رواية الحب والشر كاااااملة لجميع فصول... حصرياً
المحتويات
وبيقولها أنا مش بعرف أنام غير لما حد يحكيلي قصة اقعدي معايا واحكيلي.
منال قعدت جنب حسام وبدأت تحكيله في القصص اللي كان هو بيحكهلها لما كانوا صغيرين وهي بتحكي كانت عمالة تلف شعره دواير على إيديها لغاية ما راح في النوم.
وفضلت قاعدة جنبه وبتبص على شكله وقالت لنفسها إنها دلوقتي مش بتعمل حاجة حرام وإنها دلوقتي مراته.
وفضلت تبصله لحد ما نامت جنبه وجه الصبح وصحيت ولقت نفسها كانت نايمة جنبه على السرير.
قامت بسرعة عشان تروح الأوضة التانية اللي حطيت فيها هدومها قبل كده وفضلت تحاول إنها تشيل أي ذكريات من دماغها ليها علاقة بعيشته قبل الإصابة اللي حصلت وغيرت هدومها وصلت الفرض اللي عليها وراحت على المطبخ عشان تجهز أكل لحسام.
بعد ما خلصت الأكل أخدته وراحت بيه الأوضة اللي نايم فيها حسام عشان تصحيه ياكل.
منال حسام كفاية نوم.
حسام وهو نعسان سيبيني أنام تاني.
منال لا كفاية نوم لغاية كده يلا عشان تاكل عشان في علاج لازم تاخده.
حسام قام من مكانه وهو بيقولها لا مش هاخده ده مر أنا مش بحبه.
منال لا طبعا لازم تستحمل وتشربه لإنه مفيد وهو ده اللي هيخليك تخف وإلا هخاصمك ومش هلعب معاك تاني.
حسام بزعل خلاص هشربه.
مسكت منال إيد حسام وأخدته عشان ياكل وياخد العلاج.
فضلت منال قاعدة جنبه وأكلته بإيديها وبعدين اديته العلاج وفضل الوضع على كده لشهر بحاله في الشهر ده حصلت حاجات كتير أوي وحسام مبقاش عارف يعيش من غير منال كل حاجة هي اللي بتعملهاله أما منال كانت دايما بتقاوم عشان مش عايزة تقرب منه أزيد من كده لإن الموضوع هيبقى صعب أوي عليها بعد ما ينفصلوا.
منال كلمت مامتها في التليفون وقالة مقابلة حسام في المستشفى النهاردة.
هناء خلاص يا بنتي تمام ربنا معاكم ويوفقكم.
راحت منال وحسام للدكتور..
الدكتور بدأ يكشف على حسام وخلاه يعمل شوية فحوصات.
منال ارجوك قولي أن في تحسن.
الدكتور طبعا في فرق إيجابي كبير في الحالة وده هيخلينا نتشجع يبقى فيه تدخل جراحي هيخلي حسام يخف ويكون زي الأول بس للأسف ممكن يكون في عواقب لده.
منال عواقب إزاي يعني
الدكتور كل ده هيبان بعد الجراحة لإن الإصابة كانت شديدة والضرر الأكبر كان في الراس.
منال ومعاد الجراحة دي هيبقى بعد قد إيه
الدكتور بعد كام يوم أول ما حسام يكون مستعد للجراحة.
منال خلاص إن شاء الله خير.
خرجت منال هي وحسام من المستشفى وأول ما وصلوا لشقتهم قالت كل اللي حصل لمامتها وبعدها أخدت حسام وودته الأوضة بتاعته ونيمته على السرير وبعدين راحت أوضتها وقعدت تكتب في دفترها كل اللي بتفكر فيها.
وفضلت تكتب لغاية ما وصلت لجملة إني عملت كل ده عشان اقف جنب حسام عشان يخف ويكون زي الأول بس للأسف أنا اتعلقت بحسام الصغير اللي بقيت بالنسباله زي والدته وبقيت بساعده في كل حاجة وكل ليلة اقعد أقوله قصة والمس شعره لحد ما تغمض عينيه يمكن ارتباطي بيه مكنش صح من الأول بس أنا مش زعلانة على اللي عملته هو أول حب دق قلبي.
