رواية الحب والشر كاااااملة لجميع فصول... حصرياً
المحتويات
منة فجأة اتكلمت وقالت أنا هخرج النهاردة عشان محتاجة اجيب حاجات عشان يوم عقد القران بتاعي أنا وحسام.
هناء تمام ربنا يتمملك على خير يا منة.
منة شكرا يا ماما ربنا يخليكي وبعدين بصت لمنال وقالتلها وإنتي يا منال مش هتقوليلي مبروك.
منال إزاي طبعا لازم أقولك ده إنتي أختي وحبيبتي مبروك يا منة ومش كمان هقولك مبروك بس أنا هخرج معاكي وهجيبلك كل الحاجات اللي إنتي عاوزاها.
منة اتعصبت لما لقت منال مش زعلانة من الموقف وإنها معرفتش تضايقها وقالت حبيبتي يا منال يا أختي.
في مكان تاني..
الشخص الغير معروف 1 أنا خلاص جبت أخري من اللي بيحصل أنا عايز أبطل.
الشخص الغير معروف 2 اللي إحنا بنعمله ده مسؤوليتنا ولازم ننفذها بأدق تفاصيلها.
الشخص الغير معروف 1 بس اللي إحنا بنعمله ده آذاني وخلاني خسړت حاجات كتير ممكن معرفش اعوضها تاني.
الشخص الغير معروف 2 سيب الأمور تجري بمجراها الطبيعي وربنا هيعينا توكل على الله يا صاحبي.
الشخص الغير معروف 1 آمين.
كانت هناء قاعدة هي وحسام في المكان اللي بتحب تقعد فيه لحد ما سمعت صوت حد عند الباب راح حسام عشان يشوف مين ولقى قدامه راجل وسيم عنده حوالي 30 سنة ولابس بدلة وكرفته وماسك في إيده هدية وحلويات.
الراجل الوسيم مساء الخير استأذن حضرتك أنا جاي أقابل مامت الآنسة منال.
حسام أهلا وسهلا اتفضل بس أقولها مين
الرجل الوسيم أنا يامن مسؤول الشركة اللي بتشتغل فيها منال.
حسام اتشرفت بمعرفة حضرتك اتفضل.
دخل حسام ويامن أوضة الصالون.
حسام حضرتك خليك هنا لغاية ما اعرف لماما هناء مامت منال بوجودك.
يامن تمام حاضر شكرا ليك.
مشي حسام وراح عشان يقول لهناء اللي حصل ويحكيلها إن الشخص المسؤول عن منال في شغلها عايز يقابلها.
جت هناء وسلمت على يامن وقعدت معاه في الصالون وقعد كمان حسام معاهم.
هناء شرفتنا يا أستاذ يامن منال علطول بتحكي على مساعدتك ليها وقد إيه إنت شخص كويس.
يامن بكسوف شكرا لحضرتك أنا مبسوط إن حضرتك سمعتي عني قبل كده.
جت منال ومنة من بره ولقوا قدامهم يامن وأول ما يامن ما شاف منال قام وقف.
منال باستغراب أستاذ يامن.
يامن بكسوف أهلا يا آنسة منال عاملة إيه.
منال أنا كويسة شكرا لحضرتك.
هناء هتفضل واقف كدة يا ابني استريح تعالي يا منال وتعالي يا منة إنتي كمان.
الكل قعد.
يامن وجه كلامه لهناء وقال أنا جاي النهاردة عشان اتقدم للآنسة منال ودي حاجة تشرفني جدا.
الكل بقى في حالة صدمة من اللي قاله يامن.
هناء أه طبعا يا ابني إنت معروف باحترامك ودي حاجة تشرفنا بس معلش يا ابني متزعلش مني دي حاجة تخصها هي والقرار قرارها.
بصت هناء لبنتها منال وسألتها هاه هتقولي إيه يا بنتي
فضلت منال ساكته وقعدت تحسبها ما بينها وبين نفسها وتقول إيه المشكلة لما افتح صفحة جديدة وكده كده مستحيل إن حسام يتعلق بيا في يوم من الأيام وكمان اللي زود الموضوع أكتر آخر كلام قولناه لبعض وأستاذي يامن شخص محترم خلاص ممكن تبقى هي دي الفرصة اللي تسعدني وإنه يكون الراجل اللي يعوضني عن اللي حصل.
