أنا شايفة إيدي بتترعش وقلبي بيتنفض ونفسي طالع نازل بسرعة!!
فهد سابني وبعد ومتهيألي كان مرتبك شوية متهيألي عشان هو كان متنح وكان بيقول كلام مش مفهوم!!
أنا جوزك يا حبيبتي ما تخافيش مني
مرت بعدها الدنيا كلها في سكوت وصمت
بعدها سمعته بيقلي يمكن عشان نعدي اللي حصل على فكرة يا ندي أنا عايز صورة ليكي
فوقت شوية من البنج اللي كان نازل على دماغي ولملمت عينيا ووجتها لعيون فهد
فهد كان مبتسم ووشه أحمر
ما كنتش عارفة أعمل إيه أو أقول إيه في الوقت ده
قلت صورة ليا!!
أيوة يا حبيبتي عشان تبقي معايا طول الوقت وأشوفك براحتي
ربنا شاهد عليا إن أنا أصلا صورتك ما بتفارقش خيالي ولا قلبي
لا لا لأ الراجل مش طبيعي شكله سخن عايزة أقيس حرارته
أمد إيدي وأحطها على دماغه لأ أتكسف وبخاف منه!!
قلت فعلا
طبعا يا حبيبتي إنتي والله في قلبي ليل نهار
ياه نفسي أقدر أصدقك يا فهد
إبتسمت وقلت طيب هروح أجيبهالك بعد إذنك
قمت بسرعة وخرجت وسايبة فهد وبوكيه الورد والبطاقة التلاتة قاعدين على كنبة واحدة
هربت على أوضتي وإترميت على السرير أخد نفسي وأستعيد ذكرى اللحظات اللي فاتت
ياربي هو ده بيحصل مع كل البنات ولا أنا بس!!
قد إيه كنت مستنية اللحظة اللي هيطلب فيها فهد صورة ليا!!
عشان كل الخطاب بيطلبوا الطلب ده من خطيباتهم والله ليه معرفش!!
طب دلوقتي هو لو خد الصورة هيحطها فين!
أكيد مش هيعلقها في أوضته للداخل واللي خارج
يمكن يحطها في دولابه!!
بس لو حطها في الدولاب مش هيشوفها غير حبة صغيرين يعني ممكن يشوفها مرة لو إفتكرها
يعني بإختصار عايز ياخد صورة ليه!
فتحت الالبومات بتاعة صوري وإخترت أجملها وقررت إديهاله
بس يا خسارة دي أحلى صورة ليا بس مش مهم هو لازم يشوفني في أحلى صورة
والله ما تغلى عليه!
دي أحلى صورة عندي والله ما تغلى عليك يا غالي
بس طيب أنا كمان عايزة صورة ليه تبقى معايا
يا ربي لأ مايروحش فكركوا لبعيد مش عشان أتملى في طلعته البهية كل ليلة لأ بس عشان هو طلب صورتي يبقى أنا كمان أطلب صورته
بعدين كل الخطاب بيعملوا كده ليه ما
أعرفش!!
أقولكوا حاجة أنا مش هطلبها دلوقتي بعدين
إننا نحتفظ بصورة لشريك حياتنا دي حاجة من أيام جدودنا
مش لما نكون شايفين بعض يكون أحسن ونكون مبسوطين
القريب من العين قريب من القلب
لو تعرفوا السحر اللي بيعمله الورد في حياة أي ست كنتوا خليتوا حياتها كلها ورد!!
أتاري الورد أغلى وأقيم من الدهب فاهمين!!
جيبتله أحلى صورة عندي ومعاها شوية أكل!!
فهد خد الصورة مني بسرعة وفضل يبصلها وكان مبتسم إبتسامة كبيرة من الودن للودن
بسم الله ماشاء الله إيه الجمال ده إنتي حلوة أوي
فهد ضم الصورة لصدره أنا فجأة وشي سخن وحسيت إني ڠرقت في عرقي
أما فهد فضل يتنهد كل شوية ويبص للصورة ويحضنها تاني!!
