اسكريبت كامل بقلم الكاتبة المبدعة رنا يحيى ١
بتريقة مغلطتش اما قولت كلهم مغرورين تصدق
ضحكنا وركبنا العربية وصلنا على الكورنيش قدام البحر طلبنا ساندوتشات شاورما واتحايلت عليه ادفع الحساب وموافقش برضو
قولت وأنا باكل هو أنا مش قولت هعزمك دفعت ليه أنت بقى
ضحك عيب والله اخليكي تدفعي في أول خروجة لينا
أنت كنت مسافر وسايب مامتك ليه كل ده
كنت مسافر عشان تشوفي يوسف اللي انت شيفاه ده دلوقتي وماما كانت أول داعم ليا في السفر
سمسم دي سكر اصلا يبختك بيها
ضحك سمسم! بتدلعيها كمان
طبعا دي أول زبونة ليا في المحل
ضحكت جامد استنى احكيلك موقف كنت أول مره انزل المحل ومتلغبطة ومش عارفة حاجة جت هي في يوم تشتري مني كنت أعده بعيط عشان زبونة زعقتلي ف راحت اتخانقت مع الست وفضلت معايا طول اليوم هي اللي تبيع
ضحك بجد أول مرة أعرف مع إنها مبتخبيش عني حاجة
ربنا يخليهالك يارب
يارب
خلصنا وروحني طلعت غيرت هدومي ونزلت أقعد في المحل مكان بابا..
قعدت وكنت مستنية اشوفه تاني
كنت سرحانة في اليوم ابتسمت وفوقت على صوت قدرت اميزه
مساء الخير في تونة ولا خلصانة
ضحكت وقومت وقفت خلصانة
طب شوفي تاني كده
ضحكت عايز ايه
جاي اونسك أنا غلطان
ضحكت
قعد وجبتله بيبسي وجبت ليا شيبسي وفتحت وكلت
عايزة انجح بقى زهقت
متقلقيش هانت اهي
يارب بس الدكتور ميرخمش علينا ويدينا الدرجات كاملة
أنا هكلمه
بصتله بفرحة شكرا يا يوسف
سمسم بتقولك ابقي تعالي صحيح
ماشي قولها هتبقى تعدي عليك
قام وقف يلا هروح أنا هعدي عليك الصبح نروح سوا
لا متتعبش نفسك هروح مع صحبتي.
متأكده
ابتسمت ايوه متقلقش.
ابتسم ماشي تصبحي على خير
وانت من اهله
فضلت باصه عليه لغاية ما اختفى من قدام عيني كنت مبسوطة وفرحانة بشوية الوقت دول
قفلت المحل وطلعت قعدت مع بابا وماما شوية وكالعادة قصة العريس اللي مبتخلصش
نفخت وقولت بعصبية مش هتجوز خالص ماشي يلا تصبحوا على خير
دخلت نمت پغضب صحيت الصبح لقيت سلمى بتقول إنها مش جاية
نزلت واتمنيت إني كنت قولتله يستناني مشيت بحزن ولقيته واقف
قدام العربية
ضحكت بفرحة وجريت عليه يوسف! أنت ممشيتش
ابتسم قلبي كان حاسس فين صاحبتك
مهي مجتش
طيب يلا اركبي
ركبنا وفضلت سرحانة في موضوع امبارح والعريس
مالك يا رنا
نفخت بابا مصمم يخليني اقابل عريس وأنا مش موافقة بس هو مصمم عليه أوي
عريس!
للأسف بس أنا قولتلهم مش موافقة وخلاص بس زعل مني
وانت شوفتيه العريس
لا بس مش حابه فكرة صالونات
اممم فهمت متزعليش هو عايز يفرح بيك بس
ابتسمت يلا الحمدلله يلا بينا وصلنا.
ابتسم يلا
عدى شهر كل يوم كنت بتأكد من حبي ليوسف وجوده بيسعدني بمجرد ما بسمع صوته قلبي بيرفرف من الفرحة
كنا اعدين على الكورنيش بقى مكاننا الخاص.
رنا
نعم يا يوسف
عايز اقابل ابوكي
برقت ليه هتشتكيله يا يوسف ما قولتلك مكنش قصدي ابوظ الشغل
مهو مينفعش يا رنا بجد
مينفعش ايه منا فهمتك
مينفعش تسرقي قلبي واقعد ساكت كده
ها
ضحك هاجي اتجوزك
بتهزر صح أحلف كده
لا أنا هكلمه واخد معاد بكره واجي
ضحكت أنت مش بتهزر لا بتتكلم جد يلهوي هنتجوز!
ضحك أنا بحبك وانت بتحبيني وخير البر عاجله ولا ايه
صح صح موافقاك في كل كلمة
ضحك من الفرحة
احم ها هتقوله ايه
هقوله أنا جاي أطلب ايد عمري يا حج
ضحكت وخبطه يوسف
خلاص هقوله أنا جاي أخد الامانة اللي مكتوبالي
ضحكتأخيرا أنا مبسوطة أوي
مسك ايديوأنا كمان
كلمه
تعالي يا رنا
نعم يا بابا
بصي يا بنتي جايلك عريس
قولت بتمثيل تاني يا بابا
اقوله لا يعني هو هيجي بكرة
بجد! طب خلاص يجي يمكن يعجبني
ايه
حاولت اكتم ضحكتي يجي يا بابا ينور هنقوله لا يعني ميصحش
مزعقتيش واتقمصتي وفين تعليمك يرنا
يا بابا الست ملهاش الا بيت جوزها برضو يحبيبي
اه ربنا يكملك بعقلك يبنتي
بوسته من خده ودخلت الاوضة وفضلت ارقص كان أسعد يوم يعدي عليا في حياتي
نمت وصحيت من النجمة حضرت اللبس وحاولت ابين قدامهم اني عادي
جت الساعة اخيرا اللي يوسف يجي فيها دخلت أعمل القهوة وضحكت افتكرت اما قولتله اني هحطلك في القهوة ملح ومصدقش ولكن مكنتش بهزر!
حطتله ملح كتير وخرجت بيها وأنا قلبي هينط من الفرحة دخلت وقدمتها وقعدت قدامه كنت مستنية اشوف رده فعله
شرب وكتمت ضحكتي على شكله بصلي بعصبية وضحك
قال ووشه كان أحمر تسلم ايدك
ابتسمت تسلم بالهنا والشفا
قعدنا وبلغت بابا بموافقتي وسط استغرابه ولكن فرح
وشوشني بتحطيلي ملح يا رنا
قولتلك وانت مصدقتش كانت حلوة
قال بتريقة جميلة
ضحكت بالهنا والشفا يا يويو
أنت الجزء السعيد بأيامي دائما
