رواية أحبني ولكن مكتملة لجميع فصول... حصرياً

ده.
تامر بحنان بس أنا مش عايز انفصل أنا بحبك يا هدير.
بصتله وأنا مقهورة من الكلام اللي بيقولهولي وقلتله انت تستاهل حد أحسن مني وتكون بتبادلك نفس المشاعر.
تامر پصدمة يعني انتي مبتحبنيش!
هدير متقدرش تقول إن اللي في قلبي اسمه حب.
تامر بحزن يعني كدبتي عليا لما سألتك في حاجة في قلبك من ناحيتي وانتي قلتيلي أه
هدير بحزن وكسرة بعدت عيونها عن تامر وقالت كفاية أوي لحد كده وبعدين أنا قلتلك إني مش مستريحة وأنا أخدت قرار الجواز بسرعة.
ومفيش أي مشكلة انت تقدر تنفصل عني وتتجوز واحدة تليق بمقامك وتفرح بيها سلوى هانم إنما أنا..
رد عليا تامر وهو مقهور ومكسور سهل أوي اللي انتي بتقوليه مش مهم أنا حاسس بايه ولا هيحصل فيا ايه معتقدش أبدا إن أنا بعد ما انفصل عنك هرتبط بحد تاني.
سكت والدموع مالية عينيه.
بصيت في الأرض وبعدها رجعت بصيت لتامر كنت هقوله حاجة بس هو فاجئني بالكلمة اللي جابت أجلي.
تامر انتي طالق.
قالها وهو بيلف وشه عشان يخبي دموعه اللي نزلت من عينه وأنا حسيت ان قلبي بيتقسم نصين بس كنت ظاهرة قدامه اني مش متأثرة بس أول ما خرج من الأوضة مقدرتش اتمالك نفسي واترميت على الأرض واڼهارت.
فضلت اعيط وأنا حاطة ايدي قلبي اللي كنت حاسة انه هيخرج من ضلوعي.
أنا عملت كده وأنا مضطرة مكانش ينفع نكمل مع بعض أنا فقيرة وهو غني وهيفضل الفرق اللي بيني وبينه موجود على طول.
وسلوى هانم لو دلوقتي موافقة بكره مش هتقبل انه يستمر الوضع ده حاولت أتمالك نفسي وقمت دخلت الحمام وغسلت وشي وغيرت هدومي ولبست هدومي القديمة اللي جيت بيها.
وقولت لنفسي عمري ما اتصورت إني هرجع ألبس اللبس ده تاني وشكلي هفضل لابساه علطول.
خرجت من الأوضة ونزلت السلم لقيت سلوى هانم قاعدة كالعادة على الكرسي الكبير وأول ما شافتني قامت بكل ڠضب.
سلوى ايه القرف اللي انتي لابساه ده.
هدير بهدوء الهدوم دي كنت كل حاجة أملكها ورغم كده كنت فرحانة بيها لإنها كانت مغطياني ميغركيش بس الحالة اللي هي فيها هي بس شبهي شقيانة.
سلوى بطلي بقى الحكم والمواعظ اللي انتي بتقوليها دي.
هدير ولا حكم ولا مواعظ يا سلوى هانم من اللحظة دي أنا مبقتش أهم حد لابسه ايه أو مش لابسه ايه.
وكملت بكسرة تامر بيه طلقني.
ظهر على وش سلوى هانم الفرحة ومقدرتش تخبي سعادتها وقالت فعلا طلقك
هي كانت في قمة فرحتها وأنا كنت في قمة حزني وقهري اتحركت وقلتلها عن إذن حضرتك.
وسلوى هانم في نفس الوقت اتحركت وراحت جابت دفتر الشيكات وكتبت اسمي عليه وقالتلي ده شيك على بياض اكتبي فيه الرقم اللي انتي عايزاه.
بصيت للشيك وبصتلها وقولت ده تمن طلاقي من تامر بيه
كملت بحزن أنا مش عايزة حاجة أنا كنت كل اللي طالباه إني اعيش زي أي حد عن إذنك.
خرجت من القصر وأنا رجلي مش شايلاني وقلبي مكسور فضلت امشي وامشي وأنا مش عارفة رجلي هتوديني على فين رفعت عيني وهي مليانة دموع وقهر وقلت يا رب.
