اسكريبت حين عُدتَ مُتأخرًا الكاتبة آيات عاطف جديد حصري
لوحدي على السرير وبإيدي صورة قديمة لينا
كنا قاعدين سوا في نفس الكافيه
هو بيضحكلي وأنا ببصله كأني مش شايفة في الدنيا غيره
ابتسمت
الابتسامة اللي بتوجع أكتر ما بتفرح
وحسيت إني لسه مش عارفة أكرهه
حتى بعد ما مشيت وسايباه بيندهلي بإسمي وقلبي پيصرخ ارجعي بس رجليا كانت أقوى
مريم دخلت الأوضة بهدوء
بصتلي وقالت بصوت ناعم
نور لسه بتحبيه
سكت
وقلتها بصوت واطي بس حقيقي
كل يوم أكتر من اللي قبله
مريم قربت مني وقعدت جنبي
طب لو لسه بتحبيه ليه مش بتديه فرصة يشرح
عشان قلبي مش لعبة وعشان حتى لو رجع في حاجة جوايا اتكسرت
سكتنا شوية
هي كانت بتحاول تلاقيني وأنا كنت بضيع أكتر جوا دماغي
قامت وسابتني وخرجت
وأنا قعدت مكاني أفتكر
كلامه
وحتى اللحظة اللي قال فيها بحبك بجد ووشه كان بيرتعش كأنه أول مرة يعترف لنفسه قبل ما يعترفلي
فتحت الواتساب من غير وعي
بس مفيش حاجة لا رسالة لا missed call ولا حتى علامة Typing
قمت أخد نفسي شوية
قررت أخرج أتمشى شوية يمكن أنسى أو أهدى
نزلت الشارع والجو كان مغيم بس هواه هادي
كنت ماشيه من غير هدف لحد ما لقيت نفسي واقفة قدام الكافيه
نفس الكافيه
الترابيزة بتاعتنا فاضية
قلبي خبط خبطتين بس قررت ألف وامشي
بس قبل ما ألف
سمعت صوته
هادي قريب خاڤت
نور
لفيت لقيته واقف ورايا
مش لابس حاجة مميزة مش عامل حاجة غير إنه واقف
عينيه كانت مچروحة وصوته أهدى من العادي
أنا مستنيكي من يوم ما مشيتي
كل يوم كنت باجي هنا يمكن تيجي
وكنت كل
فضلت ساكتة
بس مشيت ناحيته
وقفت قصاده
وكنت هاقوله إمشي بس ما خرجتش الكلمة
قال وهو بيبصلي
مش عايز أبرر بس عايز أبدأ من جديد لو لسه في مكان ليا
بصيت في عنيه
ساعتها حسيت إني مش محتاجة أرد
بس دموعي نزلت
من غير ولا كلمة
مسحت دموعي بسرعة
مش علشان أكون قوية
لكن علشان ما يحبش يشوفني ضعيفة تاني بسببه
اتنهدت وبصيت له وقلت
أنا مش جيت هنا علشانك أنا جيت أفتكر أنا كنت إيه قبل ما أتكسر
سكت لحظة كأنه بيستوعب كل كلمة
بس ما قاطعنيش
عبدالرحمن انت چرحتني بطريقة ما ينفعش
تتنسي بسهولة
اختفيت من غير سبب من غير كلمة من غير حتى وداع محترم
وسبتني أغرق في أسئلة مالهاش أجوبة وفي ليالي كنت بمۏت فيها
أنا عارف
قالها وهو بيبص في الأرض
وعارف إني ماستهلش تسامحي بس قلبي عمره ما نسيك
كل يوم كنت ببعد فيه عنك كنت بمۏت أكتر
اتنفست بعمق
أنا مش رجعت علشان أسامحك فورا
رجعت علشان أسمع وعلشان أعرف أنا هقدر أدي لنفسي فرصة تعيش تاني ولا لأ
معاك أو من غيرك
اتكلم أخيرا بنبرة فيها رجاء طيب ممكن أبدأ من أول وجديد مش كحبيب كصاحب حتى
خديني خطوة خطوة بس ما تقفليش الباب
بصيت له
وفكرت
هل فعلا ينفع نبدأ من أول وجديد
ولا اللي اتكسر بيعيش مكسور مهما حاولنا نلمه
بس قلبي سبقني
وقال قبل لساني
خطوة بخطوة
بس لو هتمشي تاني متقربليش
اتسعت عنيه وابتسم ابتسامة صغيرة شبه مطفية
بس صادقة
عمري ما همشي تاني
عدنا لا كما كنا بل كما علمتنا الخيبات أن نكون
تمت بحمد الله
أأ
