اسكريبت كامل بقلم الكاتبة المبدعة سمية عبد السلام

عيوبك اللي انت والكل شايفها عيوب انا شايفها مميزات قمر انا قبل ماعرفك كنت شخص روتيني ممل بس لما دخلت حياتي بقيت اجرب حاجات ماجاش في خيالي حتى اني اشوفها ده انت دخلتيني القسم...
الحياة ما بينا ماكنتش سهلة بس الحياة من غيره ما تتعاش
وانا..
مجنونة
اه
بس يوسف هو اللي عرف يحتويني بالحنية والهزار والتحمل...
موضوع القسم ده اي حد تاني مكانك كان طلق مراته فيها يوسف انت ماطلقتنيش ليه معقول كل ده عشان بتحبني.
لأ عشان ماضي قايمة بنص مليون جنيه.
اخر اسكريبت التفاعل عليه كان محبط جدا رأيكم ده وتفاعلكم بيفرق معايا عشان اكمل وحاجة بتفرحني اتمنى الحدوتة تعجبكم يا حبايب واوعى تمشي من غير ما تسيب اثر
سميه_عبدالسلام.
الثاني 
لازم

نسيب بعض كفاية لحد هنا.
بيعملوا هنا عصير قصب هايل من كتر حلاوته هتندمي انك جيت هنا اصلا.
على فكرة انا بتكلم جد دلوقتي.
طب ما انا كمان بتكلم جد عصير القصب هنا يقرف الكلب.
طب رأيك اي
في القصب.
قصب اي انا قصدي في الكلام اللي قولته.
لا حددي بالظبط عشان انت بتقولي كلام كتير.
قصدك اني رغاية.
ما تقولنيش كلام ماقلتوش لو سمحت ماتركبناش الغلط.
انا لسه عندي كلامي ولازم نسيب بعض.
كبرتي ماشاء الله وبقيت تقولي حكم..احتفظي بيها لنفسك بقا.
هو البعيد ماعندوش دم جايب نفس للهزار منين.
وهو حد يشوفك ويبقا زعلان ده يبقا حيوان ومش بيفهم وانا بقا المنطقة كلها تحلف بذكائي.
انت ليه مش عايز تفهم احنا خلاص وصلنا لحيطة سد.
نكسرها ونعدي عادي.
انا مش عايزة اكمل.
مش مهم انا عايز اكمل.
انت معصبني ببرودك ده على فكرة.
وانت قمر وانت متعصبة على فكرة.
انت ليه مش عايز تفهمني طب انت مركز في كلامي.
انا اول مرة الاحظ ان عندك 104 رمش.
ايه
يعني انا مش بس حافظ تفاصيلك انت حتى اي كلمة عادية بتقوليها هي عندي مهمة ولازم اسمعها
طب ليه بتاخدني على قد عقلي.
انا باخدك على قد روحك مش على قد عقلك وعشان كده انا لسه هنا ومكمل.
بس مش كل حاجة تمشي بالهزار.
وبردو مش كل حاجة تمشي بالعقل احنا لو طول عمرنا بنتكلم بعقل كنا سبنا بعض من اول مرة قولتيها.
ولو قلت لك تسيبني لوحدي دلوقتي هتقول اي.
عادي هقولك اعتبريني الوحدة اللي هتهربي ليها.
المدير رفدني من الشغل.
بجد.
مالك فرحان وانت بتقولها كده.
فين ده ده انا متأثر اوي هو مش باين عليا
لأ 
بس مستواك مش عاجبني المرة دي خدتي نص ساعة عشان تقولي السبب الحقيقي اللي مضايقك يعني كان ممكن تخليهم ساعة ولا اتنين زي كل مرة.
يعني انت عارف ان في حاجة مضايقاني.
حبيبي انت لو بلوزتك اتقطعت بتقولي نسيب بعض ده انا بسمع الكلمة دي اكتر ما بسمع صباح الخير من امي.
وهي والدتك بتقولك صباح الخير.
لأ...على العموم في داهية ندور لك على شغل جديد.
انا عايزة اعيط.
عشان عارفة اني مش هلاقيلك شغل ودي رابع مرة تترفدي من شركة وال CV بتاعك ابيض ياورد.
لأ عشان القصب طعمه وحش اوي انا بقول..
نسيب بعض انا شايف كده بردو سلام.
استنى بس هقولك..
لم تكن كلماتك تشبه نواياك كنت تقولين أرحل وكنت أراك ترجين البقاء.
سميه_عبدالسلام.