فضلت ماشية وأنا مش عارفة أنا رايحة فين ومن كتر التعب قعدت على الرصيف وبدأت الدنيا تمطر.
كنت قاعدة وهدومي كلها مبلولة ومعنديش حته اروحها.
وفجأة لقيت عربية وقفت قدامي ونزل منها راجل وقلع الجاكيت اللي هو لابسه وحطه عليا.
قمت وقفت وشلت الجاكيت ورجعتهوله تاني وقولتله لا بلاش حضرتك لاحسن الجاكيت يبوظ.
الراجل يبوظ ايه بس خدي البسيه كده هتتعبي.
وڠصب عني ولإن مفيش حاجة في ايدي أخدت الجاكيت منه وأنا عمالة اترعش ولبسته.
الراجل انتي واقفة كده ليه
تحت المطر معندكيش مكان تروحيه
هدير لا معنديش حته اروحها.
الراجل معندكيش بيت
هدير لا الحمد لله معنديش بيت.
الراجل يعنى معندكيش أي مصدر رزق
هدير كنت شغالة مع ناس كده بقى الله يسامحهم.
حرك الرجل راسه وقال اطلعي اركبي العربية.
هدير باستغراب لا استغفر الله العظيم ايه اللي حضرتك بتقوله ده.
الراجل يا ستي انتي فهمتي ايه كل الموضوع ان في بيت هتروحي بس تنضفيه وتظبطيه.
بصيت في الأرض.
الراجل معلش هو هياخد منك شوية وقت ومجهود لإنه بايظ خالص وبقاله فترة محدش ډخله بس انتي شطورة و هتعرفي تضبطي الدنيا.
هدير تمام حضرتك تؤمر. 
ركبت العربية ورحنا للبيت اللي بيقول عليه وكان موجود في منطقة فخمة.
وقفنا قدام عمارة ضخمة جدا وجميلة وطلعنا الدور التالت بالاسانسير كانت العمارة زي العمارات اللي بنشوفها في الأفلام دخلنا البيت وكان ذوقه حلو أوي وكان مطرب شوية.
الراجل بابتسامة معلش بقى على التعب اللي هتتعبيه.
هدير بثقة لا متقلقش دي حاجة بسيطة أوي.
الراجل بصي يا ستي بعد ما تخلصي توضيب البيت هيكون ليكي إن شاء الله مرتب كل أول شهر تقدري ترتبي بيه أمورك وبالنسبة لخزين البيت هيوصلك بانتظام.
هدير معقولة كل ده بس دي حاجات كتير أوي أنا كفاية بس إني هقعد هنا في البيت.
الرجل يا ستي انتي مكبرة الموضوع ليه كده يلا روحي شوفي الحاجة اللي هتعمليها عشان تخلصي.
لف الراجل وحط المفتاح على البار وخرج من الشقة وأنا بقيت اتلفت حواليا وأنا مش مصدقة نفسي وطلعت اجري على الشباك وبصيت للسما وقلت الحمد لله.
وافتكرت تامر وڠصب عني عيني دمعت وقلت يا رب ساعدني أنا لسه متعلقة بيه وبحبه.
وبكل همة ونشاط بدأت انضف البيت والظاهر كده ان البيت كان بقاله فترة طويلة أوي محدش ساكن فيه وبعد ما خلصت قعدت على الأرض وفضلت أبص حواليا وأنا مبسوطة بالنضافة واللمعان اللي البيت بقى فيه.
شوية والباب خبط قمت لفيت طرحتي وفتحت الباب ولقيته هو ومعاه شنط كتير ساعدته وبدأت اشيل منه وأدخل جوه في المطبخ وبدأ هو يتفرج على البيت وهو فرحان ومبسوط.
الراجل ايه ده انتي خليتي البيت بيلمع.
وكمل وقال عارفة عشان واحدة ست بس هي اللي مدت ايدها فيه إنما لو كان راجل هو اللي عمل الكلام ده مكانش طلع بالحلاوة دي.
ابتسمت وبدأت افضي الشنط واحط الحاجة في التلاجة والإدراج وسألته هو حضرتك هتيجى أيام ايه
الراجل ليه بتسألي كده
هدير بتوتر أنا مقصدتش اني اتدخل في اللي ميخصنيش أنا بس كنت عايزة أعرف يعني امتى حضرتك هتيجي عشان ابقى مجهزة البيت والأكل.
