رواية احلام و زين مكتملة لجميع بقلم الكاتبة المبدعة احلام عاصم حصريا علي موقع لمحة
مش هتجوزيني إبنك بقي يا عمتو
تعالي قلبي البصلة أفيدلك
بحبه ي عمتو متحسي بيا بقي
ضربتني على كتفي ضربة خفيفه مش مهم أنا أحس بيك يا موكوسة المهم هو
و إبنك جبلة بسم الله ما شاء الله يعني و أخد كل البرود لوحده طيب يسيب شويا لناس طيب!
جالي صوته من ورا إبنها دا إلي هو أنا يعني
مين!
إنت ي إبن عمتي.. أنا أقول عليك كده طب إسأل عمتو كنت بقولها إنت مخلفة برميل حلاااوة
برميل!
حلاوة و رجولة والله
طيب أنا عايز أفطر يا ماما
إتكلمت بسرعة ثواني و تلاقي الفطار عندك
خرج هو و بيقول أنا قولت ماما
والله تدخلي موسوعة جينيس ف الواد الرخم دا يباي بيجري ف دمه مية!...
ده ياريت مية عادية دي مية متلجة كده متلجة
إتكلم من الصالة علي صوتك ي أحلام بتقولي حاجه
أبدا ي إبن عمتي متاخدش ف بالك.
سندت صنية الأكل على التربيزة الفطار ي زين
مسك الرغيف و بدأ يأكل ف إتكلمت طب مفيش شكرا تسلمي أي حاجه على تعبي ده
شكرا تسلمي كده حلو
قعدت على الكرسي قدامه و سرحت ف عيونه أوي حلو أوي.
أخيرا جيتي ده أنا فاكره إنك أخدتي إقامة عند عمتك خلاص
قلعت الطرحة لو هتقولي
يعني ي بت الهبلة سايبة صف العرسان إلي كل واحد فيهم أحلي من التاني و رايحه ترمي نفسك على إبن عمتك إلي مش لاقي وظيفة لدلوقتي!
مش عايزة غيره مش بحب غيره إيه هو بالعافية ولا إيه
و بعدين زين خريج تجارة إنجلش ب جيد جدا و إنسان طموح و بيسعي و أكيد ربنا هيكرمه و يبقي أحسن من أحسن واحد من إلي عجبينك
و عاجبك حالك
عاجبك دلقتك عليه و هو ولا شايفك أصلا يبنتي فوقي و غلي نفسك تستاهلي إلي يهد الدنيا عشانك مش واحد مش مقدر حبك و عامل نفسه أهبل
خلصت
أنا هدخل أنام بقي.
كملت كلامها و دخلت و أنا بحاول أسد وداني و مسمعش كلامها صعب و بيوجعني كأنها بتعاقب قلبي إنه حب!
أنا مخترتش أحب من طرف واحد!
أنا لاقيت نفسي بحبه!
إزاي و إمتي معرفش بس إلي أعرفه إني مش هستسلم غير لما يحبني مش هستسلم غير لما أفوز بحبه مش لازم نمشي عشان الطريق صعب إلي بيحب و عايز يوصل لحاجة بجد مش هيستسلم و أنا ...و أنا بحبه!.
صباح الخير
صباح النور رايحه فين كده
رايحه الكلية
طيب تعالي هوصلك
بجد ي زين..بجد يعني هتوصلني
إنت عندك
أه لو مرات خالك سمعتك
و هي الصراحة بتحبني أوي
ضحكت ده أنا إلي بحبك والله
أخدت بالي من إلي قولته اه أنا مكشوفه بس مش لدرجة دي
أحم قصدي كلنا بنحبك
تشربي عصير قصب
أتكلمت ب فرحه أشرب طبعا.
يعني هو قالك إنه بيحبك
قال الأهم
إيه قالك إنه هيتجوزك
بقولك الأهم
إيه طيب قولي
إبتسمت أنا و بحضن المخدة قالي تشربي عصير قصب
رمت المخدة عليا نعم هو ده الأهم!
هو عارف إني بحب القصب
إيه العلاقه
كده يغبيه هو شاركني مشروبي المفضل
ده بيلمح
مش بقولك
بتقولي إيه و تنيلي إيه بس ده إنت حالتك صعبة خالص
بحبه ي بسملااااه بحبه بس أخوك جبلة
والله ما أنا عارفة إنت بتحبيه على إيه الولا الطويل ده
هو جبلة أه بس يتحب بصراحة
و إنت محبتهوش بس لاء ده إنت دوبتي
والله دوبت بجد إنت مكدبتيش
طيب يختي كفاية نحنه و تعالي أختاري معايا الفستان للخطوبة
يا نونو أخيرا هنفرح بيك أو نخلص منك مش متأكده
لاء يختي لسه سنتين خطوبة
ضحكت ده إنت هتقلي جامد على كده.
جاية من ستة ليه أخدتي وظيفة عمو محمد بتاع اللبن
زقيت إيده من على الباب أنا جاية ل
من ستة الصبح!
البنت قلقانة و مش عارفه تنام جايه أهديها عشان تناملها ساعتين و متبنيش مرهقة ينفع
ضحك إيه التفكير ده!
دي حنيه ي زين لازم نحس بمشاعر إلي حوالينا و بأقل حاجه ف إيدينا نحاول نشاركهم المشاعر دي ربنا خلى حوالينا علاقات كتير أهل أصحاب معارف...
تفتكر ليه
ليه!
عشان نهون على بعض نطبطب على بعض نحس ببعض ربنا بيبعتنا رحمات لبعض فهمت حاجة
إنت غريبة هبلة و طايشه و دماغك طاقه و ...
و حكيمة و عاقلة و ذكية...إزاي كده
إزاي جمعت بين الصفات الكتير إلي عكس بعض دي
ضحكت قول بسم الله ما شاء الله بس
مشي إيده على شعره و ضحك مش بقولك غريبة
ضحكت لو خلصت كلامك ممكن أدخل أطمن البنت إلي جوا دي... الهالات السودا انهاردة هتحتفل معاها لو منمتش
ضحك أدخلي يلا
سرحت فى ضحكته أحلام!
إيه
مش هتدخلي
إبتسمت بغلب هدخل بس ينفع أقولك حاجه
قولي إنت هتعملي فيها مؤدبة و تستأذني
ضحكت ب غرام شكلك حلو إنت و لسه صاحي من النوم.
طلعت بسرعه على أوضة بسمله سيبته يستوعب إلي قولته ودخلت أنا من أمتي بقي معنديش كرامه كده
ده طلع مفيش ف الحب كرامه فعلا..
بس يارب خليه يحبني مش هبقي مهزأه و مش بيحبني كمان!.
فين
