ثمـن الاستقـلال كـاملة بقلـم منـي السـيد
أيوه يا حماتي، ورثت.. وشقة باسمي مِلكي! ولأ، مش هكتب قيراط واحد ليكي ولا لغيرك! ومن اللحظة دي، البيت ده بيتحكم بقوانيني أنا.. مش بكلمة من حد!
هو إنتي برضه صممتي تجيبي المكرونة الغالية دي؟
صوت الست فردوس شق سكون الشقة أول ما ياسمين فتحت الباب، كأنها كانت مستنياها على غلطة...
أنا مش قولتلك في السوبر ماركت اللي في أول الشارع بتباع أرخص ب 15 جنيه؟
ياسمين وقفت في المطبخ، الشنط لسه في إيدها، وصوابعها واجعاها من تقُل الشيل. كانت طالعة من يوم شغل يهد الحيل، وساعتين في ميكروباصات التجمع والزحمة، وفي الآخر ده الاستقبال.... متوفرة على روايات و اقتباسات يا ماما، حضرتك جيتي إمتي؟ ومقولتليش ليه عشان أعمل حسابي؟ ياسمين قالتها بنبرة ناشفة وهي شايفة حماتها قاعدة جنب الشباك وبتبصلها بتفحص كأنها بتفتشها....
قولت أعدي أشوفك مدبرة عيشتك إزاي، فردوس هانم طلعت النضارة وفتحت الشنطة ببرود وريني الفاتورة كده.
ياسمين عضت على شفايفها عشان ماتنفجرش، وطلعت ورقة الحساب وحطتها قدامها. الست الكبيرة بدأت تمشي صباعها على السطور وتبرطم
اللبن ب 45؟ ده في الجمعية ب 38! يا ياسمين إنتي إيديكِ مخرومة، مش عارفة قيمة القرش.
ياسمين ربّعت إيديها وهي بتنهج من التعب
يا ماما أنا معنديش وقت ألف المحافظة عشان أوفر 7 جنيه.. جبت من أقرب مكان وخلاص.
عشان كده عمرك ما هتفلحي! حماتها رفعت راسها بحدة ابني وليد بيطحن نفسه من النجمة
أنا بحبه يا ماما، ردت ياسمين بصوت واطي بتحاول تسيطر على أعصابها....
تحبيه ما تحبيهوش.. الست لوحت بإيدها باستهانة المفروض تفكري في التوفير مش في كيفِك.. إحنا على أيامنا...
عارفة أيامكم يا ماما، ياسمين قاطعتها وهي بتكتم غيظها لقمة بملح والرضا بالمكتوب.. بس الزمن اتغير والعيشة بقت صعبة، وأنا مش حارمة نفسي من أساسيات.
ياسمين رزعت باب التلاجة لدرجة إن العلب اللي فيها رنّت. ساد هدوء تقيل، مفيش فيه غير صوت تكتكة الساعة. حماتها قامت، عدلت طرحتها وقالت وهي خارجة
ماشي يا ياسمين.. عيشي زي ما إنتي عايزة، بس بكرة لما تقعي في زنقة ما تجيش تشتكي.
بقلم_مني_السيد
بعد شهر، في نص نوفمبر، بيت الحاجة زينب كان مقلوب.. ريحة التقلية والمحشي مالية المكان بمناسبة عيد ميلادها. ياسمين راحت بدري، وقفت في المطبخ تقطع السلطة وحماتها وراها بتوزع أوامر
يا ياسمين صغري تقطيع البصل.. الرجالة مابتحبش القطع الكبيرة في الأكل.
ياسمين كانت بتضغط على السكينة لدرجة إن إيدها وجعتها حاضر يا ماما.
كانت عايزة تمشي، بس صبّرت نفسها عشان الهدية اللي في شنطتها؛ علبة قطيفة فيها حلق دهب، شالت تمنه قرش على قرش وحرمت نفسها من أبسط حاجاتها لمدة 6 شهور عشان تجيبه... متوفرة على روايات و اقتباسات
لما الكل جه، ياسمين قدمت العلبة بابتسامة
كل
حماتها فتحت العلبة، بصت بصه سريعة، وقفلتها تاني ببرود شكراً يا حبيبتي، كلك ذوق. وحطتها على جنب كأنها علبة كبريت!...
