رواية غرام وادهم ج 4 بقلم سلمي هاني

نروح القاعه
وبيوصلوا في افخم قاعه ف مصر
بيدخل معاذ وندا مع تصفيق حار من المعازيم
وبيقعدوا ع الكوشه
معاذ ايه الحلاوه دي قمر ياحببتي
ندا يعني انا مكنتش حلوه قبل كدا
معاذ لا انتى حلوه في كل حلاتك ياقلبي
ووسط فرحه وبهجه من الكل بيدخل احمد ومعاها واحده
احمد الف مبروك يامعاذ اعرفك على خطيبتي
معاذ وندا ف نفس الوقت غرام
يُتبع..
الفصل الحادي والعشرون
ماقبل الأخير
اوقعتني في غرامها 
معاذ وندا ف نفس الوقت غرام
بتقوم ندا وتسلم عليها جامد وبيفضلوا يعيطوا سوا
ندا وحشتيني ياغرام كنت فين الفتره ال فاتت انا كنت قلقانه عليكي
غرام وانتى كمان وحشتيني ياندا ابقا احكيلك بعدين الليله ليلتك ياعروسه
ندا احلى مفاجاه ف حياتي والله
غرام ربنا يسعدك يا قلبي
وبعدين بيحكوا سوا
عند ادهم بيشوف واحده شبه غرام جمب ندا
ادهم معقوله دي غرام ولا انا متهيالى
وبيقفل عينه ويفتحها تانى وبيلاقيها لسه مكانها
انا هروح اتاكد
وبيقرب ادهم عليها وكل م يقرب نبضات قلبه بتزيد اكتر
ادهم بصوت يكاد يكون مسموع غرام
بتبص غرام عليه وبتعمل نفسها مش شيفاه
بيقرب ادهم منها اكتر
ادهم وحشتيني ياغرام انا كنت حاسس انك هترجعي
غرام ابعد عني انت اتجننت ازاى تقرب مني كدا
ادهم بصدمه غرام انا اسف انا استاهل كدا بس انا بحبك ياغرام بس كل ال حصل معاكي دا مكنش بسببي كان بسبب ماما
غرام بغضب وكره بطل كدب بقا انت مش بتزهق انتاي يااخي مش مكفيك ال عملته فيا عاوزه مني ايه تانى
ادهم وهو بيحاول يحبس دموعه غرام اسمعيني
غرام بس بقا مش عاوزه اسمع صوتك انا بكرهك
ادهم بصدمه غرام انتى بتقولى
بيلمحهم احمد من بعيد ف يقرب منهم
احمد في حاجه ياغرام حد دايقك
ادهم وانت مالك انت
غرام مسمحلكش تكلم خطيبي كدا انت فاهم
ادهم بصدمه وبغيره خطيبك خطيبك ازاى ياغرام انتى مش هتكوني لحد غيري انتى فاهمه
احمد اه خطيبها وقريب هكون جوزها
ادهم بغضب وغيره سيبها ياحيوان الكلام دا على جثتي
وبعدين بيحاول يضربه والناس بتحوشهم
غرام ببكاء كفايه بقا فضحتونا
محمد في ايه ايه ال بيحصل دا وبعدين بيبص بيلاقي غرام واقفه وبتعيط
محمد غرام بنتي انتى رجعتي ياحببتي
كنتي فين ياحببتي الفتره دي احنا قلقنا عليكي وادهم مسبش مكان غير لما دور عليكي فيه
غرام بسخريه ادهم مش هينفع اتكلم قدام الناس كدا ياعمي
معاذ بيقول للناس ان الفرح خلص والناس بتمشي
محمد احكيلي يابنتي كنتي فين ومين دا
غرام عاوز تعرف انا كنت فين ياعمي
محمد اه طبعا احكيلي
غرام لو عايز تعرف اسال ابنك ياعمي
ادهم باستغراب بس انا معرفش كنتي فين
غرام خلاص انا هحكيلك كل حاجه ياعمي ابنك المحترم مثل عليا الحب وضحك عليا وسابني يوم فرحي ال اي واحده بتسناه وكسر فرحتي وانا بفستان فرحي
محمد مين قالك كدا ياغرام دا ادهم كان هيتجنن عليكي لما اختفيتي
غرام بسخريه انا سمعت بوداني ياعمي محدش قالى حاجه سمعت ابنك المصون بيقول لامه ان هو كان بيتسلي بيا علشان ضربته قلم لما حاول يقرب مني عمل دا كله وكسر فرحتي وخاني قبل حتي منتجوز علشان كنت بدافع على نفسي وبعتلى صور هو وواحده معاه لا ومكفهوش كدا بعت ناس تخطفني ولما قمت لقيت نفسي ف مكان عمري مكنت اتخيل انى اشوفه ف حياتي لقيت نفسي ف مكان مشبوه ياعمي ابنك باعني وعرّض حياتي للخطر عاوز تسمع تانى ولا كفايه كدا
محمد بانكسار الكلام دا صح يا ادهم
