اسكريبت كامل بقلم هنا حازم

يا بنتي ده رابع عريس ترفضيه ابوكي تعب معاكي 
سيبوني في حالي بقي قلت مش عايزه اتجوز 
طلعت و سابتني زي كل مره بتيجي تقنعني فيها بالعرسان اللي عمتي الله اعلم بتلاقيهم منين نزلت اقعد علي الكورنيش زي كل مره بتضايق فيها
قابلت احمد و انا نازلة السلم 
لمار ازيك مالك انتي كويسه 
ازيك يا احمد اه عادي مفيش حاجة عن اذنك. 
سبته و نزلت عشان مليش طاقة اتكلم مع حد احمد ابن خالتي ساكنين معانا في العمارة في الدور اللي تحتينا و اكبر مني بسنه و تعاملي معاه نادر جدا .
فضلت قاعدة علي الكورنيش و انا بفكر في كل اللي حصل
_فلاش باك قبل ٣ سنين _
يعني ايه مازن مش موجود ده مقلب صح 
كنت خايفة يعمل كده و اهو عملها و سابني و هرب يوم فرحنا كنت بشوف التردد

في عينه و انه مش قد المسؤولية بس جه و خطبني و كنت فاكرة انه اتغير و هيتغير عشاني بس هو جبان و ضحي بحب سنتين و سابني بفستاني الأبيض و دموعي علي خدي .
نفسيتي اتدمرت بعدها و اتغيرت و بقيت قاعدة في اوضتي علي طول اهلي حاولوا يطلعوني من اللي انا فيه بس مكنتش عارفة اتخطي و بقيت قافلة علي نفسي و خايفة ادخل في علاقة او حتي احب حد.
تاني يوم الصبح لقيت ندي اخت احمد بتتصل عليا تقولي انها لاقتلي شغل في كافيه بعيد عنا حوالي٣٠ دقيقه شكرتها جدا و قلت لماما اني هنزل اروح الكافيه 
ندي اختي وصاحبتي من وحنا عيال معايا في كل حاجه و اكتر واحدة عرفاني 
وصلت و قدمت علي الشغل وبدأت اشتغل علطول
عدي شهرين و الحمدلله كنت مبسوطه في شغلي و حالتي أحسنت و بدأت انسي زعلي و اي حاجة تخص مازن
كنت بساعد في طلب الاوردرات و احيانا بدخل المطبخ و بساعد الشيفات المتخصصين في عمل الحلويات وبقولهم كام نصيحة .
من صغري و انا بحب اعمل حلويات و كانت هواية الكل عارف عنها بس بطلت أمارسها بعد اللي حصل كانوا بيتبسطوا اوي من نتائج نصائحي و بيشكروني كتير.
جه الشتا و كنت جوا بشتغل فجأه لقيت لمي صاحبتي اللي اتعرفت عليها بتقولي أن فيه زبون عجبته الحاجة اللي طلبها و طلب يشوف اللي عملها 
استغربت لان دي اول مرة تحصل حاجة زي كده برغم اني ساعدتهم كتير قبل كده بس دى اول مرة حد يطلبني !
طلعت و لمي قالتلي انه قاعد علي ترابيزه رقم ١٩ كان قاعد شخص مديني ظهره 
مساء ال ..أحمد!
لمار! انتي بتعملي ايه هنا
انا بشتغل هنا و قالولي ان فيه زبون طلبني!
ساعتها خد باله من لبسي 
انا مكنتش اعرف هو انتي اللي عملتي الطبق ده فعلا 
انا بس ساعدتهم و قلتلهم يحطوا ايه و غيرت من الوصف الاصليه شوية لكن مش انا اللي عملتها انا مش بشتغل في المطبخ ايه وحشه 
لا طبها انا اول مرة اكل كيك بالحلاوة دي فيها حاجة مميزة عمري ما دقتها في اي مكان انا كنت حابب اشكر اللي عملها تسلم ايدك 
مبسوطه اوي انها عجبتك بالهنا والشفا 
مكنتش عارف انك شاطرة في الحلويات اوي كدة 
هي هواية عندي من وانا صغيرة بس نسيتها مع السنين 
لا انتي موهوبه بجد لازم تطلعي الموهبة دي 
ان شاء الله..
هتخلصي شغل امتي هستناك نرجع سوا 
لالا ملوش لزوم انا لسه قدامي ساعه 
مش عيب لما يبقي ابن خالتك موجود و تروحي لوحدك روحي كملي شغلك و
انا هستناك .
حاولت اعترض بس