رواية غرام وادهم ج 1 بقلم سلمي هاني

الأهم إني عايزك تدور على عمك.
أدهم ....
يُتبع...
الفصل السابع
أوقعتني في غرامها 
تدخل ثريا بعصبية.
ثريا أدهم مش هيدور على حد. انت عايز بعد ده كله أخوك ييجي ويشاركنا في الورث؟ أحمد طلع من البيت من 23 سنة ومش هيرجعلنا تاني.
محمد ده حقه، وهياخده برضاكي أو من غير رضاكي. ولو أدهم مش هيدور عليه أنا هتصرف.
ويسيبهم ويمشي.
ثريا أدهم حبيبي، سيبك من كل اللي قاله أبوك. كل حاجة بتاعتك انت ومحدش هيشاركك في الورث.
أدهم ماما أنا تعبان وطالع أرتاح شوية. نتكلم بعدين.
في صباح اليوم التالي
في الكلية عند غرام وندا.
ندا غرام كنت عايزة أقولك على حاجة، بس مش عايزة أسمع منك غير حاضر.
غرام ندا، انتي عارفة إنك كل اللي ليا في الدنيا دي، وأكيد مش هتأخر عليكي بحاجة.
ندا بعد ما نخلص محاضرات أنا هاجي معاكي البيت علشان نوضب حاجاتك، علشان هتيجي تعيشي معايا بعد كده. انتي عارفة إني مليش إخوات وبزهق كتير وأنا لوحدي، وماما وبابا بيحبوكي أكتر مني كمان.
غرام مش هينفع يا ندا، أسيب البيت ده؟ ده فيه ريحة أبويا وأمي وكل ذكرياتنا سوا.
ندا انتي عارفة إن أهلي بيعتبروكي زي بنتهم بالظبط. وبابا كان هيجي يتكلم معاكي في الموضوع ده، بس أنا قولتله أنا اللي هكلمها علشان أعرف أقنعها. يرضيكي تكسري بخاطري أنا وأهلي؟ وإن كان على البيت، نبقى نيجي كل فترة نقعد فيه كام يوم. وافقي بقى والنبي.
غرام خلاص ماشي موافقة، بس بشرط.
ندا إيه هو؟
غرام أنا هشتغل وهدفع معاكو في البيت، غير كده لا.
ندا زي ما انتي عايزة. يلا بقى تعالى علشان أهلي مستنيينك.
غرام طيب هجهز هدومي الأول.
ندا تعالى نجهزها سوا.
ونسيبهم يجهزوا هدوم غرام.
في المساء عند أدهم
يلبس أدهم ويستعد للخروج، وهو نازل أمه بتنادي عليه.
ثريا أدهم حبيبي، كنت عايزة أتكلم معاك في موضوع مهم.
أدهم بعدين يا ماما، مش فاضي.
ثريا مش هاخرك يا أدهم، هما خمس دقايق وبعدين امشي.
أدهم حاضر يا ماما، بس ياريت بسرعة علشان مستعجل.
ثريا هتدور على عمك ولا هتعمل إيه؟
أدهم مش عارف لسه يا ماما.
ثريا بخبث يا حبيبي اسمع كلامي وفكك من كلام أبوك. بعد العمر ده كله هيجي حد ويشاركك انت وأختك في الورث. انت اللي تعبت في الفلوس دي وكبرت الشركة.
أدهم بتفكير انتي معاكي حق يا ماما، بس أنا مش هقول لأبويا كده. هقوله إني هدور عليه علشان مش عايز أزعله، لكن الموضوع ده هيفضل بيني وبينك.
ثريا كده تبقى ابني بجد.
أدهم يلا أستأذن أنا بقى.
ثريا مع السلامة يا حبيبي، خلى بالك من نفسك.
في اليوم التالي
يصحى أدهم ويلاقي البنت اللي كانت معاه خرجت من المكان، ويبدأ يومه بشكل طبيعي.
عند غرام وندا
تصحى ندا وتدخل تصحي غرام.
ندا غرام، غرام اصحي يا بنتي هنتأخر.
وغرام مش حاسة بحاجة.
ندا غرااااااااام!
ومفيش فايدة بردو.
تضحك ندا وتدخل الحمام وتحضر كوب ماء وترشه على غرام.
غرام أنا بغرق! أنا بغرق! الحقوناااا!
وتبص جنبها تلاقي ندا في الأرض بتموت من الضحك.
غرام يا جزمة بقى! كده استحملي بقى، والله ما أنا سيباكي!
وتجري ندا وغرام تجري وراها، وتستخبى ندا ورا أمها اللي بتموت من الضحك عليهم.
الأم كفاية هزار ويلا افطروا علشان الكلية.
غرام فلتي مني المرة دي بس، مردودالك يا ندا.
ندا وهي تضحك أنا مليش ذنب، انتي نومك تقيل يا بنتي.
غرام بقى أنا نومي تقيل؟ والله لاوريكي، بس مش دلوقتي علشان المحاضرة هتروح علينا.
وتلبس غرام ويفطروا ويروحوا الجامعة ويحضروا المحاضرات.
بعد المحاضرات
غرام أنا شوفت إعلان على النت مطلوب سكرتيرة لأكبر شركة في مصر ومرتبها حلو جدًا. إيه رأيك نروح نقدم؟
ندا خلاص هرن على بابا أعرفه إننا هنتأخر، وبعدين نروح.
وبتتكلم ندا أبوها وتعرفه.
ويروحوا الشركة، وأول ما يدخلوا يلاقوا...
يُتبع...