وبعدها قفلت المذكرة وحاولت تخفيها بعيد عن إيد أي حد وراحت عشان تنام.
ولما جه معاد العملية راحوا المركز الطبي الصبح بدري وكان حسام في أوضه وبيستعد للجراحة وكانت هناء ومنال موجودين معاه ومنة كمان جت.
حسام أنا قلقان يا توأمي هو إيه اللي بيحصل
منال لا متخافش يا حبيبي دي حاجة صغيرة قد كده وبعد كده هنخرج ونمشي مش إنت كان نفسك تكون ظابط أول ما نخلص هتكون ظابط عظيم.
حسام وهو بيقولها متسيبنيش وخليكي معايا أنا بحبك.
وأول ما منال استوعبت الكلام اللي حسام بيقوله فضل قلبها يدق جامد وقالت في نفسها ياريت لو كان حسام قال الجملة ديه من زمان قبل
منال ضمنته بإيديها وقالتله أنا عمري ما هسيبك يا حسام.
كل ده كانت هناء ومنة بيتفرجوا على اللي بيحصل.
وكانت هناء متلخبطة ومحتارة وحاسة ببنتها وعارفه إنها اتعلقت بحسام بس في نفس الوقت زعلانة عليها أما منة كانت بتتفرج على اللي بيحصل بكل لا مبالاة.
خلاص حضروا حسام واخدوه للمكان اللي هيتعمل فيه الجراحة وكانت منال قاعدة في الأوضة وبتسجد وتدعي ربنا أن حسام يخف وهناء ومنة بره قدام أوضة الجراحة.
وعدت أربع ساعات..
طلع الدكتور من أوضة الجراحة وقرب عند منال اللي سألته إيه الأخبار يا دكتور الحمد لله بقى كويس
الدكتور وهو بيضحك نحمد ربنا يا أستاذة منال الجراحة تمت على أكمل وجه وهو دلوقتي هيروح العناية المركزة فترة قصيرة وبعد كده هيروح أوضته العادية.
منال وهي حاسة إن الدنيا بدأ تضحكلها ألف حمد وألف شكر ليك يارب مش عارفة اشكر حضرتك إزاي يا دكتور.
الدكتور أنا معملتش حاجة دي مسؤوليتي.
الدكتور خرج من الأوضة وقعدت منال وهناء يشكروا ربنا على إن حسام خف.
منة أنا كده خلاص أديت الواجب وهكمل جميلي واجي تاني لما يصحى من البنج باي.
وسابيتهم ومشيت وهما ساكتين.
بعد يوم كامل من العملية الجراحية..
خرج حسام من العناية المركزة لأوضته العادية وفضلت منال قاعدة جنبه وقدامه قاعدة هناء ومنة.
وأول ما حسام فاق جريت عليه منال بكل حب وقالتله بفرحة الحمد لله على رجوعك لينا يا حسام.
حسام بهدوء شكرا يا منال.
وبدأ يلف بعينه ويدور على منة اللي لقاها واقفة في آخر الأوضة نادى عليها وقالها منة حبيبتي تعالي إنتي واقفة بعيد ليه
منة قربت منه وقعدت جنبه وبصت لمنال بكل شړ.
منة أنا موجودهة يا حبيبي ومقدرش اسيبك.
نزل الكلام على قلب منال زي الصاعقة وكلمت نفسها وقالت خلاص مش هينفع اقعد هنا أكتر من كده و
وفي نفس اللحظة دي منال غابت عن الوعي.
هناء لحقتها قبل ما تقع ونادت بصوت عالي على منة
إنها تجيب الدكتور بسرعة.
منة راحت تجيب الدكتور اللي جه ومعاه مجموعة من المساعدين وشالوا منال وودوها أوضة تانية.
الدكتور كشف على منال وبعدها رجعت لوعيها تاني.
