اسكريبت كامل بقلم الكاتبة المبدعة سمية عبد السلام
المحتويات
ما تزعقش.
انت ليك عين تتكلمي يا بجحة.
انت ما كبر الموضوع على فكرة عادي بتحصل.
بتحصل!! ده على اساس اني جايبك من دريم بارك ده انا جايبك من القسم يالي ماشمتيش ريحة الدم.
يعني كنت عايزني اسيب الراجل ينصب عليا واسكت.
لأ ازاي مايصحش لازم تنقي اكبر طوبة وتفتحي دماغه بيها.
ماهو اللي جادل قصادي كتير كان فيها اي لو عطاني الكيلو ونص طماطم بعشرة وبعدين ده غلط فيا ترضى حد يغلط في مراتك ترضاها على رجولتك
غلط قال اي يا بوتجاز خمسة شعلة.
قالي امشي من هنا يا شاطرة مش هبيع.
ما الراجل ما غلطش اهو
وانت كنت عايزني استني لما يغلط.
هترفعيلي الضغط
هو لسه ماترفعش.
كنت دايما اسمع ان بين كل اتنين بيحبوا بعض
بيتخلق ما بينهم لغة خاصة
ماحدش يفهمها غيرهم لغة اسمها
لغة الحب.
واللغة الخاصة بيني وبينه
هي النكش والمنقارة والخناق
والصداع
رغم اننا نبان من برى هنجيب شعر بعض بس مافيش حد يقدر ييعيش يوم بعيد عن التاني.
الحب بينا مش وردي بس حقيقي..
روحنا متعلقة ومرتبطة ببعض
اصل مهما يجرى ونزعل ونتخاصم او حتى نتنقار
الموضوع في الآخر بينتهي
وابتسامة مني.
تعرفي الفرق بينك وبين المجانين اي.
انهم في المستشفى وانا برى.
ان هم بيتعالجوا وانت لسه مطلوقة بتعملي مصايبك في الشارع.
الكل كان رافض جوازتنا وخصوصا اهله
تحديد عماته الحرابيق اللي واحدة منهم
كانت عايزاه لبنتها من وهو بيسنن
بس هو حارب الكل عشاني..
ولا مرة استسلم ولا مرة اشتكى مني
وقال زهقت.
وكل ما اعمل مصيبة كان هو يحلها ولو المشكلة دي حصلت قدام اهله يدافع عني وكان لما عمته تشكيله مني كان يقولها.
مراتي انا عملت كل ده.
ايوة.
طب ما انا اللي قايلها تعمل كده.
ولما تسمع رده ماكنتش
وده مش عشان هي مقتنعة
لا خالص ده عشان فقدت النطق
من رده وبنبقا شاكين في جلطة او ذبحة صدرية.
هي تمشي من هنا وهو يهزقني ويعاتبني من هنا عتاب نابع من حبه وخوفه عليا.
استني هنا ما تتحركيش دقيقة واجاي.
حاضر
خمس دقايق مش هتأخر يارب تقدري تستحملي من غير ما تعملي مصيبة جديدة طبعا دي حاجة فوق طاقتك انا عارف.
على فكرة بقا انت ظالمني وواخد عني فكرة غلط.
مصدقك يا مسكينة يا غلبانة يا قادرة يابنت المفترية.
غاب مدة مش كتيرة ومش قليلة وبعدها لقيته جايب كيس في ايده بيدهوني.
خدي كلي انا عارف انك اكيد ماكلتيش من لما خرجتي من البيت وده عصير قصب.
جايبه عشان عارف اني بحبه.
خالص ده كان عليه عرض خد واحد قصب تاخد عليه كيس كاتشب هدية.
يمكن مش دايما بيقولي كلام حلو مش بتاع غزل ووعود وردية بس حبه وحنيته كانت بتبان
في كيس اكل في عز العصبية
في نظرة حنية وسط خناقة
في انه ياخد اللوم عشان يحميني من اهله..
هو ماكنش بيتكلم كتير بس كان واخد قلبي من غير ما يحاول.
حبيت اعتذر عن اللي حصل.
يوسف انا آسفة انا عارفة اني بعمل مشاكل كتير انت في غنى عنها لو حد مكانك ماكنش استحمل ده انا بعفيك من اي وعد وعدتهولي انك عمرك في يوم ما هتسيبني انت لو زهقت انا فاهمة ومقدرة ده.
ياست هو انا اشتكتلك كلي وانت ساكتة.
مش لازم تشتكي بس كل واحد ليه طاقة وانا خايفة طاقتك معايا تخلص.
ساب الاكل من ايده ولف بصلي وقال بنبرة هادية ودافية
لما سألوني اشمعنا هي وليه دي بذات مصمم عليها تتجوزها عمري ما كنت بريحهم واقول لهم على اجابة بس ابدا السؤال ده مافرقش دماغي وكنت محتار فعلا اشمعنا دي بس لما اتجوزنا عرفت.
عرفت اي
عرفت ان الحياة من غيرك ملهاش لا
متابعة القراءة
