رواية كاملة بقلم نورا سمير السري حصريا

من الشاور اللي علي عيني 
_ ابسط يامعلم انا اللي عامله كده 
_ طب وحياة امك لما أطلعلك
بعد شويه فتحت المياة وانا غيرت هدومي وخرجت
وانا ببرقلها  
_ مش هعمل فيك حاجه كده خالصين 
ابتسمت وقالت  
_ يبقي تمام كده 
دخلت انا وهي نلبس ونستعد لخطوبته 
طلعت الفستان اللي أشتريته للمناسبة دي
الفستان كان صك باللون البيج ومترز بشكل هادي وبسيط وبفتحه من تحت لبست وبدءت أحط الميكاب فردت شعري الأشقر رشيت البرفيوم وخرجت  
_ اي القمر ده ياحبيبتي اوووه ناوية تغطي ع العروسة 
أتكلمت بغرور  
_ أنت عارفة ياماما إن من غير مااعمل حاجه بغطي ع الكل 
طلعت أمنيه اللي كانت بردو زي القمر وقالت  
_ طبعا روز المحمدي طول عمرها تغطي ع الكل 
ابتسمت وانا بقول بغمزة  
_ هي وأمنيه المحمدي
ده إي الجمال والحلاوة والطعامه دي
_ دأنت اللي عسل ياعسل 
بصيت لماما وانا بلفها و بقول  
_ يماما والله أنت اللي هتغطي عليا أحل أم كده كده 
ابتسمت ليا وهي بتقول  
_تسلميلي ياعيون ماما 
طلع بابا وهو بيقول  
_ اي القمر ده ياجماعه انا همشي بيكوا كده! ده انا هرجع بيكوا متجوزين 
انفجرنا من الضحك وقولت  
_ طب وماما يابوب
 وهو بيقول  
_ وهل حد يتجرأ يبص لمرات عزيز المحمدي 
ابتسمت له وانا مبسوطه ان عيلتي متمسكه بالشكل ده وقد اي بحبهم وقولت  
_ طبعا لا يازوز ده حضرتك تفرم اللي يفكر بس 
_طب يلا ياحبايبي ننزل 
بص لأمنيه وقال  
_ باباك ومامتك وصلوا 
_ طب يلا عشان نلحقهم 
نزلت انا وبابا وماما وأمنيه بابا ركب هو وماما عربيته وانا وأمنيه ركبنا عربيتي شويه ووصلنا المكان نزلت وكانت العيون علينا
الأنتظار أتشالت من ع العروسه والعريس وبصوا لينا واللي متخيلتوش انه كان بيبص ناحيتي لانه وصل قبلنا مش احنا اللي أنتظرناه بل هو أتقدمنا من العيلة وبدءت انا وأمنية نسلم عليهم بسبب غيابنا دائما في الجامعة بعد ماخلصنا تسليم علي العيلة العريس ابن عمتي أتقدمت ومعايا أمنية وانا ببص ليه بنظرة خالية من اي شعور وبسمه بسيطه ومديت ايدي ليه وقولت  
_ الف مبروك ياعريس
مد ايده ليا وضغط عليها وقال  
_ الله يبارك فيك 
شديت ايدي وسلمت ع العروسة 
وكانت بتبص ناحيتي بإنتصار وكأنها خدت شئ مهم مني متعرفش اني اللي برميه لغيري مش بطلبه تاني وانا خلاص رميته انا أه بحبه بس النسخه اللي في بالي وحشتني اوي النسخه المزيفة والابتسامه ولمعه العين وكل شئ للأسف كان زايف 
عدلت من شعري وفضلت اتكلم انا وأمنيه بس شميت ريحه البرفيوم عرفته لفيت له وانا بصرخ وبقول  
_ تميم وحشتني اويي 
وقال  
_معلش ياحبيبة قلبي أنت عارفة الشغل اللي متلتل وبابك رامي الفرع ده عليا معرفتش انزل غير لما أخلصه حقك عليا 
وانا بقول  
_ لا ياحبيبي ولا يهمك المهم اني شوفتك بخير بس اي ده اخويا أحلي من العريس ياولاد
عدل من ياقته وقال  
_ طبعا يابنتي
اليوم خلص وسط فرحي الزايف طول الوقت أمنيه مردتش تسيبني وقررت تيجي تبات معايا لانها خايفه عليا او بمعني أصح فهماني
اليوم عدي وسط دموعي البسيطة اللي قررت تنقذ قلبي من إنه يقف وهدوئي بعدها نوعا ما تاني يوم رجعنا تاني السكن وقررت ان خلاص حياتي الجاية أهم
بعد خمس شهور في حفل تخرجي من كلية هندسة 
أستلمت شهادتي وسط فرحه الجميع انا وأمنيه عملناها وآخيرا بعد تعب وجهد وإرهاق وفقدان شغف عيشنا كل شي حلو ومر والسبب في وجودنا حاليا توفيق ربنا اولا وتعبنا ثانيا 
بابا طلع ليا بفخر وقال  
_ دائما رافعة رأس أبوك 
بفرحه ودموع وقولته _وجودك دائما اللي كان بيشجني لده أنت ياحبيبي علطول مشجعني ربنا يديمك ليا أنت رمز قوتي
