خـلف جـدران الـكذب كـاملة بقلـم منـي السـيد

يا هناء.. مدحت فاكر إننا شوية كراسي بيبدلها وقت ما يحب.. بس هو ميعرفش إن الست لما بتقوم، مفيش حد بيقدر يوقفها.
طلبت المحامي بتاعي فوراً. مدحت كان ناسي حاجة مهمة جداً.. البيت اللي كان عايش فيه في فيصل، كان كاتبه باسم هناء في لحظة رومانسية كدابة عشان يهرب من ضرايب قديمة.
بصي يا هناء.. الشقة دي قانوناً بتاعتك. والعقد اللي باعه ده باطل لأنك ممضيتيش عليه ك مالكة.
رسمنا الخطة سوا.. اتحاد الزوجات اللي مدحت مكنش يحلم بيه في أسوأ كوابيسه.
بقلم مني السيد 
بعد أسبوع، مدحت كان قاعد في كافيه شيك، لابس بدلة مستعملة وبيحاول يقنع ست تالتة ضحية جديدة إنه رجل أعمال ناجح وبيمر ب أزمة عابرة.
فجأة، لقى كاريمان و هناء واقفين فوق راسه.
مدحت وشه جاب ألوان
كاريمان؟ هناء؟ إيه اللي جمعكم؟
سحبت كرسي وقعدت بكل برود، وطلبت قهوة سادة
جمعنا الواجب يا مدحت.. جايين نبارك لك على القضية الجديدة.
مدحت بلع ريقه قضية إيه؟
هناء رمت قدامه ورقة المحضر
قضية تزوير وتبديد أموال قاصر.. الشقة اللي بعتها دي شقتي، والفلوس اللي خدتها دي حق بنتك ليلى. المحامي رفع عليك دعوة حجر، والنيابة هتدور وراك في كل المليمات اللي سحبتها من حساباتنا.
مدحت حاول يزعق إنتي اتجننتي يا هناء؟ أنا جوزك!
رديت أنا عليه بضحكة هزت المكان
كنت جوزنا يا مدحت.. دلوقتي إنت مجرد متهم في نظر القانون، ونكتة في نظرنا.
النهاية الحقيقية
مدحت انتهى.. ملقاش حد يصدقه ولا حد يسنده. الديون حاصرته، والسمعة اللي كان بيحاول يحافظ عليها ب الشياكة الكدابة اتمسحت بالأرض.
أما أنا وهناء؟
القدر جمعنا في وجع واحد، فقررنا نحوله ل نجاح واحد.
فتحت فرع جديد للصيدلية، وخليت هناء هي المسؤولة عن الحسابات والإدارة بعد ما علمتها كل حاجة. البنت الصغيرة ليلى بقت بتناديني طنط كاريمان، وبقيت بشوف فيها البنت اللي كان نفسي أخلفها.
فهمت وقتها إن فاتورة الكهرباء مكنتش بس كشفت خيانة.. متوفرة على روايات و اقتباسات دي كانت النور اللي عرفني طريقي الحقيقي.
الحياة مش راجل بيخون ويجرح.. الحياة هي إزاي نكبر فوق الجرح، ونمد إيدينا للي زينا عشان نقوم سوا.
أنا دلوقتي كاريمان الشناوي.. بس المرة دي، الاسم ده ليا أنا وبس.. والشركة اللي أسستها مع هناء، سميناها شركة النور.. عشان تفكرنا دايماً باليوم اللي النور فيه كشف كل حاجة.
تمت القصة بحمد الله.
بقلم مني السيد