رواية غرام وادهم ج 1 بقلم سلمي هاني

وتخرج بسرعة وهي متوترة.
أدهم البنت دي هتفضل تستفزني كده لحد إمتى؟
في مكان آخر مستشفى الحياة
الممرضة يا دكتور، في حادثة كبيرة حصلت يا دكتور. على الدائري عربية نقل دخلت في تاكسي، وحالة المصابين صعبة.
الدكتور ياريت تبلغوا أهل المرضى بسرعة.
الممرضة حاضر يا دكتور.
في الجامعة
ندا خلاص يا غرام، بطلي عياط، متعمليش في نفسك كده.
غرام أنا عمل فيا كده، ده واحد أسلوبه وحش جدًا.
ندا اهدي طيب وشوفي تلفونك بيرن، يمكن يكون أبوكي.
غرام ألو؟ مين؟ هو ده مش رقم بابا.
الممرضة حضرتك صاحبة الرقم ده عمل حادثة، وحالته صعبة.
غرام انتي بتقولي إيه؟ هاتي عنوان المستشفى بسرعة.
تديها الممرضة العنوان وتقفل غرام.
ندا إيه اللي حصل يا غرام؟ مالك؟
غرام بابا وماما عملوا حادثة ولازم أروح دلوقتي حالًا.
ندا استني طيب، أنا هاجي معاكي.
ويروحوا المستشفى.
غرام لو سمحتي، المرضى اللي جايين في الحادثة فين؟
الممرضة المرضى في أوضة العمليات ولسه مطلعوش.
بتجري غرام وتقف قدام أوضة العمليات وهي بتعيط.
ندا اهدي يا حبيبتي، إن شاء الله هيقوموا بالسلامة.
اللمبة بتطفي ويطلع الدكتور.
الدكتور أنا آسف، إحنا عملنا اللي علينا، لكن مقدرناش ننقذ المريض.
يُتبع...
الفصل الرابع
أوقعتني في غرامها 
غرام انت أكيد بتهزر! بابا لسه عايش، مش هيسبني. هو وعدني إنه مش هيسبني.
وتدخل عنده الأوضة.
غرام بابا اصحى يا بابا، أرجوك متسبنيش. انت وعدتني إنك عمرك ما هتسبني. أنا مقدرش أعيش من غيرك. انت سندي وضهري وكل حاجة ليا. بابا لو بتحبني بجد اصحى ومتسبنيش لوحدي. بابا اصحى يا بابا!
وتدخل ندا عليها.
ندا اهدي يا غرام، ادعيله يا حبيبتي.
غرام شوفتي يا ندا؟ بابا اتخلى عني وسبني. أنا مقدرش أعيش من غيره، وكمان ماما حالتها خطر. أنا مش عارفة أعمل إيه ولا هعيش إزاي.
وبيغمى عليها.
ندا دكتور الحقنا!
الدكتور اطمني، ده من الضغط النفسي والزعل. إحنا اديناها حقنة مهدئة وهتنام شوية.
عند أدهم
بيطلع من الجامعة وهو متضايق من غرام، ويروح للشقة اللي بيقضي فيها وقته.
وتكون معه إحدى معارفه، ويتحدثان بشكل عادي.
هايدي مالك يا أدهم؟ مش مركز خالص.
أدهم مفيش حاجة، أنا بس مشغول شوية.
هايدي واضح إن في حاجة شاغلة بالك.
أدهم سيبي الموضوع ده.
عند غرام
تصحى غرام وتلاقي نفسها في مكان غريب.
غرام إيه ده؟ أنا فين؟
وبتفتكر كل حاجة حصلت، وبتقوم بسرعة.
ندا استني يا غرام، رايحة فين؟
غرام هروح أشوف بابا يا ندا. بابا لسه عايش ومستحيل يسبني.
وتطلع تجري على الأوضة اللي أبوها كان فيها، لكنها مبتلاقيهوش.
غرام لو سمحتي، بابا فين؟
الممرضة قصدك المريض اللي جه في الحادثة هو ومراته؟
غرام أيوه، هما فين دلوقتي؟
الممرضة البقاء لله، الاتنين اتوفوا.
غرام إيه؟ مستحيل! انتي بتقولي إيه؟
ندا اهدي يا غرام.
غرام انتي مش شايفة بتقول إيه؟
ندا ده قضاء ربنا، ولازم نرضى بيه وندعيلهم.
غرام حتى انتي يا ماما روحتي وسبتيني لوحدي. يا رب اللهم لا اعتراض. بابا وماما راحوا وسبوني ومبقاش ليا حد. مين هيطبط عليا لما أبقى زعلانة؟ مين هيفرح بيا ويفتخر بيا لما أنجح؟ مين اللي هيعملي الأكل اللي بحبه؟ مين اللي ههزر معاه بعد كده؟ مين اللي هسنده لما أكون فرحانة؟ مين اللي هيزعل لزعلي ويفرح لفرحي؟ مين اللي هيسلمني للعريس لما أتجوز؟ مين هيحكيلي حكايات قبل النوم ويقول لي إنتي وأمك اللي ليا في الدنيا دي؟
يعني كل ده راح؟
طيب هعيش ليه وإزاي أصلًا هعيش من غيرهم؟ أنا تعبت ومش عايزة أكمل!
وتحاول غرام إيذاء نفسها.
ندا غرام! انتي اتجننتي؟ سيبي الحاجة دي فورًا.
وتأخذ منها الأداة وتبعدها عنها.
ندا انتي مش لوحدك، وأنا مش هسيبك. ربنا كتبلك عمر، ومهما كان وجعك دلوقتي لازم نعديه سوا. خليكي قوية وادعيلهم وارضَي باللي ربنا كتبهولك.