قاليشايفة أنا حاطط الصورة فين ده مكانك في قلبي
بعد كده خد صورتي وباسها!!
والله الراجل ده هيجنني فهد مين سمحلك تحضن صورتي وتبوسها!!
وبعدين معاك بقى
عشان كده كنت عايز الصورة والله لو أعرف إنك عايزها عشان كده كنت جيبتلك صورة الكعبة عشان تبوس فيها براحتك
رجع يلزقها تاني على صدره
قلت هو أنت بتعمل إيه!
دي مراتي وبراحتي أنا هخليها عند قلبي كده فيها حاجة دي!!
فعلا فضل ماسك الصورة وحاططها عند قلبه لحد ما حسيت إن أنا متغاظة!!
الراجل شايفني قدامه وعمال يحضن في الصورة!!
لأ ما يروحش فكركوا لبعيد!!
أنا قصدي يراعي وجودي وإحراجي ويستنى لما يروح على البيت ويعمل اللي هو عايزه!! ما تفهمونيش غلط
رغم إننا كنا متخاصمين وهو جاي الليلة دي عشان يصالحني لكن مفتحش الموضوع ده خالص
فضلت سهرتنا لحد الساعة واحدة الصبح قعدنا نتكلم في مواضيع كتير أوي حلوة وكانت الليلة جميلة وكنت أنا وهو مبسوطين أوي
إستنيته يفتح الموضوع اللي جاي عشانه لكن هو ولا كإن حاجة حصلت
هو ما كانش عايز يبوظ علينا الليلة الجميلة دي
خرجت عشان أوصله على الباب بعد ما خلصت سهرتنا وكانت صورتي في جيبه عند قلبه بالظبط
فجأة قال إنتي عارفة أنا هحلم بيكي النهاردة وأنا نايم أكيد أنا فرحان أوي
فهد كان بيتكلم وهو حاطط إيده على جيبه اللي فيه الصورة
حسيت بالإحراج ونزلت راسي لتحت ولقيته بيبوس جبيني بوسة ناعمة وبيقول تصبحي على خير يا قمرتي الحمرا
وبعدين مشي
الليلة دي مكنتش عارفة أنام وكنت عمالة أتقلب طول الليل وأنا حاسة بحاجة غريبة جوايا!!
كنت متخيلة فهد باشا نايم وصورتي عند قلبه لأ وبيحلم بيا كمان!
أكيد نايم مبسوط ومتهني
أنا اللي أقولكوا على حاجة أنا حلمت إن روحي طلعت من جسمي وراحت قعدت في الصورة اللي مع فهد!!
في يوم قررنا إننا نروح مطعم ونجيب عشا وبعدين نقعد ناكله على البحر
حلوة الفكرة صح من إختراعي
روحنا لمطعم فى مكان شعبي وزحمة أوي مليان مطاعم ومحلات وبني آدميين
فهد وقف العربية وقال هاجيب العشا وآجي بسرعة
فهد بص حواليه ومكانش مرتاح لكن كمل كلامه هسيبك هنا هجيب العشا وأرجعلك على طول ولا خاېفة
أخاف ليه إن شاء الله هو أنا جبانة!
لأ أنا معرفش معنى الخۏف
تمام أنا مش هتأخر عليكي
فهد نزل من العربية بعد ما قفل الأبواب كلها
يعني حپستني جوا العربية وسايب فيها المفاتيح!! لأ ده كمان سايب تليفونه
أنا طبعا ما صدقت وفضلت أدعبس في تابلوه العربية
شوية أرفع التكييف وشوية أنزله شوية أحط غنوة وبعدين أشيلها وأحط غيرها وقعدت أفتح كل حاجة قدامي ممكن تتفتح
كنت حاسة بسعادة غريبة وأنا بلعب في حاجات فهد جوزي المحترم
كنت بفتش في كل الحاجات المستخبية إلا تليفونه إوعوا تفتكروني متطفلة للدرجة دي!!
جوزي شايل معاه مشط
متابعة القراءة
