رواية غرام وادهم ج 1 بقلم سلمي هاني

ممكن أعرف اتأخرتوا ليه؟
ندا معلش، إحنا آسفين.
أدهم وهو بيبص ناحية غرام إيه؟ مش هتعتذري زي صاحبتك ولا إيه؟
غرام حضرتك المحاضرة بتبدأ الساعة عشرة، ودلوقتي عشرة بالظبط.
أدهم بيشاور لندا وبيقولها ادخلي انتي يا آنسة.
غرام ....
أدهم هو أنا قولتلك ادخلي؟
ويبص للبوكيه اللي في إيدها.
أدهم روحي شوفي انتي كنتي فين. ده مكان للتعليم مش للعب. ولما تعرفي تلتزمي بالمواعيد ابقي احضري بعد كده.
غرام بعصبية حضرتك أنا محترمة، ومسمحلكش تتكلم معايا بالأسلوب ده. ولو كان على الحضور، أنا مش مرتاحة لحضور محاضرتك بالطريقة دي.
أدهم انتي بتجادلي كتير. اطلعي برا، ولو زودتي كلمة تانية اعتبري نفسك شايلة السنة كلها، مش المادة بتاعتي بس.
وتبكي غرام وتطلع تجري وتركب تاكسي وتروح تزور أبوها وأمها وتقعد عند قبرهم وتفضل تعيط.
غرام ليه سبتوني لوحدي؟ كله جه عليا بعد ما سبتوني. الحياة وحشة أوي من غيركم. وحشتوني. أنا مش عارفة أعيش من غيركم، انتوا كنتوا كل حاجة ليا. أنا بحاول مبينش ضعفي قدام حد، ومش عايزة حد يشفق عليا. أنا بقيت وحيدة ومليش ضهر ولا سند من بعدكم. يا رب ساعدني أقدر أكمل حياتي.
وتفضل تعيط ومتحسش بالوقت.
وتبص في تلفونها تلاقي مكالمات كتير من حمزة وندا، وتبص على الساعة تلاقي الوقت اتأخر جدًا وتروح البيت.
في منزل الزيات
محمد لسه بدري يا هانم.
ثريا أووووف، هو كل شوية خناقات وقرف، انت مبتزهقش؟
محمد أنا لو متجوز ست مسؤولة ومهتمة ببيتها مكنتش هتخانق معاها كل شوية.
ثريا بقولك إيه؟ أنا مش فايقة للمحاضرة بتاعة كل يوم دي، أنا طالعة أنام.
محمد مفيش فايدة فيكي، عمرك ما هتتغيري، وأنا اللي غلطان إني سمعت كلام أبويا واتجوزتك، وادي النتيجة ضيعت نفسي وعيالي معايا.
ويمشي ويسيب البيت.
عند أدهم
يكون أدهم جالسًا في مكان للسهر، لكنه يبدو شاردًا ومضايقًا.
أدهم ماشي يا غرام، أنا هعرفك إن اللي حصل مش هيتكرر.
ويتصل به معاذ.
يُتبع...
الفصل السادس
أوقعتني في غرامها 
يرن تليفون أدهم.
أدهم ألو، عايز إيه؟
معاذ وحشتني يا دومي.
أدهم اخلص يا خويا، مش وقت هزارك. قول عايز إيه من غير لف ودوران.
معاذ دايمًا قافشني كده يا دومي.
أدهم احترم نفسك. عايز إيه؟ أنا مش فاضيلك.
معاذ اتصلت عليك علشان في اجتماع مهم بكرة في الشركة ولازم تبقى موجود.
أدهم تصدق كنت ناسي. كويس إنك فكرتني. الساعة كام الاجتماع؟
معاذ الساعة 9 الصبح.
أدهم خلاص ماشي، أشوفك بكرة. سلام.
معاذ سلام.
في صباح اليوم التالي
يذهب أدهم إلى الشركة ويدخل الشركة بكل هيبة ووقار ورجولة طاغية. يسير داخل الممرات وهو يسمع همسات الموظفين عنه، فكان الجميع ينظر له بعضهم بخوف وبعضهم بغيرة وبعضهم بحقد، ولكنه غير عابئ بأحد، ودخل إلى مكتبه بكل هيبة.
وتدخل خلفه السكرتيرة.
منى صباح الخير يا أدهم بيه.
أدهم جهزيلي القهوة بتاعتي وابعتيها على المكتب.
منى حاضر يا فندم، ثواني وتكون عندك.
وتدخل منى بالقهوة إلى أدهم وتضعها على المكتب وتقف مترددة.
أدهم خير يا منى؟ عايزة حاجة؟
منى في الحقيقة يا أدهم بيه كنت عايزة أقولك إني مش هقدر أجي الشركة تاني بعد الشهر ده علشان ولادتي قربت، وجوزي مش عايزني أشتغل. حبيت أعرفك من دلوقتي علشان تلاقوا سكرتيرة جديدة.
أدهم تمام يا منى، أنا هتصرف. اتفضلي على شغلك يلا.
وتخرج منى من المكتب.
وبعد شوية يصل معاذ.
معاذ صباح الخير يا منى.
منى صباح الخير يا مستر معاذ.
معاذ أدهم موجود في المكتب دلوقتي؟
منى أيوه يا فندم، لسه واصل من شوية.
معاذ تمام، أنا هدخله.
ويدخل معاذ للمكتب.
معاذ مش هنخف سهرات بقى يا أدهم يا بني؟ حرام عليك اللي بتعمله ده، كله بطل القرف ده بقى.
أدهم معاذ، قولتلك كذا مرة ملكش دعوة بحياتي. أنا عاجبني حياتي كده ومش هغيرها.