منال وأنا قبلت يا ماما.
ابتسم يامن والدنيا كانت مش سايعاه من السعادة وقال أنا هاجي تاني مع أبويا وأمي ونقعد مع بعض ونظبط كل حاجة للارتباط.
وقف يامن وطلب من القاعدين إنهم يسمحوله إنه يمشي وقال لهناء هبقى اكلم حضرتك عشان تبلغيني الوقت المناسب عشان اجي أنا واهلي.
هناء ماشي يا ابني مع السلامة.
قامت هناء ومنال عشان يودعوا يامن ومشي يامن من شقة منال وهو في غاية السعادة.
رجعت هناء ومنال للأوضة اللي كانوا قاعدين فيها تاني بس حسام فضل يبص لمنال بطريقة هي مش فاهمها ومش عارفة تحدد معناها وبعدها حسام قام
الشخص الغير معروف 3 كل حاجة كويسة وبتحصل زي ما خطتنا.
الشخص الغير معروف 4 كده تمام أوي وكلها تكة وناخد كل اللي بنتمناه.
الشخص الغير معروف 3 معادنا آخر النهار في المنطقة اللي إنت عارفها
الشخص الغير معروف 4 خلاص حاضر.
قفل السماعة وفضل الشخص ده عمال يرتب في دماغه أفكار وخطط ناوي ينفذها بكل دقة ومن غير أي غلط.
وتاني يوم من مقابلة يامن لمامت منال جه هو وأهله عشان يطلب إيدها تاني في حضور باباه ومامته ويرتبوا وقت تلبيس الدبل ووصلوا بالاتفاق إن يوم لبس الدبل هيكون هو نفسه يوم عقد قران حسام ومنة.
وبعد كام يوم على الاجتماع ده كان يامن عاوز يقابل منال ويقعد معاها واتفقوا إنه يجلها البيت.
ولما جه قعدوا كلهم مع
بعض هناء وحسام ومنال ويامن وبعد شوية خرجت هناء من الأوضة عشان تسيبهم يتكلموا شوية مع بعض وقعدت قصادهم في الصالة بس حسام مرضاش يخرج وفضل قاعد وكل اللي كان بيعمله أن عمال يبص عليهم وبس.
هناء حسام يا ابني تعالى هقولك حاجة.
حسام لا مش دلوقتي مش هخرج.
هناء تعالى بس يا حسام يا ابني في حاجة مهمة.
خرج حسام وسابهم قاعدين مع بعض وهو مڠصوب على أمره وفضل يبص ليامن بصات قوية.
ويامن مكنش فاهم ليه حسام بيبصله كده وفي نفس الوقت منال كانت مستغربة بردوا.
مشي حسام من الأوضة وفضل قاعد في الصالة قدامهم وهو متوتر وبيحرك رجليه وفضل باصصلهم وكل اللي عاوز يعرف هما بيتكلموا في إيه وليه منال بتضحك وإيه الكلام اللي بيقوله يامن ليها.
وقال في نفسه الواد يامن ده تقيل أوي وأنا مش بطيقه.
هناء بهدوء في إيه يا حسام إيه العصبية والتوتر اللي إنت فيه ده!
حسام بتوتر كان لازم نفضل معاهم ومنخرجش.
هناء بس يا ابني هما لازم يفهموا بعض وكله تحت اشرافنا وبعدين يا ابني يامن إنسان كويس وأكيد هيعمل اللي فيه صالح لمنال ويهتم بيها بدل اللي حصلها.
حسام بقلق وتردد إن شاء الله يا ماما كل حاجة هتظهر في ميعادها.
هناء بصت لحسام شوية وبعدها قالتله أما نشوف يا حسام.
فضل الموقف زي ما هو وقت قليل بس حسام مقدرش يصبر وقام راح الأوضة اللي يامن ومنال فيها وقعد معاها وبصلهم وبعدها ضحك بسماجة.
