رواية عشيقة حبيبي مكتملة لجميع فصول بقلم الكاتبة المبدعة اسراء ابراهيم

طول الوقت رامية نفسي عليه ومخلياه مجبر يشوفني خلاني استحقر نفسي اوي تقدري تقولي بعاقب نفسي علي اللي عملته فيها
ميار بابتسامة متقسيش علي نفسك الحب مش عيب وانتي حبيتي جواد ودخلتي حرب مع سرين اللي كلنا متأكدين انها مش بتحبه وهو مش فارقلها ودلوقتي جواد جالك لحد عندك وقالك انه خلاص اتأكد من حبك في قلبه يبقي تفرحي وتجري عليه وتكملي حياتك معاه وانتي مطمنة انه مش شايف غيرك صدقيني انا كنت بقف دايما ضد جواد عشان مكنش عارف هو عاوز ايه وكنت خايفة عليكي احسن تنجرحي بس خلاص دلوقتي اتأكدت انه بيحبك يبقي اديله فرصة
مني بابتسامة وهي بتحضن ميار اوعدك اني افكر يا ميار بس انتي اوعي تقوليله حاجة عشان خاطري
ميار بابتسامة متخافيش هسيبك تعذبيه شوية ياستي 
ضحكت مني بخفة من بين دموعها وحضنت ميار بحب 
..........................
عدي شهر كلن صعب اوي علي جواد كان كل يوم بيرن علي مني وهي مش بترد عليه كان كل يوم بيتأكد انه فعلا حبها من كل قلبه وكان ندمان علي كل لحظة ضيعها من غيرها...... كان داخل جواد الفيلا والكل متجمع وكان بيدور بعنيه علي مني وسطيهم تحت نظرات سرين الغضبانة لانها عارفة لنه بيدور عليها فبصلته بحقد اما جواد فنظرته اتحولت للغضب لما شاف مني واقفة مع خالد وبيضحكو سوا فقرب منهم بغضب وهو مش حاسس بنفسه ومكنش قادر يستحمل هزارهم سوا و كل لحظة بتعدي وهو بيشوف خالد واقف جنبها بيحس كأن حاجة بتتفجر جواه. دمه كان يغلي فقرب وحط ايده على كتف خالد بغضب
جواد بانفعال انت مش هتقدر تقرب منها دي ملكي! انت فاهم مش هتتجوز مني عشان هتبقي مراتي انا انت فاهم
الكلمات دي كانت بتخرج من جواد منغير ما يحس بنفسه و خالد وقتها اتفاجئ للحظة وعينيه برقت بدهشة. وهو مش مصدق اللي سمعه وعينيه وقتها راحت لمني اللي كانت بتبتسم غصب عنها
خالد باستغراب لجواد إيه ده اللي بتقوله يابني ! انا ارتبط بمين بس انت اتجننت مني دي اختي
جواد كان مش مصدق الكلام ده. وعينيه اتحولت من الغضب للدهشة. هو كان مستني رد فعل تاني من خالد مش ده ابدا 
جواد بغباء يعني أنت مش عايز تقرب منها! مش هتتجوزها! 
منى اللي كانت واقفة كاتمة ضحكتها طول الوقت فجأة انفجرت في الضحك وجواد وقتها بصلها بحيرة وهو مش فاهم حاجة ونوال وقتها ابتسمت وهي بصالهم ماعدا سرين طبعا اللي كانت بتبصلهم بحقد
مني بخفة انا اصلي كنت بضحك عليك! كنت عايزة أشوفك و أشوف رد فعلك لما تشوفني مع حد تاني. مش أكتر.
جواد كان بيبصلها بصدمة وقلبه بيدق بعنف كان عقله بيقوله الف حاجة اهمها انها ممكن تكون سامحته
جواد بلهفة مني يعني انتي مش هتبعدي فعلا انا حاسس اني بحلم
منى كانت لسه مبتسمة أيوة كنت عايزة أشوفك عايزة أشوف إذا كنت حاسس بيا ولا لأ. كنت عايزة أعرف إذا كنت فعلا بتحبني مش بس بكلامك بافعالك كمان
جواد وقف مكانه وهو مش قادر يصدق اللي بيحصل كان قلبه مش عارف يهدأ من كتر ما بيدق وقتها فهم ان مني فعلا سامحته فقرب منها بلهفة وهو بيمسك ايديها
جواد بحب يعني كل ده عشان تتأكدي اني بحبك مني انا فعلا بحبك والايام اللي فاتت دي كانت بالنسبالي موت 
منى بابتسامة أيوة يا جواد كنت عاوزة اعرف إذا كنت هتدافع عني لو لقيتني مع حد تاني طب هتغير عليا . كنت حابة أعرف إذا فعلا هنسي اللي فات ولا لا
قالت كدة مني وهي بتبصله بعينيها اللى مليانة قلق وكأنها عايزة تطمن على حاجة مش واضحة ليها واطمنت
جواد كان حاسس بكل كلمة بتقولها منى كانت زي السهام اللى بتدخل قلبه. حس إنه في لحظة كان محتاج يرد ويقولها انه ندمان فعلا بس مفيش وقت هو عاوز يطمنها بس ويعرفها انه بيحبها اكتر من اي حاجة في الدنيا فقرب منها وحضن ايديها بايديه وكانت نظراته كفيلة تطمنها ومنى فعلا حست بيه وابتسمت بحب
مني بحب كنت خايفة إنك ما تحسش باللي جوة قلبك. بس دلوقتي عرفت إنك حسيت وإنه لسه في حاجة بينا
جواد عينيه كانت مليانة بمشاعر مقدرش يشرحها وفي لحظة واحدة كان كل شيء بينهم اتغير 
كانوا واقفين مع بعض كل واحد فيهم عرف إنهم مش محتاجين كلمات علشان يبينوا المشاعر اللي جواهم.
جواد بحب انا حاسس ومتأكد من كل حرف يا مني انا بحبك وعمري ما كنت متأكد من حاجة زي دلوقتي
تمت