اسكريبت جديد من حواديت راكان وإيميليا مكتملة بقلم الكاتبه مارينا عبود 3

أنت بتتكلم بجد يعني أنت موافق على العريس ده
ايوه طبعا وألا مكنتش اقنعت جدي بيه متقلقيش العريس هيعجبك.
عيوني دمعت وقلت بصوت مخنوق من العياط
تمام وأنا موافقة اقابل العريس.
يلا يا بنتي الضيوف كلهم تحت.
حاضر يا خالتو خمس دقايق ونازلين.
طيب بسرعة متتأخروش.
ميرا حطتلي آخر لمسات الميكب وقالت بفرحة
أجمل عروسة شافتها عيني.
ابتسمت بحزن ونزلت معاها مكنتش مبسوطة عقلي كان تايه وقلبي وروحي مش معايا كنت ناويه أرفض العريس بأي شكل ما أنا مستحيل اظلم قلب حد تاني معايا وأنا قلبي بيحب حد تاني العيلة كلها كانت متجمعة مكنش في حد غريب بصيت لجدي وقلت بإستغراب
هما فين الضيوف دول يا جدي وفينه العريس دا أصلا!
اهو العريس واقف عند الباب بصي هناك كده.
اتنهدت بضيق وبصيت ناحية الباب ثانية جابت التانية و.. إيه دا!! راكان! راكان العريس! كان داخل لبس بدلة شيك وفي إيده بوكيه ورد تحفة بصيت لميرا بصدمة فضحكت وهزت رأسها بتأكيد إني مش بحلم وأنه حقيقي يخرابي إيه التحفة دي ! حاسه أن قلبي بيرقص دلوقت فضلت مبلمه فيه لحد ما قرب وقف قدامي وقال برفعة حاجب
أنت كنت هتقابلي العريس بالحلاوة دي 
أنت بجد 
اومال خيال يعني
يعني أنت كنت بتضحك عليا وحوار العريس دا...
من خطتي مع جدي والعيلة كلها بصراحة كنت حابب اعملك مفاجاة كريتيف كده تليق بيك في اليوم إللي هنزل فيه من السفر.
ضحكت بفرحة والدموع اتجمعت في عيوني حطيت إيدي على بوئي بفرحة كبيرة
يعني أنا مش بحلم يعني كل دا حقيقة بجد
يالهووي اصوت يعني! أنت بجد كنت فاكرة إني ممكن اسيبك لحد غيري يابنتي دي أنت دعوتي الثابتة من وأنا عندي عشر سنين أنت حلم عمري إللي عشت عمري احلم بيه هسيبك لحد غيري إزاي يعني!!
عيطت من الفرحة وأنا مش مصدقة حلم الليالي بيتحقق القلب خلاص هيكون مبسوط بقرب حبيبة روحي خلاص رجعت لمكانها بعد ما غابت عني سنتين كاملين مكنتش عارفة افرح لأني شوفته بعد السنين دي ولا على أجمل مفاجاة شوفتها في حياتي كل إللي عارفاه إني مبسوطة راضية قلبي بيرقص وبيغني وحبيب الطفولة خلاص بقى معايا.
إيمي.
كنا بنرقص مع بعض يوم الفرح
عيوني.
ابتسم وقال بحب
أنا حقيقي مش مصدق نفسي حاسس إني بحلم أنت كنت دعوتي الثابتة من 14 سنة تخيلي إني بدعي ربنا تكوني من نصيبي من وأنا لسه طفل عنده عشر سنين قلبي عرف الحب معاك أنت حلم عمري أنا بحبك.
ظللت أنتظر سنوات 
حتى وجدتك 
فصار حبك كالموسيقى التي تملأ قلبي.
مساء الخير عزيزي القارئ العسول
الحدوتة المرادي خفيفة ولذلذة وأتمنى تهون عليك تعب اليوم الصعب
محدش يعدي البوست من غير ما يشاركني رأيه لأنه بيفرق معايا أوي واعملوا شيرر كتيرر 
ريناا ممتنة لوجودكم وبتحبكم جدا 
حواديت_ راكان_وإيميليا 
مارينا_عبود