حسام أهلا وسهلا يا أستاذ يامن.
يامن لا أستاذ إيه إنت تقولي يامن بس إحنا بقينا أهل وإنت في مقام أخو منال الكبير.
حسام بعصبية طبعا طبعا.
خلصت القاعدة الحمد لله من غير أي مشاكل ومشي يامن وبعدها التليفون رن وقامت هناء عشان ترد وفضل حسام ومنال قاعدين مع بعض.
حسام بتريقة ألف مبروك يا منال أكيد سعيده برتباطك بيامن.
منال مبسوطة جدا يامن شخص كويس وهو فاهمني وبيحترمني وأكيد مش هيبقى ما بينا غير كل حب واحترام.
حرك حسام الكرسي اللي كان قاعد عليه وقرب من منال وقالها يا ريت يا منال.
وبعدها حسام قام واتحرك لحد ما وصل للباب وبعدين لف ورجع تاني عند منال وقرب منعها ووطى راسه وقالها ولا تحبي أناديكي وأقولك يا توأمي وبصلها وهو بيضحك ضحكة خفيفة ومشي بكل هدوء وساب منال وهي في صدمة كبيرة من اللي قاله.
وفضلت منال مش مصدقة اللي سمعته ولا استوعبته.
هي متأكدة إن الدكتور قال إن حسام عمره ما هيقدر يفتكر أي حاجة عن الفترة اللي فاتت.
في اليوم الموعود للارتباط كانت منال ومنة رايحين للكوافير وجم يوقفوا تاكسي عشان يركبوه بس فجأة لقوا قدامهم عربية سودا ضخمة ولقوا تلت رجالة جسمهم ضخم بيقربوا منهم واحد منهم راح علشان على السواق والاتنين التانيين قربوا من منة ومنال وفتحوا باب التاكسي وشدوهم من العربية وحطوا منديل في مادة مخدة على مناخيرهم لحد ما اغمى عليهم وبعدها التلت رجاله نقلوا منال ومنة جوه العربية ومشيوا بسرعة.
وبعد فترة من الوقت..
منال فاقت من فقدان الوعي اللي كانت فيه ولقت نفسها مربوطة بحبل في كرسي وعينيها كمان مربوطة.
ولقت نفسها في مكان غريب ووحش وكله كراكيب.
فضلت تصرخ ونادت على أختها منة بصوت عالي وقالت منة إنتي فين إنتم يا ناس يا اللي هنا حد يقولي فين أختي.
رد عليها صوت من عند الباب وقالها بكل عصبية إنتي بتزعقي ليه.
منال أنا فين وإنتم عاوزين مني إيه ووديتوا أختي منة فين
حاول الشخص ده إنه يرد عليها بس جه حد تاني ونهى الكلام وكان موجود معاهم حد تالت وماسك كرسي بيقربه للشخص ده عشان يقعد عليه.
وقعد الشخص المجهول وكلم منال وقال باستهزاء حبيبتي يا منال مهتمية بيه وبتطمني عليا.
منال منة إنتي كويسة يا حبيبتي.
وبعد كده حرك صبعها للشخص اللي واقف إنه يشيل القماشة اللي على عين منال.
وبهدوء منال قدرت تشوف اللي قاعد قدامها واتفاجئت إن الشخص ده هو أختها منة ورجع الراجل اللي شال الشريط من على عينيها ووقف جنب منة تاني.
منال هو إيه اللي بيحصل يا منة.
منة استهزاء مټخافيش يا أختي يا حبيبتي إنتي هنا بس ضمان عشان حبيب القلب حسام يعمل كل اللي إحنا هنطلبه منة وتكمل بكل استفزاز وتقول يا إما بقى يترحم عليك.
منال إنتي بتقولي إيه إنتي عايزة تخلصي مني أنا أختك يا منة.