ادهم وبيحاول يتماسك نفسه انت عارف يابابا انى مستحيل اعمل كدا امي هي السبب مش انا
محمد ايوا يابنتي الخدامه سمعتها وهي بتكلم واحده هناك يعني ادهم مش السبب وكمان انا طلقتها وحرمتها من فلوسي وطلعتها برا الفيلا
غرام بانهيار كفايه كدب بقا انتوا عاوزين مني ايه
ادهم غرام صدقيني انا مستحيل اعمل فيكي كدا
غرام بكسره انت سبتني ف يوم فرحي ي ادهم انت كسرتني عاوز مني ايه تانى
ادهم اوعدك انى اصلح كل حاجه
غرام خلاص يا ادهم ال كان بينا انتهي
ادهم ببكاء وصوته بيطلع بالعافيه بسهوله دي ياغرام
غرام انا دلوقتي واحده مخطوبه وبحب خطيبي عن اذنك
ندا غرام متمشيش وتسبيني تانى
غرام انتى الوحيده ال مقدرش اسيبك ياندا حتي لو مشيت هتواصل معاكي علطول
غرام تودع ندا وتمشي مع احمد
محمد استني ياغرام يابنتي طب انا ذنبي ايه خليكي يابنتي علشان خاطري
غرام مقدرش اقعد ف مكان ادهم موجود فيه بحس بخنقه وبعدين دلوقتي انا مسئوله من راجل
احمد عن اذنك ياعمي ومتقلقش غرام اشيلها ف عيني
ادهم انتي هتروحي معاه يغرام
غرام ملكش حق تسالنى ي ادهم واه صح كمان شهر وابعتلك دعوه فرحي انا وحبيبي واتمني انك تحضره عن اذنكوا
وتمشي غرام وكدا ادهم بيخسرها للابد
عند ثريا
غرام رجعت انا لازم اتخلص منها هي السبب ف كل ال انا فيه انا لازم اروحلها
وتركب العربيه وتسوقها بسرعه وبتتكلم ف التلفون ومتاخدش بالها من العربيه ال جايه وبتدخل فيها
عند ادهم بعد ممشيت غرام بيقرب معاذ منه
معاذ متقلقش ياصحبي ان شاء الله هتعرف الحقيقه وتسامحك وانت حاول تصالحها
ادهم تفتكر هتسامحني يامعاذ
معاذ بامل ان شاء الله مفيش حاجه بعيده عن ربك
ادهم طيب يلا خد مراتك وروح انا اسف انى بوظتلك الفرح
معاذ يلا فداك ياصحبي قوم يلا انت وعمي وحاولوا ترتاحوا شويه وان شاء الله كل حاجه هتتحل
ادهم ماشي
وبيرجع كل واحد علي بيته
عند غرام
بترجع البيت وبتفضل تعيط واحمد بيقعد معاها ويحاول يهديها
غرام انت مش شايف بينكر كل حاجه ي احمد
احمد طيب ليه ميكنش معاه حق وانتى ظلماه ممكن تكون امه ال عملت كل دا علشان توقعكوا ف بعض وبعدين انتى قولتي ان امه مش قبلاكي وباين على ادهم انه بيحبك بجد ياغرام
غرام انا مش عارفه افكر ي احمد انا تعبت
احمد طيب اطلعي ع اوضتك وحاولى تنامي شويه وبعدين ابقي فكري كويس ف كلامي
غرام حاضر
وبتطلع اوضتها وبتفكر شويه وبعدين تنام
عند احمد
يارب ياغرام تاخدي قرار صح ومتتسرعيش بس ال مريتي بيه مش سهل ياحببتي
عند ادهم
دخل اوضته وقاعد يفكر وكل ميفتكر احمد وهو واقف جمب غرام دمه بيغلى
معقول ياغرام تكوني نسيتيني بجد وبتحبه هو
وبينام وبيقوم على صوت التلفون
الممرضه صحبت الرقم دا عملت حادثه
ادهم وهو بيقوم من مكانه انتى بتقولي ايه انتى ف مستشفي اي
وبتديه العنوان وهو نازل بيلاقي ابوه
محمد بتجري ليه كدا ي ادهم
ادهم ماما عملت حادثه يابابا
محمد طيب انا جي معاك
بيروحوا المستشفي
ادهم فيه مريضه جت امبارح ف حادثه
الموظفه اسمها اي
ادهم ثريا
الموظفه حضرتك المريضه اتوفت
ادهم انتى بتقولى ايه طيب انا عاوز اشوفها
وبيروح ادهم عند امه وبيعيط عليها
مهما عملت بتفضل امه
ادهم ربنا يسامحك ياماما
وبيطلع محمد
محمد اهدي ياحبيبي ربنا يرحمها اتصل على اختك وعرفها
ادهم حاضر
وبيتصل على اخته وبتيجي هي وحمزه وبتزعل انجي على امها وبيعدوا ايام العزا