معاذ هتتغير يا أدهم لما تلاقي اللي تحبها بجد وقلبك يدق ليها، هتلاقي نفسك كاره كل ده وبتبعد عنه.
أدهم مش أدهم الزيات اللي يتغير علشان واحدة. الحب ده ضعف، وأنا عمري ما هبقى ضعيف.
معاذ مسيرها تيجي اللي توقعك يا أدهم، والأيام بينا وهتشوف.
أدهم معاذ، أنا مش فايقلك. اقفل على السيرة دي. وآه صح، دور على سكرتيرة جديدة، منى مش هتكمل.
معاذ خلاص نعمل إعلان. أنا كمان عايز أغير السكرتيرة بتاعتي، مش عاجبني شغلها.
أدهم خلاص بكرة تنزل إعلان، وابقي شوفهم انت علشان أنا مش فاضي.
معاذ تمام، اللي تشوفه. يلا علشان الاجتماع هيبدأ.
أدهم يلا.
عند غرام
ندا غرام، منجيش نروح نتغدى في مطعم النهارده؟
غرام لا، مليش نفس يا ندا، مخنوقة شوية.
ندا علشان خاطري، وكده كده مفيش محاضرات تاني النهارده.
غرام خلاص ماشي، يلا بينا.
ندا اشطااا.
في الشركة
بعد ما يخلصوا الاجتماع.
معاذ إيه رأيك نروح نتغدى في المطعم النهارده؟
أدهم لا خليها يوم تاني.
معاذ بقالنا كتير مخرجناش مع بعض يا أدهم.
أدهم خلاص يلا بينا.
وبالصدفة بيروحوا نفس المطعم اللي فيه غرام وندا، وبيقعدوا في مكان قريب منهم لكن مش بيشوفوا بعض.
في المطعم
ندا هتطلبي إيه يا غرام؟
غرام اطلبي انتي على ذوقك.
ندا خلاص هطلب بيتزا.
غرام اشطا.
ويطلبوا البيتزا ويقعدوا يتكلموا.
معاذ أنا هروح الحمام لحد ما الأكل يوصل.
أدهم ماشي.
عند الحمام
بتروح ندا للحمام، وأثناء دخولها بتخبط في واحد.
تبص له، وهو يبصلها.
ندا أنا آسفة، مكنتش واخدة بالي.
معاذ وأنا آسف، مكنتش واخد بالي.
ندا حصل خير يا أستاذ.
معاذ اسمي معاذ.
ندا تشرفت.
معاذ وأنا كمان.
ويمشي كل واحد في طريقه.
عند أدهم
أدهم كل ده يا معاذ؟
معاذ مبيسمعش، ولسه شارد.
أدهم روحت فين يا بني؟ بكلمك.
معاذ ها؟ بتقول إيه يا أدهم؟ مسمعتش.
أدهم لا، انت مش مركز معايا خالص.
معاذ معلش، سرحت شوية.
أدهم طيب يلا، الأكل هيبرد.
عند غرام وندا
تيجي ندا وتقعد مع غرام.
غرام ندا، كنت عايزة أقولك حاجة.
ندا خير يا غرام؟
غرام أنا بفكر أشتغل.
ندا والله فكرة حلوة، بس تفتكري حد هيرضى يشغلنا وإحنا لسه مخلصناش الكلية؟
غرام نجرب، مش هنخسر حاجة.
ندا خلاص بكرة بعد المحاضرات نروح ندور، يمكن يبقى حظنا حلو ونلاقي شغل.
غرام يارب يا ندا.
ندا طيب يلا بينا نروح.
غرام يلا.
عند أدهم ومعاذ
بيروحوا هما كمان.
أدهم بيروح الفيلا، وأول ما يدخل يلاقي أبوه واقف برا أوضة جده وقلقان.
أدهم خير يا بابا؟ ماله جدي؟
الأب معرفش يا بني، تعب مرة واحدة وطلبنا الدكتور.
وبعد شوية بيطلع الدكتور.
الدكتور والد حضرتك عنده مشكلة في القلب وحالته متأخرة جدًا.
والد أدهم طيب مفيش علاج يا دكتور؟
الدكتور محتاج عملية، بس مقدرش أضمن النتيجة. هات الأوراق دي وتعال لي يوم...
في المستشفى علشان نحدد موعد العملية.
والد أدهم حاضر يا دكتور.
وبعد ما الدكتور يمشي بيدخل أدهم وأبوه الأوضة عنده.
أدهم ألف سلامة عليك يا جدي.
والد أدهم ألف سلامة عليك يا بابا، إن شاء الله هتخف وهتبقى أحسن من الأول.
الجد الله يسلمكوا يا أولاد. محدش هيعيش قد اللي عاشه يا بني، الأعمار بيد الله. كنت عايز أطلب منكم طلب وياريت تنفذوه، اعتبروه وصيتي ليكم.
والد أدهم انت تؤمر يا بابا.
الجد عايزك تدور على أحمد انت وأدهم، وخليه يسامحني وهاته هو ومراته يعيشوا هنا معاكوا.
والد أدهم حاضر يا بابا، اللي تشوفه.
هنسيبك ترتاح دلوقتي.
وبيطلعوا من الأوضة.
أدهم يعني إيه الكلام ده يا بابا؟
والد أدهم يعني زي ما سمعت. عندك عم ومش بعيد يكون معاه أولاد.
أدهم بعد العمر ده كله يطلع عندي عم؟ طب إزاي؟ أنا مردتش أتكلم قدام جدي علشان صحته.
والد أدهم هفهمك كل حاجة، بس