بعد مرور أسبوعين
حمزة بيروح لغرام وندا بتفتحله.
حمزة لسه بردو مش بتتكلم؟
ندا لسه. ادخل حاول معاها شوية. أنا حاولت كتير معاها ومفيش فايدة.
ويدخل حمزة الأوضة على غرام، ويلاقيها قاعدة على السرير ولسه في صدمتها.
حمزة إيه يا حبيبتي؟ هتفضلي كده كتير؟ عيطي وطلعي اللي في قلبك، وادعيلهم. هما في مكان أحسن دلوقتي، ومش هيرتاحوا طول ما انتي زعلانة.
ولو مش علشاني أنا وندا، عيشي علشان أهلك يرتاحوا، وحققي حلمهم واتخرجي واثبتي نفسك.
غرام بتبصله وبتبدأ تعيط.
حمزة طلعي كل اللي جواكي، متكبتيش حزنك.
وبعد مرور ساعة بيطلع حمزة من الأوضة.
ندا ها؟ اتكلمت ولا لسه يا حمزة؟
حمزة اتكلمت يا ندا، الحمد لله.
ندا أنا هدخلها.
حمزة لا، سيبيها ترتاح دلوقتي، وياريت تعمليلها حاجة تاكلها لما تصحى.
ندا حاضر.
حمزة استأذن أنا بقى، وأبقى أجيلها في وقت تاني. سلام.
ندا مع السلامة.
وتقفل الباب وتروح تجهز الأكل لغرام.
بعد كام ساعة
تصحى غرام ولسه هتقوم من على السرير، بتلاقي ندا دخلت.
ندا حمد لله على السلامة. كل ده نوم؟ يلا قومي كلي، أنا عملتلك الأكل بإيدي.
غرام مليش نفس للأكل يا ندا.
ندا لا، إزاي الكلام ده؟ أنا بقالى ساعة بعمل في الأكل. يرضيكي تعبي يروح على الفاضي؟ يلا خلصي الأكل ده كله علشان خاطري.
غرام أنا آسفة يا حبيبتي تعبتك معايا.
ندا متقوليش كده يا حبيبتي. إحنا أخوات، ومتقلقيش، أنا هقعد معاكي هنا لحد ما تخفي وتبقي أحسن من الأول. أنا قولت لبابا وهو وافق وقال لي خليكي جنب صحبتك.
غرام ربنا يخليكي ليا يا حبيبتي.
ندا ويخليكي ليا. يلا كلي، إحنا هنقضيها حكاوي ولا إيه؟
بعد مرور أسبوع
ندا يلا يا غرام هنتأخر على المحاضرة.
غرام حاضر جاية أهو.
وبيروحوا الجامعة، وقبل ما يدخلوا بيلاقوا...
يُتبع...
الفصل الخامس
أوقعتني في غرامها 
بيلاقوا حمزة واقف قدام الجامعة ومعاه بوكيه ورد أحمر جميل جدًا.
بيروح ناحية غرام ويقولها
حمزة حمد لله على سلامتك يا غرام، الجامعة نورت.
غرام ربنا يخليك ليا يا حمزة، مش عارفة من غيرك انت وندا كنت هعمل إيه.
ندا متقوليش كده يا غرام، أنا عمري ما هتخلى عنك، انتي أكتر من أختي.
وتقول
ندا يلا هروح أجيب فطار، أجبلك معايا؟
غرام تسلمي يا حبيبتي، مش عايزة.
ندا أوك، خلصي وتعالي ورايا.
وتمشي.
حمزة وحشتيني أوي يا غرام. أنا مبسوط أوي إني شوفتك النهارده.
غرام ربنا يخليك ليا، لولا وقفتك جنبي انت وندا مكنتش هبقى واقفة معاكوا دلوقتي.
وهو بيقولها كده بيشوفهم أدهم وبيبصلهم بضيق.
في الناحية التانية
إنجي بتبصلهم بغضب.
منار انسيه يا إنجي، ده باين عليه بيحبها جدًا.
وتفتكر إنجي كلام حمزة لها.
فلاش باك
إنجي إزيك يا حمزة؟
حمزة الحمد لله يا إنجي، انتي عاملة إيه؟
إنجي تمام.
حمزة أخبار المذاكرة معاكي إيه؟ شدي حيلك، عاوزك تجيبي مجموع كويس السنة دي. وذاكري شوية وخفي سهر وخروجات بقى.
إنجي هعمل إيه؟ بدّي نفسي أي حاجة علشان الملل ده.
حمزة أنا بخاف عليكي يا إنجي، متنسيش إنك صاحبتي وزي أختي.
إنجي بس أنا مش أختك يا حمزة، وانت عارف كده.
حمزة انتي مش أكتر من أخت ليا يا إنجي. وبعدين انتي عارفة حكايتي أنا وغرام، وهخطبها بعد ما أخلص السنة دي، ومش هقدر أحب غير غرام. أنا آسف يا إنجي.
إنجي ربنا يسعدك انت وهي.
باااااك
تفيق إنجي من ذكرياتها.
منار واضح إنك لسه بتفكري فيه.
إنجي أنا مش هسيبه بسهولة، والأيام هتثبت كل حاجة.
عند حمزة وغرام
غرام سلام دلوقتي وأشوفك بعد المحاضرة علشان اتأخرت.
حمزة سلام يا حبيبتي، واستنيني بعد المحاضرة هوصلك أنا.
عند ندا
ندا كل ده يا بنتي؟ المحاضرة هتروح علينا.
غرام معلش الوقت خدنا.
ويدخلوا المحاضرة.
أدهم استني عندك انتي وهي. انتوا داخلين من غير استئذان؟