الراجل لا أنا عندي بيتي.
هدير طب والبيت ده بتاع مين.
الرجل رد عليا بتوتر وقال ده كان بيت أهلي واحنا سبناه من فترة طويلة بس موافقناش ان احنا نبيعه يمكن يجيله وقت عوزة وادي وقت العوزة.
هدير بسعادة يعني حضرتك هتسيبني قاعدة فيه علطول
الراجل أيوه يا ستي هتفضلي موجوده هنا علطول.
وبعدها وقف وقالي أنا همشي بقى عشان ترتاحي شوية وخرج ايده من جيبه وكان فيها فلوس وحطها على الترابيزة وقال وادي يا ستي أول مرتب.
هدير بس أنا لسه مشتغلتش.
الراجل خليه معاكي يمكن تعوزي حاجة وأنا مش موجود.
هدير أنا مش عارفة اشكر حضرتك ازاي.
هدير معلش أنا آسفة يعني أنا مسألتش حضرتك على اسمك.
الراجل أنا اسمي عدنان.
هدير اسم حضرتك جميل جدا.
عدنان بابتسامة وانتي كمان اسمك جميل يا هدير.
هدير باستغراب وحضرتك عرفت اسمي إزاي
عدنان بارتباك انتي اللي قلتيلي لما كنا في الشارع.
هدير باستغراب وكانت بتحاول تفتكر الكلام اللي حصل ما بينهم بس عدنان اتحرك بسرعة واستأذن ومشي.
هدير أنا مش فاكرة ممكن أكون قلتله وأنا ناسية.
دخلت الحمام وأخدت شاور وعملت حاجة أكلها سريعة عملت سندوتش همبرجر وشوية بطاطس وأخدتهم وقعدت قدام التلفزيون.
قعدت اقلب في القنوات لغاية ما لقيت فيلم لسعاد حسني اسمه صغيرة على الحب وأنا بحب سعاد حسني جدا وبعشقها من وأنا طفلة صغيرة.
بدأت أكل وأنا بتفرج على الفيلم وخلصت الأكل وكملت فرجة لغاية ما عيني راحت في النوم قدام التلفزيون ومصحيتش إلا تاني يوم لما نور الصبح بدأ يشقشق.
قمت من على الكنبة ودخلت اتوضيت وصليت صلاة الصبح ورحت جبت طبق الغسيل وبدأت اطلع في المفارش اللي كنت فتحت عليها الغسالة امبارح بالليل قبل ما انام ودخلت المطبخ عملتلي ساندوتش جبنة سريع.
ورغم الحياة اللي تعتبر بقت كويسة والدنيا اللي بدأت تضحكلي إلا ان قلبي كان واجعني وكنت حاسة إني مش هقدر اعيش من غير تامر وفي نفس الوقت مش هقدر اقبل بالوضع ولا بكرامتي اللي اتهانت.
وفجأة حسيت پألم شديد في بطني وقلت أنا شكلي أخدت برد في معدتي.
بدأت أكل في الساندوتش بس بطني كانت ۏجعاني جدا جريت على الحمام ورجعت وخرجت عملت لنفسي حاجة سخنة تهدي معدتي بس بردوا كان لسه في ألم وتعب ودوخة.
وفي نفس الوقت ده لقيت الباب بيخبط قمت من مكاني وأنا عمالة اتسند عشان افتح الباب واشوف مين وكان اللي واقف على الباب عدنان بيه اللي أول ما شافني لحقني ومسكني بايده.
عدنان ايه ده في ايه انتي كويسة
وأخدني ونزلنا أقرب مستشفى.
دكتور الطوارئ مبروك المدام حامل.
اټصدمت ومكنتش عارفة انطق.
الدكتور الحمل بقاله اسبوع وكل الأعراض اللي انتي فيها دي طبيعية هكتبلك على شوية أدوية وهتقلل الأعراض دي.
الدكتور سأل عدنان هو حضرتك جوزها
عدنان لا أنا اخوها جوزها بس مسافر.
وبعدها عدنان أخدني وخرجنا من المستشفى من غير ما ينطق ولا كلمة وصلني لغاية البيت وأخد مني رقم التليفون عشان يبقى يتصل يطمن عليا ومشي من غير ما يقول أي حاجة.
في الناحية التانية..
عدنان بقولك طلعت حامل.
