رواية احلام و زين مكتملة لجميع بقلم الكاتبة المبدعة احلام عاصم حصريا علي موقع لمحة
المحتويات
زين
مش عارفه راح فين سيبك من زين و تعالي قوليلي
رأيك ف الفستان
بسمله دي المره الميه إلي أقولك أنه حلو
هتتجني بشكل ده لغاية الخطوبة
و فيها إيه يعني متقولي للمرة الميه و الواحد!
مفيهاش أي حاجه حاضر هفضل كل تلات دجايج أقولك أنه حلو بس ممكن تقوليلي فين زين
شاغله بالك ليه
معرفش حسيت إنه كان متغير شويا بعد م جينا من برا
غمزت يعم الحسيس إنت و النبي صعبانة عليا
لاء قبل م تفتحي ف الاسطوانة بتاعة مرات خالك أنا هروح أدور عليه..
طيب إستني
إيه تعرفي هو فين
لاء كنت هقولك الفستان حلو
رميتها بالمخدة إنت و أخوك كتير عليا ياربي عمتو مخلفه عاهات والله كان الله في عونها و فى عوني.
أتكلمت أنا و بحاول أخد نفسي إنت هنا ي زين
أنا قلبت عليك الدنيا
ضحك بهستريا و بعدين عيط!
جريت عليه زين إنت كويس..إيه إلي حصل!
زين أتكلم متوجعش قلبي عليك
شوفتها أنهارده
هي مين
حاول يمسح دموعه بس خانته من جديد ريم...البنت إلي حبتها شوفتها أنهارده بتجيب الشبكة بتاعتها كانت فرحانة أوي ي أحلام...و مكنتش شايفاني كالعاده يعني طيب ليه
أنا متحبش ي أحلام ولا إيه
قربت
عيطت بحزن غريبة الدنيا ي زين بس الحب أغرب الحب من طرف واحد عامل ذي السرطان إلي بينهش ف الجسم من غير رحمه أهو الحب إلي من طرف واحد سرطان بس بينهش ف القلب
طيب العلاج إيه...علاجه إيه!...
ألمه كبير أوي...هفضل أتألم و أتعذب كده لأمتي
مسكت إيديه ملوش علاج الحب إلي من طرف واحد ملوش علاج غير إنك ترميه من جواك ترميه!
تفتكري
مش عارفه...كنت كل ما أجرب بفشل يمكن ينفع معاك يمكن
أول مره أحس بيك تفتكري ده ذنبك
ذنبي!..مين قالك إنك عملت ذنب
الحاجه الوحيدة إلي منقدرش تحركها هي قلبك مشاعرك دول ملكش أي سلطة عليهم عشان كده ولا إنت أذنبت في حقي ولا ريم أذنبت ف حقك ده نصيب و قدام النصيب مفيش إختيار....
تفتكري ممكن ف يوم نخف من الوجع ده
لو خفيت من حبك أموت
و أنا تايه مش عارف أتصرف حاسس إني فاشل لا قدرت أشتغل ولا قدرت أخلي إلي حبيتها تحبني ٱحساس الفشل وحش وحش و بيوجعني ي أحلام بيوجعني أوي.
مكنش محتاج غير إنه يطمن أو يمكن أنا إلي محتاجه ده أنا إلي محتاجه أطمن
الحب غريب لدرجة إني بواسي زين على حبيبته إلي راحت
معرفش ده مين إلي محتاجه بس يبدو إني إحنا الأتنين محتاجينه!.
صباح الخير
أطفي النور ي أحلام عايز أنام
شديت ستارة البلكونه مفيش نوم إحنا هننزل دلوقت
قوم إلبس
نعم!
إنت لسه هتتصدم قوم يلا...هننزل ندور على شغل
كل إلي بتعمليه ده ملوش لازمة أنا دورت كتير و ملقتش
مش يمكن وشي حلو عليك ها!
أحلام أنا مش فايقلك ممكن تخرجي
قعدت علي السرير لاء مش ممكن و هتقوم تلبس و تنزل معايا و تجبلي آيس كريم كمان
ده ف المشمش قولت مش نازل.
ضحكت تأكل مشمش ي زين
أرجع البيت دلوقتي والله
بهزر يعم...تعرف أكتر حاجه بتعجبني فيك إيه
إيه
ثباتك على المبدأ
على فكره أنا نزلت معاك عشان أرتاح من زنك بس
ضحكت طب والله طلع زني بيجيب نتايج حلوه أهو.
قعد على الرصيف جمبي مش قولتلك مش هلاقي شغل
إنهاردة ملقتش بكرا تلاقي المهم السعي المهم إنك متستسلمش
أنا حاسس اني معنديش طاقة مش قادر أتحرك خطوة واحده بس لقدام مش قادر و مش عارف
إبتسمت أنت أكتر واحد ناجح شوفته ف حياتي ي زين و ده مش كلام جبر خاطر لاء ده حقيقه
عشان بس تقدر تجيب علاج مامتك و تقضي إحتياجات أختك كنت راجل ثابت طوله برغم من الطفل إلي جواك و طول سنين الكلية كنت تطلع بتقدير حلو يفرحنا كلنا بيك مشكلة إنك مش لاقي شغل دي مش مشكلتك دي مشكلة البلد إلي إحنا فيها لكن إنت!
إنت ناجح إنت ناجح أوي ي زين و أنا هفضل طول العمر مبهورة و فخورة بيك.
يمكن الإنسان مش بيبقي محتاج حاجه ف دنيا قد إنسان يكون جمبه و يشوفه جميل و يحاول طول الوقت يفكره بإنجازته حتي لو كانت صغيرة!.
زين!
إبتسم مجتيش إنهارده كده كتير مجتش إنهادره عشان ماما راحت عند خالتو بس لكن من بكرا هنور شقة عمتو
ضحك انت مجنونة
إبتسمت ف طلع بوكية ورد جميل من ورا ضهره بتحبي الورد الأحمر البلدي مش كده
ضحكت و أخدته منه ده ليا بجد
حاجه بسيطه بقولك بيها شكرا على سحلتك معايا كل يوم و إحنا بندور على شغل و بفضلك بس لاقيت
إبتسمت انت لاقيت عشان
متابعة القراءة