وانجي بترجع مع جوزها وادهم لسه حزين
ويعدي اسبوع كمان وبيقرر ادهم فيه يصالح غرام
وبياخد عنوانها من ندا ويروحلها
عند غرام
بيرن ادهم الجرس وبتطلع غرام واول متشوف ادهم بتنصدم
غرام انت
ادهم كنتى مستنيه حد تانى
غرام بصرامه شئ ميخصكش عاوز اي
ادهم بحزن من طريقتها عاوز اتكلم معاكي
غرام بزهق ياريت بسرعه علشان مش فاضيه
ادهم انا بحبك ياغرام وعمري محبيت غيرك انا اسف على الى عملته معاكي كنت غبي وقتها بس عرفت قيمتك وقد ايه انا بحبك لما خسرتك ارجوكي سامحيني واديني فرصه تانيه وخلينا نبدا حياتنا من الاول
غرام وبتشوف ف عينه نظره صدق وانه مش بيكدب عليها بس بتقوله
انا اسفه بس ال بينا انتهي انا مستحيل ارجع لواحد سبني يوم فرحي وكسر فرحتي انا بكرهك يا ادهم
ادهم باسف وندم انا اسف ياغرام انا عارف كويس انى غلطان بس خلينا نبدا من الاول انا بحبك ياغرام
غرام انا قولت ال عندي واتفضل امشي احمد زمانه جاي
ادهم بغضب ماشي ال يريحك ياغرام بس عاوزك تعرفي حاجه واحده انتى ليا ومش هتبقي لحد غيري خليكي فاكره كلامي كويس
وبيمشي وهو متعصب وبيروح يركب عربيته وبيسوقها بسرعه
غرام اول ميمشي بتقعد تعيط
انا اسفه ي ادهم بس ال مريت بيه مش سهل انا مش قادره انسي ال حصل
بعد مرور اسبوع ولسه ادهم بيحاول يرجع غرام
عند ادهم
محمد لسه يابني غرام محنتش ومش عاوزه ترجعلك
ادهم بحيره وندم انا هتجنن يابابا ومش عارف اصالحها ازاى عملت كل حاجه بس بردوا مش عاوزه ترجعلى
محمد انا هكلمها وحاول اقنعها يمكن تسمع كلامي
ادهم لا يابابا انا الى هصالحها
وهما بيتكلموا بتدخل الخدامه
الخدامه انسه غرام تحت وعاوزه تقابل حضرتك
ادهم بفرحه غرام تحت اكيد جايه علشان تصالحني انا هنزل اشوفها يابابا
محمد بفرحه ان شاء الله هيكون قلبها حن انا عاوز افرح بيكوا يلا يابني ننزل نشوفها بسرعه
محمد اهلا اذيك ياغرام ياحببتي وحشتيني
غرام وانت كمان ياعمي وحشتني
ادهم بفرحه كنت عارف انك هتحني وتسامحيني وترجعيلي ياغرام
غرام بسخريه ومين قالك انى عاوزه ارجعلك ي ادهم
ادهم بصدمه امال انتى جايه ليه ياغرام وجايبه الزفت دا معاكي ليه
غرام احترم نفسك واتكلم كويس عن احمد دا هيبقي جوزي
ادهم بصدمه وغيره انتى بتقولى ايه انتى اتجننتي
احمد وبيقف جمب غرام
احمد احنا جينا هنا علشان نجبلكوا دعوه فرحنا ولا ايه ياغرامي
غرام اه طبعا ياحبيبي
ادهم بغيره وغضب وبيحاول يهجم عليه
غرام انا بحذرك ي ادهم اول واخر مره تعمل كدا والا هيببقا ليا تصرف تانى انت فاهم دي دعوه فرحنا واتمني انكوا تحضروا
احمد نستأذن احنا بقا ياعمي يلا ياغرامي
ويمشوا
ادهم بغضب والله لاندمك ياحيوان ماشي ياغرام
تانى يوم بتتصل ندا ب غرام
ندا بفرحه الف مبروك ياغرام ياحببتي
غرام الله يبارك فيكي ياقلبي وحشتيني والله
ندا وحشتك بجد طيب متيجي نتقابل ف الكافيه الى بنروحه علطول
غرام بصدمه اي دا انتى مش كنتي ف شهر العسل يابنتي
ندا م انا نزلت مخصوص علشان فرحك ياقلبي
غرام بحب ربنا يخليكي ليا ياحببتي
ندا ويخليكي يلا البس وتعالى انا هستناكي هنا
غرام اشطا نص ساعه واكون عندك
ندا اوك سلام
ف الكافيه
بتوصل غرام الكافيه وبتلاقي المكان مليان ورد وشموع وادهم لابس بدله شيك وشكله يخطف الانظار وبيقعد على ركبته وبيفتح العلبه وبيطلع فيها خاتم الماس
ادهم غرام تقبلي تتجوزيني انا بحبك ياغرام
غرام....
يُتبع..
الفصل