في اللحظة دي، دخلت سهام أخت وليد ومعاها جوزها وبوكيه ورد متواضع....
كل سنة وأنتي طيبة يا ست الكل! سهام حضنت مامتها وباستها.
وش حماتها نور فجأة يا روحي! إيه الورد الجميل ده؟ دايماً عارفة ذوقي وبتهتمي بيا.. خدي يا ياسمين حطيهم في فازة بسرعة، خدي بالك لا يتبلوا!
ياسمين مسكت الورد وهي حاسة بنغزة في قلبها. الحلق الدهب اللي تمنه يعمل عزومة، مخدش كلمة شكر واحدة، والورد اللي بدبليات اتحط فوق الراس!
على السفرة، حماتها مابطلتش كلام
سهام وجوزها دول ولاد أصول بجد، شايليني في عينيهم.. مش زي ناس تانية...... ياسمين فضلت ساكتة. عارفة إن أي كلمة هتبقى بنزين على النار.
ياسمين، قومي كملي تقليب البشاميل في المطبخ ليتلسع، حماتها أمرتها بلهجة متعالية، رغم إن سهام كانت قاعدة أقرب للمطبخ....متوفرة على روايات و اقتباسات ياسمين قامت، وقفت قدام البوتاجاز بتبص من شباك المطبخ على المطر اللي بدأ ينزل.. كانت عايزة تجري في الشارع، تشم هوا ساقع يطفي النار اللي في صدرها.
بقلم_مني_السيد
بعد أسبوعين، جالها تليفون من خالتها مريم. صوتها كان مكسور
يا ياسمين.. جدتك نينة راحت للي خلقها يا بنتي.
ياسمين فضلت قاعدة مكانها مش قادرة تتحرك. جدتها كانت الشخص
ما تسمعيش لحد يا ياسمين.. عيشي زي ما يريحك إنتي.
بالليل بلغت وليد أنا لازم أسافر البلد بكرة عشان العزا.
وليد حضنها وقال أكيد يا حبيبتي، هجيلك معاكي وأخد إجازة.
لكن الموبايل رن.. كانت ماما.
يا وليد، صوت حماتها كان فيه نبرة تحكم واضحة،
رايح فين؟ دي مش عيلتك عشان تعطل شغلك وتتبهدل في السفر. سيب ياسمين تروح لوحدها.
يا ماما دي جدة مراتي.. ! وليد رد بنفاذ صبر.
يعني إيه؟ الشغل أهم، وهي ست شاطرة تروح وتيجي لوحدها.
ياسمين كانت سامعة الكلام من الأوضة التانية، وجسمها كله اتصلب. كانت عارفة إن وليد هيستسلم في الآخر.. وده اللي حصل....متوفرة على روايات و اقتباساتتاني يوم وهي بتلبس، تليفون وليد رن. حماتها على الخط وصوتها طالع تعبان ومجهد
يا وليد.. أنا قلبي واجعني أوي وحاسة بكرشة نفس.. تعالالي يا ابني أنا خايفة أموت لوحدي..
وليد اتنفض وبدأ يلبس جاكتته بسرعة
ياسمين، هسبقك على ماما أشوف مالها وأحاول ألحقك.
ياسمين هزت راسها بسخرية مكتومة. هي عارفة الحركات دي.. حماتها مش تعبانة، هي بس مش عايزاه يروح معاها.
بقلم_مني_السيد
بعد العزا بكام يوم، ياسمين جالها اتصال من محامي في البلد.
يا مدام ياسمين، لازم تشرفينا.. الجدة نينة الله يرحمها سابتلك وصية وأمانة.
ياسمين لما شافت الورق، قلبها دق بعنف. شقة تلات أوض وصالة في وسط البلد، منطقة راقية جداً.. الجدة
وقفت
