اسكريبت كافيه البنات كاملة بقلم الكاتبة المبدعة مريم سمير ج 2

شغل مبحبهوش ولا عمري حبيته يبختك انك خدتي الريسك وعملتي الي قالك عليه قلبك مش عقلك أنا قولت لأهلي اني نفسي أكمل في الرسم قالوا مبيأكلش عيش وأنه مينفعش امشي ورا اوهام بس لو كانوا وافقوا أنا كنت متأكدة اني كنت هاجي علي نفسي وانا مبسوطة اني بعمل حاجة بحبها ان لما لوحة تتباع من بتوعي هكون كأني ماسكة الدنيا عمري ما حسيت بالفرحة دي وانا عاملة تارجيت كويس أو ساعدت في صفقة في الشركة 
رجعت قعدت جمبها وطبطبت عليها 
_ هنعيشها مرة عشيها زي ما تحبي عشان ميجيش يوم تقولي يارتني وتبصي جمبك متلاقيش حاجة افضلي اعملي الي بتحبيه بجانب الشغل ولما تنجحي في حلمك ابقي فرغي كل وقتك ليه متمشيش ورا حد غير نفسك ومدام مقتنعة انك هتوصلي ف إن شاء الله ربنا هيقدرك هتوصلي هتوصلي يا ليلي 
 شكرا شكرا بجد 
اديتها منديل _ وانا يستي عاوزه لوحة حلوة كد احطها في الكافية مستنياها منك وعليها توقيعك 
كنت بردو حاسه بيها مريت بالفترة دي وانا بقنع اهلي اني عاوزة اخد المكان دا اعمل فيه احلي فنجان قهوة بروقان اعمل فيه ديزرت ب حب لكن كانوا شيفينه كلام فاضي واني ازاي اقف بطولي ف مكان زي دا ولما قولتلهم أنه هيبقي للبنات بس قالوا يبقي اكيد هيتقفل كمان شهر بيبقي لينا جناحات واحنا جوا أحلامنا مينفعش حد يقص الجناحات دي! لازم نفضل نحاول لأخر طاقة عندنا عشان منرجعش نلوم نفسنا أننا كنا ضعاف اوييي محربناش .
ألو أيوة يمريم قولت لعمي أيوة ووافق خليه يجي يعمل انترفيو بكرة 
_ متحرمش منك ابدا يحبيبي تسلميلي بجد 
كنت خدت رقمه من الفايل ف اتصلت بيه 
_ أيوة احمد معايا
أيوة مين
_ أنا مريم صاحبه الكافيه الي كنت عندها امبارح عم صحبتي وافق وعاوزك تيجي بكرة تعمل انترفيو هبعتلك اللوكيشن 
بتتكلمي بجد 
_ اه والله لسه صحبتي قافلة معايا دلوقتي 
أنا مش عارف اقولك اييي أنا بجد مش عارف اشكرك ازاي
_ ولا اي حاجة ربنا معاك .
قفلت معاه وبعتله اللوكيشن وقفلت بعدها الفون وكملت شغلي .
شكلي كويس
رفعت وشي لقيته _ انت جاي الصبح عشان..
رايح الشركة دلوقتي عاوز..
_ فنجان قهوة هعملهولك 
طلع استني برا وعملتله القهوة وطلعت ادتهاله 
بكام
_ لاء دي هدية حلاوة تعيينك
يسمع من بوقك ربنا متشكر اوييي يمريم 
كان باصصلي ف اتوترت _ انت لازم تمشي عشان متتأخرش
مشي ودخلت تاني الكافية كنت بدعي يتقبل في الشركة! كلامه فكرني لما كانت حالتنا المادية مش احسن حاجة وكنا بنجيب الأدوية لبابا علي الحساب كانت ايام صعبة اتمني متطولش معاه . 
أنا اشتغلت يمريم اشتغلت!
_ مبروك ربنا يوفقك هو أي الي في ايدك دا
دا أقل حاجة ممكن اقدمهالك ممكن تقلبيه مني 
بصيت علي الورد الي في أيده ورجعت بصيتله
_ لاء خده معاك لو سمحت 
أنا بس كنت عاوز اشكرك كنت..
_ ماشي شكرك وصل ربنا يوفقك في حياتك احنا خلاص ملناش علاقة ببعض 
عندك حق أنا عارف اننا مش عارفين بعض و..
_ ولا عاوزة نعرف بعض انت في حالك وانا في حالي 
طب اهدي أنا اسف لو كنت ضايقتك اني جبته بعد اذنك 
طلع برا من المكان ومن حياتي اعتقد كنت قليلة الذوق أيوة بس دي اول مرة راجل يجيبلي ورد ويمكن دي البداية لخطط في دماغه وانا مش عاوزة نهايتي تبقي زي صحابي مش عاوزة ابقي ست ضعيفة وبعيط مش عاوزة اقف كل يوم اسأل نفسي لي  
خلصت الشغل وقفلت المكان طلعت برا لقيت بوكيه الورد جمب الكافيه بصيت حواليا ملقتش حد نزلت وخدته وفتحت الورقة الي كانت فيه شكرا لأطيب بنت في الدنيا عمري ما هنسالك الي عملتيه  
ابتسمت وبعدين كشرت فيه اي يمريم هنخيب ولا اي كان الورد شكله تحفه لونه احمر وملفوف لفة رقيقه خدته! مش مشكلة عادي مينفعش يتساب في الشارع .
حطيته بدل الورد الي كان في الفاظة الي جمب القهوة أدت شكل لطيف .
صباح الخير عاوزة فنجان قهوة وياريت لو بسرعة المدير لو اتأخرت هيخلي عليا فلوس للشركة 
لفيت وبصيتله _ معتش ينفع اعملك أي طلب تاني 
يخسارة! اصل قهوتك احلي قهوة دوقتها من ساعة ما بدأت أشرب ف.. ماشي الي تشوفيه 
_ بالمناسبه شكرا علي الورد 
العفو ولا اي حاجة 
مشي! لي دايما لازم ابقي دبش!! يعني أنا لو كنت عملتله القهوة وادتهاله برا كان هيحصلي حاجة هو أي الي انا بهببه دا!!
مر اسبوع معتش بيجي طب واي يعني أنا مضايقة نفسي ليي عادي!! 
_ عاملة اي يا ليلي 
الحمد لله يمريومة 
_ قال قوليلي المهندس الي كنت قولتلك عليه كويس في الشغل 
اه احمد دا عمي مبسوط منه علي الآخر عمل صفقة ابن الأية خلانا نبيع تارجيت عالي واحنا كنا فاكرين الصفقة خسرانة ذكي اوي 
_ طب كويس ربنا يوفقكم 
وطيب جدا تعرفي أنه اشتري لوحة من لوحي بعد ما عرف اني برسم وقالي اني لازم اكمل في حوار الرسم دا وعرف انك صحبتي واه يستي قبل ما انسي لوحتك اهي اتفضلي 
خدت منها اللوحة وفتحتها _ الله تسلم ايدك دي تحفه
علي الرغم اني كنت مبسوطة من اللوحة