اسكريبت كافيه البنات كاملة بقلم الكاتبة المبدعة مريم سمير ج 2
بس كنت مضايقة أنا لي مضايقة من كلامها عنه
اظن انك تحطي اللوحة دي جمبها هيبقي شكلهم حلو مع بعض
بصيت ورا لقيته ماسك اللوحة الي اشتراها من ليلي
_ دي بتاعتك!!
اشتريتها عشان احطها هنا
علقها وبعدين بصالي حلوة اويييي
متأكدة إنك بتتكلم عن اللوحة
ها اتأخرنا علي الشغل يهانم خلصي بدل ما عمك يزعلنا
امشي من غير ما اشرب القهوة هنهرج بقي ولا اي
يعني اتمني تحن عليا وتعملي معاكي
_ ماشي عشان اللوحة بس!
عملت قهوة لينا احنا التلاتة خدوا قهوتهم ومشيوا فضلت باصه علي اللوحة اشتراها عشاني!
جه بعدها بيوم وطلب اني اطلعله برا
ينفع يعني تجيلي البيت
_ ولما ارقع بالصوت ألم عليك الشارع أي الدنيا
أهو شوف دماغك أنا مش قصدي امي عاوزة تشوفك وتشكرك بنفسها
_ اه واجي وألاقي امك عند خالتك واقولك ماما جاية أمتي تقولي جاية الساعة ستة
كملي
_ وتحطلي حاجة في العصير وبعد كد ترميني من الدور السادس
أنا ساكن في الأرضي!
_ والله دا الي لفت نظرك يعني
لاء الي لفت نظري انك بتتفرجي علي افلام عربي انتاج ١٩٥٦ أنا شمام اصلا اني
مريم متخافيش أنا عمري ما اعمل اي حاجة تأذيكي
كنت باصة في عنيه صدقتهم! مكنوش كدابين .
روحت واتعرفت علي مامته كانت ست طيبة شكرتني كتير
يلا يا احمد جهز الغدا مش قولت انت الي هتعمله عشان مريم جاية
حبيبتي يماما أنا غلطان اني بقول قدامك حاجة
ضحكت أنا وهي وراح جهز السفرة كان عامل اكل حلو اوييي كلنا وعملنا شاي كان يوم لطيف بتهيقلي مش هنساه .
شكرا اوييي علي اليوم دا
احنا كد بقينا صحاب
_ لاء مهو مش هينفع و..
مريم مريم أنا عارف انك خايفة بس صدقيني متخافيش
_ كلكم بتقولوا كد!
انتي يمكن معاكي حق بس انا لا يمكن أفكر اني اكون سبب في زعلك أو مضايقتك
علي فكرة أنا صاحب كويس هتبقي انتي الخسرانة
_ لو رهان مع صحابك قولي
يعني ألطم علي وشي يجدعان
واتصاحبنا! مش عارفة ازاي بقيت احكيله حاجات كتير اوييي مشاكلي كان هو الي بيديني كذا حل ليها كان بيشجعني علي شغلي وعملي تسويق عنده في الشركة وكل البنات الي شغالين فيها بقوا زبايني حسسني اني جميلة واتحب اني استاهل احسن حاجة في الدنيا وان غلطت عادي هو هيصلح كان صاحب كويس جدا كان راجل مفيش منه خلاني أحب يومي بوجوده أحب الكافيه وشغلي اكتر احب تشجيعه ليا لأصغر الحاجات الي بعملها خلاني مخافش ولا احسبها مشيت اخيرا ورا قلبي وحبيته .
فتحت دولابي طلعت فستان كان لونه بيج جيباه من زمان كنت حوشت فترة عشان اقدر اجيبه حطيت
روحت لدكتوري الاول كان لازم يعرف!
_ ازيك يدكتور عامل أي النهارده
مريم مش معقول! لابسة فستان!
_ أي رأيك تعرف اني اشريته من يجي تلت سنين بس ملبستوش
انتي كويسه
_ اوي أنا جاية النهارده اشكرك انك كنت بتسمعني أنا خفيت مش هاجي هنا تاني!
خوفك راح
_ وحبيت مكنتش خايفة وانا معاه مكنتش بفكر المفروض اعمل اي كان هو الي بيفكر مكنتش شايلة الهم كالعادة اتصرف ازاي كان هو الي بيحل لأول مرة مكنش البنت الي بميت راجل وجبل كنت البنت الحلوة الرقيقة واللذيذة الي بتحب الدنيا الي بتلبس ألوان غير الغوامق الي بيجيلها ورد! كان أول حد يجيبلي ورد حسيت ساعتها إني عاوزة اخده مش خايفة ألمسه اني عاوزة ابص للراجل الي قدامي مش عاوزة اهرب منه اني عاوزة اسمعه مش خايفة من صوته ولا ريحته عاوزة اشوفه ناجح مش اقول اني مليش دعوة بيه زي الرجالة الباقية مبقتش اخاف منهم يدكتور! بقيت خايفة انه ميبقاش موجود طول ما هو موجود أنا كويسه وفرحانة ومتطمنة .
أنا مبسوط جدا اني بسمع الكلام دا ومبسوط اكتر إن عقدتك الي كانت منعاكي تحبي أي راجل مبقتش موجودة
ابتسمتله _ شكرا يدكتور وهبقي اجي ازور حضرتك من وقت للتاني
بعتلي لوكيشن المطعم روحت علي هناك لقيته مستنيني وزي أي مشهد في فيلم سينمائي قديم البطل لابس بدلة فورمال ومستني حبيبته بالورد
شكلك تحفهه
_ وانت كمان
قعدت وقدملي الورد الورد الي كان بيجبهولي علي طول طلبنا عشا كان كل لما يجي يتكلم يسكت
_ يارب تنطق النهارده!!
أنا خايف ترميلي كلمه من بتوعك تفقدني النطق
ضحكت _ متخافش عاوز تقول اي
عاوز اقولك اني بحبك ساعات ربنا بيوقعنا في ثغرات عشان نطلع منها بحاجات تانية انتي احلي حاجة أنا طلعت بيها أنا بقيت عاوز اشوفك علي طول وعاوزك دايما معايا عاوزك دايما مش خايفة ولا اسيبك لدماغك عاوز اتجوزك
النور قطع في المكان يعني _ اتمني متكونش إشارة عملية اغتيال دي ولا اي أحمد
النور جه ولقيت علبة قدامي فيها خاتم _ الله! بس دا شكله غالي اوي يا احمد
يا اما توافقي وألبسهولك يا اما
ترفضي وهتلبسيه بردو والله منا مش هحلك
ضحكت _ أنا موافقة
غمز لي بجد يعني اديني اسباب
_ هو العشا مش جاي النهارده ولا اييي
حاكم أنا غبي وممكن اخلي دماغك تزغرط علي الطربيزة
_ عشان بحبك يا احمد في أي!
أيوة كد مبتقيش دوغري
_ قال قولي
أي يحبيبي
_ لو رهان مع صحابك قولي
مريم سمير
