اسكريبت جديد من حواديت راكان وإيميليا مكتملة بقلم الكاتبه مارينا عبود 3

أنت غلطت ولازم تتعاقب على غلطك.
بس يا ماما أنا معملتش حاجة!
يعني ضارب الولد ومبهدله وتقولي معملتش حاجة! 
بس يا خالتو راكان فعلا معملش حاجة كريم هو إللي استفزنا وضايقنا وأحنا طالعين من المدرسة.
ودا مبرر يخليه يضربه كان المفروض تيجوا تقولولي وأنا اتصرف معاه أو تروحوا لمدير المدرسة
يعني اشوفه بيضايقها هو وصحابه واسكتله
قالها بعصبية فاتنفضت وبصيت له بخوف قربت من خالتو وقلت بزعل
حقك عليا أنا يا خالتو هو ضربه لأنه كان بيدافع عني لو سمحت متعقبيهوش وأنا أوعدك مش هنتخانق مرة تانية.
اتنهدت وقالت بقلة حيلة
أنا معرفش هو عاملك إيه علشان تدافعي عنه كل مرة حتى لو غلطان!! عموما روحوا ذاكروا وأنا هتصرف في المشكلة دي.
حاضر.
حمدت ربنا أنه متعاقبش واخدته ودخلنا أوضة ميرا قعدنا في اوضتها أحنا التلاتة كعادتنا كل يوم بصلي بإمتنان وقال 
شكرا لأنك دايما بتدافعي عني حتى وأنا غلطان.
على فكرة مش كل مرة هتقدر تعدي من العقاب أنت لازم تبطل شقاوة وعصبية شوية.
ضحك وقال بمرح
طول ما أنت موجودة في ضهري محدش يقدر يعاقبني.
ولاد خالة ومتربيين سوا وعيت على الدنيا لقيته معايا إيدي ماسكه في إيده هو أكبر مني بتلات سنين

هو عنده عشر سنين وأنا تمانية طول الوقت سوا بحكم أننا كمان ولاد عم وكلنا عايشين في بيت العيلة بحبه جدا و بدافع عنه حتى لو غلطان وهو كذلك مبيحبش حد يضايقني.
بتعملي إيه عندك يا اوزعه
بحاول اقطف مانجاية من الشجرة دي.
وبطولك دا هتقطفي المانجاية
وماله طولي يعني يا استاذ راكان
ضحك بسخرية وبعدني عن الشجرة
لا ملوش ياختي مش باينه من الأرض بس.
حطيت إيدي في وسطي وقلت بغيظ 
طيب على فكرة بقى أنا...
قاطعني وقال ببرود
هششش روحي هاتي العصاية إللي هناك دي بسرعة.
بصيت له بغيظ وروحت جيبت العصاية اتسلق الشجرة ووقعلي المانجة بالعصاية فاتنطت بفرحة من صغره بيجيبلي أي حاجة أنا محتاجها ومن صغرنا برضوا مش بنبطل جدال مع بعض على اتفه الأسباب خصوصا لو كان في طرف تالت بينا.
وتولين تلعب معاك مكاني ليه 
يابنتي ما هي بنت عمتي زي ما أنت بنت عمي.
ولو دا مش مبرر برضو ممنوع حد يلعب معاك غيري.
يخرابي على وجع الدماغ أنا مش عارف أنت لما تكبري هتعملي في أهلي إيه!! 
لما أكبر هموت أي بنت تبصلك حتى وأولادهم الحربوقة تولين.
ضحك وقال بمرح 
يا ولاا يا شرس أنت.
متعصبنيش.
بحبك وأنت متعصبة.
السنين بتمر والأطفال إللي كانوا صغيرين كبروا خلاص حتى حبهم كبر معاهم والولاا إللي كان صغير كبر وبقى شاب كبير وقمر وحبه في قلبي كبر وزاد ترا قلبي هيحبه أكتر من كده إيه 
مهما كبرتي هتفضلي قصيرة واوزعه برضوا.
التفت وبصيت له بغيظ
لعلمك أنا طولي مناسب جدا العيب بقى على إللي كبر وطوله بقى طول الشجرة ومش عارفين نسيطر عليه وبعدين أنت سيبت قعدتهم الحلوة وجيت ورايا ليه
قولتها بسخرية فغمزلي وقال بمشاكسة
حد قلك قبل كده أنك بتبقي جميلة أوي وأنت متعصبة.
رفعت صباعي في وشه بتحذير
راكان متحاولش مش هتقدر تضحك عليا زي كل مرة.
ضيق عنيه وقال بمكر
اممم كل العصبية دي علشان شوفتي تولين قاعده بتضحك معايا يعني!! 
اتعصبت وقلت بغيرة 
على فكرة أنا مش متعصبة وبعدين ما تولع أنت وتولين أنا مالي
ضحك بصوت عالي فبصيت له بغيظ وحاولت اقطف المانجا بالعصاية الكبيرة إللي في إيدي وأنا مضايقه أصلا ليه تولين تضحك معاه وليه تقعد معاه أصلا يعني أنا لو كنت قمت جيبتها من شعرها وبعدتها عنه كان هيحصل حاجة مكنش هيحصل حاجة على فكرة.
اوعي وأنا هطلع اجبهالك.
لا أنا مش محتاجة مساعدتك روح كمل ضحك مع تولين هانم لأحسن تزعل.
كتم ضحكته وقال بهمس
مش متعصبة خالص! دي على تكه وهتفرقع فينا كلنا.
بتبرطم بتقول إيه
بقول فاضل دقيقة وهكسر دماغك لو متحركتيش.
بعدني وطلع قطف المانجا بس المرادي من غير عصاية فضلت واقفة بتأمله بحب كل الناس عارفة إني بحبه وإني بغير عليه لدرجة أن الكل من صغرنا بيقول راكان ل إيميليا وإيميليا لراكان كان هيقع فجريت عليه وقلت بخوف
حاسب هتقع.
نط من فوق الشجرة وقال بحب
متخفيش عليا.
بصيت له بطرف عين واتصنعت البرود
بس أنا مخوفتش عليك أنا خوفت تحصلك حاجة يقوم جدي يزعقلي بسببك.
لا ولله دا من أمتى دا 
من النهاردة خلي تولين هانم تنفعك.
سيبته واتحركت كام خطوة بصحن المانجا فضحك وضرب كف بكف وقال بصوت عالي علشان اسمعه
مجنونة ولله العظيم مجنونة.
ضحكت ودخلت البيت علاقتي بيه جميلة أوي هو صديق طفولتي وحبيب عمري وقلبي بحبه كلمة قليلة على إللي جوه في قلبي ليه.
اممم قاعده بتتأملي النجوم وبتشربي شاي من غيري! على فكرة دي خيانة لا تغتفر بقى.
كنت قاعده على الأرض في الجنينة زي عادة كل يوم بس المرادي سهرانه من غيره فقت من شرودي وقلت بعصبية
بس أنا مش عاوزه اكلمك ولو سمحت اتفضل سيبني لوحدي.
قرب قعد جنبي وقال ببراءة 
إيه دا إيه دا هو الجميل زعلان مني لا اخس عليا ولله.
بصيت له بطرف عين وقلت بضيق 
راكان متحاولش أنت