هناء إيه اللي حصل يا دكتور بنتي جرلها إيه
الدكتور مفيش مشكلة خالص دي حاجة بسيطة مجرد فقدان للوعي ممكن يكون بسبب الإرهاق هتاخد أدوية بس وهتبقى كويسة.
خرج الدكتور من الأوضة بعد ما طمن هناء.
وهناء فضلت قاعدة جنب منال وعمالة تتأمل موقف بنتها والقلم اللي أخدته لما جت على نفسها وفي الآخر هي الوحيدة اللي مكسبتش أي حاجة.
هناء پألم وخرجتي مش كسبانة حاجة يا حبيبتي.
منال لا يا ماما أنا مش زعلانة أنا كان لازم اعمل كده دي مسؤوليتي ناحية حسام بس هقولك على حاجة وارجوكي تنفذيهالي.
هناء من غير ما تقولي أنا فاهماكي امشي يا منال وروحي سافري.
منال طب هنعمل إيه في موضوع جوازي بحسام.
هناء متشغليش بالك أنا هعرف اتصرف واخلص الموضوع ده زي ما عملت المرة اللي فاتت.
منال خلاص ماشي يا ماما.
هناء منال هو إحنا هنعرف حسام بموضوع جوازك إنتي وهو
منال مستحيل يا ماما نعرفه ارجوكي متقوليلوش أي حاجة وكملت كلامها بضحكت تريقة وقالت وحتى منة مش هتحكيله حاجة.
فضلت منة قاعدة جنب حسام في أوضة المستشفى.
منة ألف سلامة عليك يا حسام يا حبيبي.
بس حسام مكنش مع منة واللي بتقوله وكل اللي كان شاغل باله هي منال اللي غابت عن الوعي وقال لنفسه يا ترى هي عاملة إيه دلوقتي
منة بتقول إيه يا حساااام
حسام لف وشه وقالها في إيه يا منة
منة أنا عمالة اتكلم معاك في حاجات كتير وإنت مش معبرني.
حسام تفتكري منال رجعت لوعيها تاني تفتكري
منة بعصبية كويسة يا حسام ياريت متتعبش نفسك.
حسام احكيلي يا منة أنا كان إيه اللي حصلي
منة بشړ كل اللي حصل يا حسام إن إنت وإنت مروح للبيت عملت حاډثة بعربيتك وللأسف نسيت كل حاجة عنك وعنا والدكتور بتاعك قال لازم نكون معاك وأنا عمري ما سبتك يا حبيبي وفضلت جنبك من أول لحظة لحد ما خفيت.
حسام حبيبتي يا منة متحرمش منك أبدا يا رب.
منة ضحكت بخبث وهي ضامنة إن خطتها نجحت وحسام رجعلها من غير أي تعب منها.
وبعد يومين من اللي حصل..
كانت منال بقت أحسن ومشيت من المستشفى بس للأسف كانت مشكلتها في قلبها اللي مش عارفة تنسيه حسام إزاي.
أما حسام فالنهاردة هو الوقت اللي كان هيمشي فيه من المستشفى وجنبه منة وهناء.
وصممت هناء أن حسام يفضل قاعد معاهم في شقتها عشان تهتم بيه لغاية ما تطمن إنه بقى كويس.
حسام هي منال راحت فين يا ماما وهي بقت كويسة
هناء هي كويسة الحمد لله بس هي راحت تعمل كام مشوار عشان هتسيب مصر.
حسام ليه هتمشي هي مش كانت خلاص هتفضل قاعدة هنا
هناء هي بتقول إن الناس في شغلها ميقدرش يستغنوا عنها أبدا وإن مديرنها هناك رقوها وخلوها تمسك مكان كبير في الشغل بتاعها اللي بره البلد.
حسام فهمت ربنا معاها.
في نفس الوقت ده كانت منال رجعت البيت وسلمت عليهم وقعدت معاهم.
منال الحمد لله إنك رجعت بالسلامة يا حسام.
حسام شكرا يا منال إنتي كويسة دلوقتي
منال أنا كويسة شكرا ليك.
هناء عملتي الحاجات اللي إنتي كنت عايزه تعمليها بخصوص سفرك يا منال.