بعد تخرجي فتحت مكتب خاص بيا انا وأمنيه لاننا مش هنتفرق حتي في الشغل بعد فتره المكتب كبر وبقي لينا أكتر من فرع في أنحاء العالم حققنا أحلامنا بقينا أقوي عيشنا كل لحظه سوي أثناء إنشاء كل مكتب واللي كان صعب علي بنتين في وجهه نظر الناس لاكن اه أحنا بنتين وبندير كل شغلنا بنفسنا بدون تدخل اي حد من عيلتنا واللي ميعرفهوش الناس ان فيه بنات بميت راجل
وفي يوم كنت قاعدة بدير شغلي وببص علي شكل الرسم اللي رسمته للمعمار بفخر طلبت ايس كوفي وشويه ودخل حد بيه 
_ اتفضل حطه ياعم محمد
_احمم
رفعت راسي وانا بشوف مين لقيته خالد ابن عمتي اتكلمت ببرود ونظره خاصة بيا وانا برجع بضهري لورا وبقلب القلم بين ايدي وحطه رجل علي رجل وبهزها وبقول  
_مش خير 
ابتسم وقال  
_ممكن أقعد 
وياسبحان الله القادر علي تغير كل شئ ابتسامته دي كانت بالنسبالي الدنيا وما عليها دلوقتي بقي بالنسبالي هواء  
رديت بهدوء  
_ أتفضل
قعد قدامي وبدء يتكلم  
_ مش هتشربي الآيس كوفي بتاعك 
بصتله بسخرية وقولت  
_ مش عايزة يمكن حاطط ليا سم ولا حاجه 
_ هو انا أقدر دأنت حبيبتي معقول أسمك 
بصتله بغضب وقولت  
_ ولااا أظبط و أنت بتتكلم معايا وأخلص قول اللي عندك يااما تطلع برا 
بصلي بصدمه وقال  
_ أنت بتقولي ليا ياولااا دأنت عمرك ما غلطتي فيا 
ابتسمت بسخرية وقولت  
_ كنت محترماك لاكن للأسف نزلت من نظري
اتعدل في قعدته وقال  
_ طب ينفع نخرج نروح اي كافية محتاج اتكلم معاك 
قلبت
في اللي قدامي وانا بقول  
_ مش فاضية ورايا شغل زي ماحضرتك شايف و مش مستعدة أعطل شغلي عشانك عايز تقول حاجه اتفضل هنا
بلع ريقه وقال  
_ بصراحه انا مش عارف اقولك اي انا مش عارف ازاي سبتك وبعدت عنك وعشان أزعلك واحاول اكمل حياتي أرتبطت بواحدة غيرك طموحها كانت اقل مكنتش عايزة غير تتجوز وتغيظك وخلاص وخيالي جابني اني هنساك بيها كانت أقل منك في كل حاجه تعليم اهتمام حب تضحية كل شي اكتشفت ان اهتمامها عكس اهتمامك بيا وابتسامتها غير ابتسامتك كل حاجه كانت غير انا عرفت قيمتك والله انا مكنتش عارفه أواجهك لاني عارف اني غلطان وندمان واتمني اني مندمش طول عمري 
مسك ايدي وقال  
_ تقبلي بي من تاني يارهف 
نفضت ايدي من بين كفوفه وقلت وانا بخبط علي المكتب بإيدي وبقوم وبقول  
_أنت ازاي تجيلك الجرأة أنك تمسك ايدي بالشكل ده وجايلي حضرتك وندمان ومحتاج مني اي محتاج مني حب معدش عندي ذرة حب لإنسان زيك 
بصيت في عينه بحده وكملت  
_ قلبي اتقفل ومستني الشخص اللي يستاهله قابلت الشخص ده تمام مقبلتوش فأنا شغلي بالدنيا انا الفتره اللي حبيتك فيها لو كنا كملنا عمري ماكنت هزعلك وكنت هشيلك في عينيا لاكن الحمدلله ان أنت ظهرت علي حقيقتك وصدقني أنا معتش شيفاك لولا صوتك مكنتش شوفتك لانك بالنسبة ليا اي هوا 
واتفضل اطلع برا ولا اقولك خليك شيلت نظارتي الشمس ولبستها ولميت رسماتي وسط زهوله وصمته وندمه طلعت برا بعد محاوله منه اني أسمعه طلعت وانا مختارة نفسي المرة دي
أحيانا بيكون مكسبك الحلو شخص يحبك ويفهمك لاكن انا ملقتش ده بس لقيت الأحسن لقيت شغل وكيان ليا مبسوطة اني كرامتي اتردت وقدرت اكسر عينه مش علطول بيكون المكسب شخص أحيانا خسارة شخص بتكون اول طريق لتحقيق ذاتك وطموحك وآخر الطريق بيكون ندم كل اللي خسرك البنت عمرها مكان مكانها المطبخ ولا بيت جوزها البنت مكانها شغلها وحبها لنفسهاقبل كل ده عمر الراجل ما كان الحلم الشخص الحنون الطيب الودود هو ده الأختيار بعد الكيان اللي البنت بتختاره لنفسها 
عمر النجاح ماكان الجواز فقط
تمت بحمد الله 
رأيكم مهم بالنسبالي 
نورا_سمير_السري