"البيت بيت أبونا.. والغرب طردونا"
سـمّ الحـما كـاملة بقلـم منـي الـسـيد
المحتويات
اقتباسات
داليا وشها بقى جمر نار
كفاية إهانة لحد كدة!
إهانة؟ دي الحقيقة! الستات بتوع زمان كانوا ستات بجد، بيطبخوا ويربوا دستة عيال..
وإنتي مخلفتيش غير واحد وطلعتيه شخصيته ضعيفة! داليا قالتها وهي مش شايفة قدامها.
القاعة سكتت تماماً. تهاني وشها احمر من الصدمة
إنتي.. بتغلطي فيا؟ سمعتوا قالت إيه؟ بقلم مني السيد
هاني قام وقف وزعق
داليا! اعتذري لماما فوراً!
أعتذر؟ داليا بصت له بذهول.. بعد كل اللي قالته في حقي؟
أيوه، دي أمي!
وأنا مراتك! بس واضح إن كرامتي عندك مالهاش تمن!
تهاني ابتسمت بخبث وشماتة
شوفت يا هاني؟ قلة أصل ومابتترباش!
هنا داليا انفجرت تماماً.. صرخت
طب خدي دي بقى يا عقربة! عشان تعرفي إزاي تهينيني قدام الناس!
داليا مدّت إيدها، سحبت بوكيه الورد الكبير اللي كان في نص السفرة، وبكل قوتها رزعت بوكيه الورد في وش حماتها!
الورد اتنطر في كل حتة، وشوك الورد جرح وش تهاني جروح بسيطة. تهاني حطت إيدها على وشها بصدمة، ولقيت نقط دم نازلة على خدها.
اطلعي بره!!! هاني صرخ وهو بيجري على أمه.. اطلعي بره بيتي فوراً!
بكل سرور! داليا لمت شنطتها بقوة.. بس ماتنساش تلم هدومك إنت قبل الساعة 9 بالليل!
هدوم مين؟ هاني مكنش فاهم.
هدومك إنت!
تهاني شالت إيدها وزعقت
سامع يا هاني؟ الهانم بتطردك! وبتقول شقتها! شوفت الكدب؟
اسكتي خالص! داليا صرخت في حماتها.. كفاية! تلات سنين صابرة على سمّك وتلقيحك! تلات سنين ساكتة وإنتي حاشرة مناخيرك في كل تفاصيل حياتنا!
هاني حاول يقرب منها
داليا، اهدي..
لا مش ههدا! كفاية إنك فوطة شخصية مهزوزة! راجل طول بعرض ولسه بتخاف من نظرة أمك!
تهاني قامت وقفت
ماتغلطيش في ابني يا قليلة الرباية!
ابنك؟ داليا ضحكت بمرارة.. ده ابنك إنتي، بس مكنش جوزي أبداً! كان مجرد خيال مآتة!
الضيوف بدأوا ينسحبوا واحد ورا التاني من الفضيحة.
أهي بانت على حقيقتها! تهاني بصت لهاني بانتصار.. مش قولتلك مابتصونش العيش والملح؟
يا ماما خلاص بقى ارجوكِ.. هاني قالها بضعف وهو حاطط راسه بين إيديه.
إيه اللي أنا عملته؟ داليا بصت للناس اللي ماشية.. أنا دافعت عن نفسي! لأول مرة من تلات سنين! عارفين كانت بتعمل فيا إيه؟ كانت بتهد فيا كل يوم! متوفرة على روايات و اقتباسات
كنت بعلمك تبقي ست بيت!
لا! كنتي بتعملي مني عروسة خشب زي ابنك!
هاني مسك إيدها
خلاص، امشي دلوقتي!
اغوري!!! تهاني صرخت.. ومش عايزة أشوف وشك تاني!
ولا أنا! داليا نفضت إيد هاني.. بس خلوا في علمكم الشقة
خرجت داليا وهي حاسة إن جبل انزاح من على صدرها. تلات سنين من الإهانة خلصوا. ولو كان التمن هو الجوازة دي.. ف هي كسبانة راحتها.
النهاية..
داليا كانت قاعدة في بيتها بليل، باصة في الساعة. الساعة بقت 9 إلا خمسة. الجرس رن.. كان هاني ومعاه شنطة رياضية صغيرة.
ممكن أدخل؟ دي لسه شقتي..
لأ مش شقتك! داليا طلعت له العقود.. العقد مسجل باسمي ومن قبل الجواز بفلوس ورثي وشغلي! مهما أمك حاولت تقنعك بغير كدة.
هاني بص في الورق بذهول
إنتي كنتي محضرة لكل ده؟
من ساعة ما بوكيه الورد نزل على وش مامتك وأنا قررت إن مفيش رجوع!
هاني ابتسم بمرارة
ضربتي أمي بالورد قدام الناس وقايلة لي إجراء؟
وأسميه إيه؟ أمك كانت بتدبحني كل يوم بالكلمات قدامك وإنت ساكت! النهاردة الكاس اتملى للاخر!
بس دي ست كبيرة..
السن احترام مش كرباج! داليا وقفت بقوة.. هي احترمتني؟ هي قدرت إني مرات ابنها؟
هاني قعد بتعب
ودلوقتي؟ هنطلق؟
أيوه يا هاني! أنا تعبت من دور السندوتش اللي بينك وبين أمك! تعبت أمثل إننا سعداء وإحنا غرقانين
والولاد؟ والبيت؟
البيت ده أنا اللي بنيته بفلوسي، والولاد لما ييجوا في بيئة صحية أحسن ما يطلعوا مهزوزين!
داليا شاورت له على الباب.. هاني خد شنطته وخرج وهو مش عارف هيقول لأمه إيه.. وداليا قفلت الباب بالمفتاح، ولأول مرة من سنين، نامت وهي مرتاحة.
الفصل الأخير الحساب الختامي
يا بني مامتك خايفة عليك، يا حبيبي مامتك شايلة همك، مامتك عايزة مصلحتك..
أنا الأسطوانة المشروخة دي خلاص جابت جاز معايا!.. داليا كملت كلامها وهي بتبص لهاني بحدة.. أنا اللي عايزاه وعمري كله اللي بيضيع، مكنش فارق معاك في شلن!
مش حقيقي يا داليا!
لا حقيقي! لما كانت بتدخل البيت من غير إذن وتعمل تفتيش على الملايات والدواليب، كنت بتعمل نفسك مش شايف! لما كانت تقعد تلطش في شغلي وتقول عليه لعب عيال، كنت بتعمل نفسك نايم! ولما كانت ترمي كلام إن طمعانة في قرشك، كنت بتكتم وتسكُت!
هاني رمى نفسه على الكرسي بقلة حيلة
وآخرتها؟ عايزة تطلقي؟
أيوه! أنا تعبت أعيش بين المطرقة والسندان، وتعبت أمثل إني سعيدة وأنا بدبل كل يوم من جوايا!
طب وخططنا؟ والعيال اللي كنا بنرتب نجيبهم؟
داليا ضحكت بمرارة
عيال إيه يا هاني؟ عيال عشان تربيهم مامتك؟ عشان تطلعهم
إنتي بتبالغي...
لا! أنا دلوقتي شايفة
متابعة القراءة