منال الحمد لله يا ماما عملت كل حاجة المهندس يامن المسؤول عن الشركة عملي كل الإجراءات واشتريت تيكت السفر وإن شاء الله همشي بعد كام يوم.
هناء ربنا معاكي ويوفقك يا حبيبتي.
منال ادعيلي يا ماما هدخل أنا أوضتي عشان اقلع الهدوم اللي أنا لبساها دي واصلي واستريح شوية.
هناء ماشي يا حبيبتي.
سابيتهم منال وراحت أوضتها عشان تغير هدومها اللي كانت جابتهم قبل كده من شقة حسام لما لمت كل حاجتها من هناك.
وعدى الوقت وكانت منال بتحاول إنها متقابلش حسام ومنة وكل مكان حسام بيحاول يقرب منها ويتكلم معاها زي ما كان متعود إنه يعمل كده قبل ما تسافر كانت منال بتقفل معاها الكلام وتسيبه وتمشي لغاية ما جه اليوم اللي هتمشي وتسافر فيه.
كانت منال حاطة هدومها في شنطة وقعدت تدور على المذكرة بتاعتها اللي كانت بتكتب فيه قبل كده بس ملقيتهاش.
منال معقول ممكن اكون نسيتها في شقة حسام يالهوي أنا مينفعش اسيبها هناك أنا لازم أروح اجيبها دلوقتي هو المفروض دلوقتي يكون مشي من الشقة زي ما قال لماما الصبح.
جريت منال ومعاها مفاتيح شقة حسام اللي كانت معاها
أيام ما كانوا عايشين مع بعض.
فتحت الباب بالراحة ومن غير أي صوت ودخلت جوه الشقة.
بس قبل ما ده ما يحصل بشوية صغيرين
كان حسام بيجهز نفسه عشان عنده مشوار بس للأسف اتعطل شوية وفضل يدور على مستند مهم في شغله بس مالقهوش وراح يدور في الأوضة التانية اللي كانت قاعدة فيها منال.
وهو بيدور عليه عينه لمحت مذكرة لونها وردي اتفاجئ من وجودها ومد إيده ومسكها وقعد على السرير واتضح إن المذكرة ده يخص منال لإنه كان مرسوم عليها اسمها.
فضل حسام يقلب في ورق المذكرة دي ويقرأ الحكايات اللي حصلت لمنال قبل كده لغاية ما وصل للورقة اللي موجود فيها..
خلاص أمنيتي اتحققت وارتبطت بحسام حتى ولو كان ده من باب إني اقف جنبه أمنيتي اخليه يتعلق بيا ويحبني ونبقى أنا وهو زي أي اتنين مرتبطين بس للأسف ده مش هيحصل طول ما هو متعلق بمنة وللسبب ده أنا وقفت جنبه وساعدته يمكن تحقق أمنيتي.
وفجأة حسام وقف قراءة ولقى منال واقفة قدامه وهي مڼهارة عشان
فضل حسام يبص لمنال وهو مصډوم وقال لنفسه إزاي أنا ارتبط بيها واتجوزتها امتى حصل الكلام ده وكل اللي قدر يستنتجه من اللي قراه في المذكرة دي إن منال استفادت من التعب اللي كان عنده وارتبطت بيه عشان تخليه يبطل يحب منة.
هما الإتنين كانوا بيبصوا لبعض من غير ما حد فيهم يتكلم لحد ما حسام بدأ يقرب من منال لغاية ما بقى قصادها وقال يعني أنا وإنتي متجوزين!
منال هحكيلك كل اللي عايز تعرفه يا حسام.
حسام بعصبية تحكيلي إيه إنتي استفدتي من تعبي واذيتيني بكل أنانية وكان كل همك إنك تبعدي بيني وبين منة إنتي لا يمكن تكوني إنسانة طبيعية.
منال پصدمة أنا يا حسام الإنسانة اللي بتتكلم عليها دي! وكمان بتقول إني عايزة أبعد بينك وبين منة
حسام من غير ما يهتم أيوه إنتي كده فعلا يا منال.