منة فقدت أعصابها وهي بتتكلم وقالت بكل غل وحقد إحنا عمرنا ما هنكون أخوات أنا واحدة مالهاش أهل وكنت عايشة في مركز للأطفال وجه أبوكي وأمك خدوني منه عشان اعيش معاهم أنا بكرهك ليه إنتي يبقى عندك أب وأم وأنا أبويا وأمي يرموني في الشارع إنتي حتى الإنسان الوحيد اللي اتعلقت بيه أيام الدراسة لما اتعرف عليكي وقابلك حبك إنتي وكان عايز يرتبط بيكي إنتي.
منال وهى عمالة ټعيط وفي حالة صدمة من اللي منة بتقوله لا يا يا منة متقوليش كده إحنا كلنا بنحبك بابا وماما عاملوكي أحسن معاملة وأنا عمري ما كرهتك لا يا أختي متخليش الشړ يعمي عينيكي.
منة بكل برود سيبك من الحكم والشعارات اللي إنتي عمالة تقوليها دي خلاص الموضوع انتهى.
ومشيت منة وسابت منال بټعيط بحړقة وهي مصډومة.
وبعد شوية منة عملت مكالمة لحسام من تليفون منال.
حسام بقلق منال قلقتيني عليكي إنتي فين بكلمك من بدري وتليفونك مقفول.
منة بلا مبالاة واستفزاز بص بقى يا سيادة اللواء إحنا معانا ست الحسن والجمال وهتفضل موجودة معانا لحد إنت ما تدخلنا بضاعتنا من الكمين وقتها بس هنبقى نرجعهالك غير كده مش هتشوفها تاني وابقى اقرلها الفاتحة.
حسام بعصبية اللي هيمس شعرة واحدة من منال أنا مش هخليه يتهنى يوم واحد في حياته بعد كده ومش هسيبك يا منة ويوم ما امسكك في إيدي هتتمني المۏت.
منة سيبك من الكلام اللي إنت بتقوله ده معاك ساعة واحدة تدور الموضوع في دماغك وهرجع اكلمك تاني تقولي هتعمل إيه.
قفلت التليفون في وشه وحسام اتصل بسرعة بصاحبه من الشغل.
حسام أخدوا منال يا سمير منة كلمتني تساومني على إني اعملها طلباتها وإلا ھتقتلها وادتني ساعة عشان ابلغها قراري.
سمير حسام دي فرصتنا لما تكلمك هتبلغها إنك قبلت باللي هي قالت عليه وبعد كده إحنا هنتصرف.
حسام حتى لو نفذت لمنة اللي هي عايزاه هي بردوا هتخلص على منال استنى يا سمير في حاجة مهمة مكنتش فاكرها قبل كده أنا اقدر احدد موقع منال من البرنامج اللي كنت منزله على تليفونها لتحديد الموقع من غير ما هما يحسوا.
هحدد المكان وابلغك.
سمير أول ما تحدد موقعهم ابعتلي المكان وأنا هجيلك في لحظتها أنا والدعم.
حسام خلاص ماشي.
حسام قفل التليفون وشغل برنامج تحديد الموقع ولقى مكان منال في حته مقطوعة على طريق الصحراوي.
بعت الموقع لسمير وبعدها جري بالعربية
وقف العربية بعيد عن الحتة المهجورة وفضل يقرب للموقع بهدوء من غير ما يطلع أي صوت.
وبعد كده اتقدم بهدوء جوه
المبنى لحد ما لقى أوضة مقفولة وفي مفتاح موجود في الباب حد نسي إنه يشيله.
اعتقد إن منال جواها وفتح القفل وزي ما توقع لقى منال قدامه فعلا وقاعدة وملفوفة بحبل وموطية راسها لتحت.
وأول ما منال حست بوجود حد جوه الأوضة رفعت راسها عشان تشوف مين ولقت قدامها حسام.
منال بحزن حسام الحمد لله إنك عرفت توصلي لازم نمشي من هنا بسرعة.
وكملت كلامها وهي بټعيط وقالت كانت هتخلص مني لو إنت موافقتش تعملهم طلباتهم إيه اللي هما عايزينه منك يا حسام.
حسام كان بيحاول يشيل الحبل اللي ملفوفة بيه منال وقال استني يا منال أنا هقولك كل حاجة اصبري دلوقتي.