تامر بسعادة متصلتش عليا ليه وانت هناك وقلتلي.
عدنان وكل حاجة بنخططلها تبوظ.
تامر أي حاجة مش مهمة المهم كنت ابقى معاها في اللحظة دي.
وبعدها تامر بصله بجنب عينه وقال مش انت اللي تبقى موجود.
عدنان ماشي يا سيدي شكرا أنا قلت ان أنا أخوها وأنا فعلا أخوها دي مرات أعز صاحب ليه.
تامر حضڼ عدنان وسأله انت متأكد ان هي حامل.
عدنان والله العظيم حامل وربنا حامل.
عدنان انت ناوي على ايه يا صاحبي.
تامر إن شاء الله قريب أوي هردها.
عدنان بعد الكلام اللي قالته.
تامر أنا عارف ان كل الكلام اللي هدير قالته ليا مكانش من قلبها وإن هي حاولت تيجى على نفسها عشان من وجهة نظرها تصلح الوضع بس أنا عارف ان هي بتحبني.
عدنان ربنا يقدملكم اللي فيه الخير.
في الناحية التانية..
دخلت البيت وقفلت الباب ورايا وأنا في حالة من الصدمة وقولت لنفسي إزاي هقدر اتصرف في الموضوع ده لوحدي
معقول هكون أنا أم وأب للطفل ده وهشيل مسؤوليته وأنا أصلا مش عارفة اشيل مسؤولية نفسي
وقعدت على اقرب كرسي واتمنيت إني أكون في حلم وقعدت اعيط.
هدير بعياط ياريتك كنت موجود معايا دلوقتي.
وبعد شوية الباب خبط وأنا عارفة إن اللي بيخبط عدنان بيه فتحت الباب.
عدنان ازيك دلوقتي يا هدير عاملة ايه.
هدير أنا كويسة الحمد لله.
حبيت افسر لعدنان بيه الموقف اللي أنا فيه.
هدير عدنان بيه علفكرة أنا كنت متجوزة.
عدنان أنا مطلبتش منك انك تفسري أي حاجة دي
حاجة تخصك.
هدير أيوه بس حضرتك كان لازم تعرف.
عدنان ودلوقتي انفصلتي عنه
هدير أيوه.
عدنان كان ايه سبب الانفصال
هدير لا دي حكاية طويلة.
عدنان تقدري تتكلمي معايا باعتباري أخ أو صديق. 
هدير أنا ممتنة لحضرتك جدا على وقفتك معايا.
عدنان أنا زي ما قلت في المستشفى أنا واقف معاكي كأخ واعتقد مفيش امتنان ولا شكر بين الأخوات.
وكمل عدنان كلامه وقال بس في الأول هروح اعملي كوباية قهوة كده تعدل دماغي واستنيني في البلكونة لغاية ما أجي.
هدير لا حضرتك اقعد انت وأنا هقوم اعملهالك.
عدنان مستحيل اتفضلي انتي على البلكونة وأنا هجيبلك عصير وهاجي.
اتحركت على البلكونة وأنا مبتسمة وقعدت على الكرسي وكان الجو جميل ومقدرتش امنع نفسي إني أفكر في تامر ورغم إن عيوني كانت بتلف في كل حته في الشوارع بس مكنتش شايفة حاجة غير صورته.
جه عدنان بيه وقعد قصادي وبدأت احكي.
هدير أنا كنت بخدم في فيلا ناس أغنية أوي كنت بعمل الشغل اللي عليا وبتعرض كتير للإهانة ومكنتش اقدر اعمل أي حاجة في سبيل لقمة العيش لان اللي مش هيعجبه الوضع هيطلع بره وأنا لو كنت فتحت بوقي كنت هروح فين.
لغاية يوم جت فيه رفيدة هانم ومسكت الكمان بتاع تامر بيه وكسرته.
وأول ما جت سيرة تامر لقيت نفسي ببتسم.
هدير علفكرة تامر بيه ده شكله صغير مش راجل عجوز يعني بس هو وقتها نصرني من الظلم اللي وقع عليه ومن وقتها وهو بدأ يعاملني بحنية وأنا ڠصب عني حبيته.
وبقيت ابصله إن هو سندي وضهري بقى يطلعني من أي مشكلة اتحط فيها ومكانش بيوافق إن أي حد ينادي عليا ويقولي يا خدامة لإني كنت