"البيت بيت أبونا.. والغرب طردونا"
سـمّ الحـما كـاملة بقلـم منـي الـسـيد
عزومة العيد ميلاد.. والقلم اللي بالورد!
يا داليا، إنتي بجد مابتفهميش في عمايل السلاطات خالص! ده عيد ميلاد وعزومة كبرى، مش قعدة طالبة في المدينة الجامعية!.. قالتها حماتها طنط تهاني وهي بتزق طبق المكونات اللي داليا لسه مقطعاها باستعلاء.
داليا حاولت تكتّم غيظها وترد بهدوء وهي إيديها بتترعش من الضغط
يا طنط والله ماشية على الوصفة بالظبط، والشيف قايل كدة!
حماتها نفخت بضيق
وصفة إيه وشيف إيه؟ الطبخ ده نِفَس وحب، مش ورقة وقلم! أنا لما كنت في سنك...
يا ماما خلاص بقى!.. قاطعها هاني ابنه وهو باصص في موبايله ببرود.. داليا بتحاول وتعبانة من الصبح. متوفرة على روايات و اقتباسات بتحاول؟ كتر خيرها يا سيدي!.. تهاني قامت وقفت وسحبت السكينة من إيد داليا بحدة.. هاتي السكينة دي، أنا اللي هخلص كل حاجة بنفسي!
داليا وقفت على جنب وهي بتغلي. تلات أيام من التجهيزات لعيد ميلاد حماتها تحولوا لجحيم. كل حركة، كل كلمة، كل حتى نَفَس بتتنفسه داليا كان بيتحط تحت الميكروسكوب ويتنقد.
والمفرش ده كمان.. كملت تهاني وهي بتقطع الخضار بسرعة.. ده مفرش يتحط في كافتيريا شعبية! مش في بيت زي بيتنا وفي مناسبة زي دي!
داليا جزت على سنانها
ده مفرش كتان إيطالي يا طنط!
تهاني ضحكت بسخرية
إيطالي؟
داليا لفت لجوزها
قيم؟ أنا بقالي أسبوع بلف وبفرجه على أشكال وألوان وهو اللي اختار ده!
هاني رد من ورا الموبايل
يا ماما المفرش شيك والله وذوقه عالي..متوفرة على روايات و اقتباسات
بتدافع عنها؟ تهاني سابت السكينة وبصتله.. أكيد هي اللي دفعتهولك من جيبك، ماهي مش سايبة في مرتبك مليم!
داليا ردت بحدة
أنا اللي اشتريته بفلوسي الخاصة!
فلوسك؟ حماتها ابتسمت بخبث.. وهو إنتي ليكي إيه ملكك أصلًا؟ الشقة ملك ابني، والعربية بتاعته، حتى لبسك وجزمك دي..
يا ماما! هاني أخيراً ساب الموبايل وزعق.. خلاص بقى لحد كدة وكفاية!
كفاية إيه؟ أنا بقول الحقيقة! دي ما صدقت عرفت إنك عندك شقة ومستقبلك مضمون ورمت شباكها! فاكرة إن العيشة بالساهل؟
داليا قبضت إيدها وقالت
أنا بشتغل وبتعب زيي زي هاني بالظبط! وبكسب كويس جداً! والشقة دي أنا اللي.. بقلم مني السيد
أويلي يا اختي! ضحكتيني! تهاني قطعت كلامها بضحكة مستفزة.. شغل إيه وتعب إيه؟ إنتي بتروحي المصلحة بتاعتك تشربي قهوة وتتفرجي على الموظفين وتركبي الميكروباص وترجعي!
أنا محللة مالية في بنك يا طنط!
محللة إيه؟ مسميات فارغة! طب
هاني رجع يبص في الموبايل تاني، كأنه مش موجود. داليا بصت له بكسرة، وبعدين بصت لحماتها بكل غضب وسلعت المريلة من عليها
خلاص، كملي عيد ميلادك لوحدك.. أنا ماشية!
هربتي؟ خفتي من المواجهة؟ تهاني بصت لابنها بانتصار.. شوفت يا هاني؟ دي أول ما بتتحط في موقف بتبان على حقيقتها وتخلع!
داليا وهي بتلم حاجتها
لا مخفتش، بس مش هضيع وقتي مع ناس مابتحترمنيش!
هاني قام وقف
داليا، رايحة فين؟ العزومة بكرة!
جهزوا لها إنتوا الاتنين.. أنا راجعة بيتي!متوفرة على روايات و اقتباسات
بيتك؟ حماتها ضحكت.. قصدك الشقة الإيجار اللي كنتي قاعدة فيها قبل ما تضحكي على ابني وتدخلي بيته؟
داليا سكتت وخرجت وهي عارفة إن بكرة هيكون أصعب، بس مكنش عندها نية تتراجع.
يوم العزومة.. الانفجار!
السفرة كانت مليانة من خيرات الله. الضيوف والقرايب متجمعين وبيهنوا تهاني. داليا كانت واقفة بعيد، بتراقب المشهد في صمت.
أهي عروسة ابني أهي! تهاني قالتها بصوت عالي قدام الكل.. واقفة كأنها غريبة! حتى مكسلة تيجي تضايف الناس!
داليا ردت بهدوء
أنا رصيت السفرة كلها من ساعتين يا طنط.
رصيتيها؟ تهاني لفت للضيوف.. تخيلوا، حاطة المناديل كأننا في مطعم كشري! كأني عازمة ناس من الشارع! لولا
الضيوف بصوا لبعض بإحراج، وهاني عمل نفسه مش سامع وبيرغي مع خاله.
يا طنط تهاني، بلاش الكلام ده قدام الناس.. داليا حاولت تهدي الموقف.
بلاش إيه؟ خايفة من الحقيقة؟ تهاني صوتها علي أكتر.. لا يا حبيبتي، لازم الكل يعرف حقيقتك! إنك ست بيت خايبة!
جارتها حاولت تلطف الجو
يا تهاني يا حبيبتي، قولي توست كلمة شكر وخلينا نشرب الشربات.
هقول طبعاً! تهاني وقفت ومسكت الكأس.. نشرب بصحتي وبصحة ابني سندي.. أما اللي واقفة هناك دي، ف لسه قدامها كتير عشان تستحق إني أشرب بصحتها!
هاني اتكلم بضعف
يا ماما..
ماما إيه؟ أنا بقول اللي يرضي ربنا! فيه ست طبيعية ماتعرفش تطبخ؟ دي بتشيط المية! وعايشة في مية البطيخ!
داليا مقدرتش تمسك نفسها
بس أنا بعرف أجيب فلوس كويس أوي يا طنط!
يا ساتر على الغرور! تهاني سقف بإيدها.. فاكرة إني مش عارفة كنتي عايشة إزاي قبل هاني؟ في شقة أوضة وصالة وديون للبنك..
كنت بحضر ماجستير!
بتحضري إيه يا روح أمك؟ تهاني كملت بسخرية.. دلوقتي إنتي عايشة في خير ابني! شقته وعربيته وعزّه..
أنا اللي بدفع كل مليم في البيت ده! حتى الشق...
فلوس إيه؟ تهاني بصت للضيوف بضحكة شريرة.. دي بتروح الشغل بالهيكول والروج الأحمر وتقعد تشرب نسكافيه