وبعد ما حسام شال الحبل قالها يلا بسرعة نخرج من هنا قبل ما حد يشوفنا.
بس للأسف منة دخلت هي والناس اللي معاها وبقوا قدام حسام ومنال.
منة معقولة يا حسام تمشي من غير ما نضيفك.
حسام خلاص يا منة كل حاجة اتعرفت وأنا عارف حقيقتك من فترة طويلة قبل ما ارتبط بيكي وعشان كده نفذت التمثيلية دي وارتبطت بيكي وكان عندي علم بالأعمال الغير قانونية اللي بتعمليها وكنت عارف إن هيجي اليوم اللي اسلمك بإيدي للحكومة وأهو جه الوقت.
في اللحظة دي منة اتفاجئت بصوت صفارات إنذار عربيات البوليس وهي بتقرب على المكان.
منة مش هستناك لما تعمل كده يا حسام وهقهرك وامۏتك بالبطيء.
مسكت منة المسډس ووجهته ناحية منال وضغطت على الزناد وخرجت منه رصاصة وهي بتقول باستفزاز باي باي يا منال.
منة جريت هي والرجالة اللي معاها بس فرقة الدعم والظباط كانوا دخلوا المكان وقدر سمير إنه يقبض عليهم.
منة وهما بيحطوا في إيدها الكلبشات نادت بصوت عالي وقالت أنا مش هسيبكم أنا هطلع من السچن وهنتقم منكم واحد واحد.
في نفس اللحظة دي منال وقعت على الأرض وجرحها كان پينزف .
مسكها حسام بسرعة وقعدها على الأرض .
حسام باڼهيارمستحيل لا يا منال ما تروحيش منى أنا آسف على الطريقة اللي كنت بتعامل معاكي بيها ما تسيبنيش يا منال مش هقدر اعيش من بعدك.
منال وهي بتحاول بكل طاقتها تشوف حسام وتاخد نفسها قالت أنا ارتبطت بيك يا حسام عشان اقف جنبك ما تنسانيش يا حسام.
حسام وهو بيعيط أنا عارف كل حاجة يا منال أنا كنت واعي لكل حاجة بتحصل أنا رجعتك تاني لعصمتي.
منال ضحكت ضحكة خفيفة وغابت عن الوعي.
حسام نادى عليها منال فوقي يا منال.
ويجي سمير ويقرب منهم ويقول يلا يا حسام مستني إيه لازم نوديها الطوارئ هي اغمى عليها بس.
حاول حسام يستجمع قوته وشال منال وخرج وحطها جوه العربية وفضل قاعد جنبها راسها.
نط سمير في العربية بسرعة وشغلها وجري بسرعة لأقرب مركز طوارئ.
في أقل من 10 دقايق كانوا وصلوا للمستشفى وحسام جري وهو شايل منال بعد ما نزلها من العربية ودخل بيها للطوارئ.
حسام نادى بصوت عالي وقال محتاجين دكتور محتاجين دكتور مراتي بتروح مني.
جه طقم المساعدين والدكتور الجراح وأخدوا منال من حسام وحطوها على السرير النقال وراحوا بسرعة لأوضة الجراح.
حسام مسك الدكتور من هدومه وقاله إنت لازم تنقذ مراتي هي مينفعش تروح مني.
الدكتور حاول يهدي حسام وقاله حاضر حاضر سيبني بس بسرعة عشان الحقها.
حسام سابه والدكتور جري لأوضة الجراحة.
قعد حسام وفضل باصص لباب الأوضة وهو عمال يفتكر المواقف اللي كانت بينه وبين منال وهما صغيرين وإن اسمه هو أول اسم هي قالته وإنه كان بينادي عليها وهي صغيرة يقولها يا توأمي بس هي طبعا مش فاكرة ده وهو في مرضه حب يرجع الذكرى دي ورجع يقولوا
دخل سمير وقعد جنب حسام وحاول يطمنه وقاله إن شاء الله هتبقى كويسة متخافش يا صديقي.
حسام بضعف يا رب يا سمير هو ده اللي أنا
متابعة القراءة