منال خلاص يا حسام قريب أوي هتعرف أن إنت كنت غلطان لما تعرف إزاي إحنا اتجوزنا وتعرف كل اللي حصل في الوقت ده وأنا عمري ما هغفرلك اللي إنت قلته أبدا.
حسام إزاي نفذتي موضوع الجواز ده.
منال بالتفويض اللي إنت كنت عامله للمستشار القانوني بتاعك وكنت هنفصل عنك بنفس الطريقة أعتقد دلوقتي تقدر تنهي الموضوع ده وتطلقني.
حسام بلا مبالاة طبيعي أن ده اللي أنا هعمله إنتي طالق يا منال وقريب أوي هرتبط أنا ومنة حبيبتي.
توضيح في القصة..
المفروض إن منال
لسه في فترة العدة الشرعية بس الحقيقة إن منال ملهاش عدة شرعية أصلا لإنها متجوزتش جواز كامل من حسام والأمر التاني اللي يخلي منال مالهاش عدة هنعرفه في السطور الجاية.
حسام بلا مبالاة إنتي طالق يا منال وكمان ارتباطي بمنة حبيبتي هيكون بعد فترة قريبة أوي.
منال بهدوء تمام ربنا يتمملك على خير يا حسام.
منال مشيت وسابته وكانت حسمت أمرها في موضوع سفرها.
هي دلوقتي خلاص أخدت قرار إنها مش هتمشي وكفاية الفترة اللي فاتت اللي سافرت فيها وإن هي هتبطل تهرب كمان لازم إنها تنساه وتكمل حياتها عادي.
راحت منال لمامتها وحكتلها كل حاجة حصلت بينها وبين حسام.
هناء بعصبية إزاي حسام يوجهلك كلام زي ده ده أكيد فقد عقله.
منال ماما لو سمحتي أنا عارفة هتعامل إزاي مع حسام أنا هخليه يندم على كل اللي هو قاله مش بس كده أنا هخليه يعرف منة على حقيقتها وقد إيه هي كانت أنانية ومساعدتهوش بس اصبري عليا أنا هعمل كده بس مش دلوقتي.
هناء بصي يا منال منة لازم يتحطلها حد لإن اللي بقت بتعمله ده كتير أوي عشان كده أنا مش همنعك من اللي إنتي عاوزة تعمليه.
أما حسام فبعد ما منال مشيت رجع حط المذكرات اللي تخص منال في أوضتها وبعد كده كلم منة واستأذنها إن هي تنزل تقابله في مطعم وطبعا منة وافقت ونزلت عشان تشوفه.
راحت منة المطعم ولقت حسام قاعد على ترابيزة كبيرة وراحت ناحيته وقعدت على الكرسي اللي قصاده.
منة خير يا حسام ليه خلتني انزل اقابلك
حسام إنتي تعرفي إن أنا ومنال اتجوزنا وإنتي مقلتليش ولا حكيتيلي أي حاجة!
ارتبكت منة لما سمعت كلام حسام وبعدين حاولت متبينش وقالت بكل شړ وغل منال وماما ضغطوا عليا إني معرفكش ولا احكيلك أي حاجة وكمان منال خوفتني أن لو أنا حكيتلك أي حاجة هتضرك وإني لازم امشي عشان تكون إنت ملكها هي وبس.
حسام پصدمة أنا مش مصدق إن منال تكون الشخصية الۏحشة دي علفكرة أنا انفصلت عنها ولازم أنا وإنتي نرتبط في أسرع وقت ممكن وأنا بلغتها الكلام ده.
منة بسعادة معقولة يا حسام أنا فرحانة أوي أنا الدنيا كلها مش سايعاني من الفرح.
ضحك حساك ضحكة بسيطة ليها بس جوه دماغه كان في خطط كتيرة وهو أخد قرار إنه
بعد يومين من اللي حصل..
كانت هناء قاعدة جنب منال ومنة على ترابيزة الأكلة وكانوا بيتغدوا من غير ما حد فيهم يوجه الكلام للتاني بس
متابعة القراءة
