رواية حب من اول نظرة بقلم الكاتبة المبدعة مريم سمير حصرياً

_ تاكلي أنا الي عامل السندوتش دا علي فكرة 
ابتسمت من البراءة الي كانت ظاهرة عليه لاء شكرا الف هنا
لا اعرفه ولا يعرفني! بس لقاني قاعدة في المكتبه بقالي مدة ف عرض عليا أفطر معاه كنت بشوفه بس كنت بستغربه نظرات عيونه همهمته وسط الكلام لحد ما الفضول خدني وسألت قاله أنه ببساطة! مختل خسارة! 
قعد في الكرسي الي جمبي 
_ أنا بحب البطاطس اوي علي فكرة 
بصتله بعد ما كنت ببص في الروايه الي قدامي 
بجد وانا كمان
_ انا الي عاملها ماما دايما بتقولي إن أكل الشارع مينفعش أكل منه 
عندها حق 
_ بس انتي دايما بتجيبي أكل من برا!!
ايدا وانت عرفت منين
_ بشوفك وانتي داخلة بيه ممم أنا ممكن ابقي اعمل سندوتش زيادة معايا ليكي
انت اسمك اي
_ احمد وانتي 
مريم ومتشكرة جدا لزوقك بجد 
هز أيده ب سلام _ هعملك أنا لازم امشي 
مشي وانا فضلت بصاله لذيذ لكن الحلو ميكملش! 
_ ابقي قوليلي رأيك بعد ما تاكلي
لي تعبت نفسك
_ عشان متاكليش من برا تاني 
خدت منه السندوتش وقطمت قطمة تسلم ايدك حلو اوي
_ أيوة بعمله بطريقه تانيه انتي بتقرأي أي 
دي روايه عاوزة اخلصها 
_ أنا

عندي كتب كتير بس تاريخيه وفيه منها علميه حافظ بعضها 
بصتله ب اندهاش حافظها! دا انت علي كده ذكي اوي 
بص حواليه اعتقاد منه اني بكلم حد تاني 
في اي
_ أنا ذكي!
أيوة مستغرب ليي
_ اصل اول مرة حد يقولي كده غير امي بيقولولي اني غبي وساعات عبيط كنت بزعل في الاول لكن امي قالتلي محطش كلام الناس في دماغي وأنها شيفاني ذكي دايما
بصيتله بزعل علي ملامحه الي اتغيرت من كلامه
انت ذكي ولطيف وطيب احنا يمكن الي وحشين 
بصلي بعد ما كان باصص في الأرض _ يعني احنا ممكن نبقي صحاب 
..
_ انا معنديش صحاب اول مرة شوفتك كنتي برا قدام المكتبة وانتي بتنضفي هدوم طفلة وقعت قدامك وكمان لما قعدتي سمعتي بنت كانت بتعيط هنا ساعتها حسيت انك ممكن تكوني صحبتي أنا مش عارف انا صاحب كويس ولا لاء عشان مجربتش مش عارف الصراحة 
أيوة ممكن نكون صحاب 
_ بجد أنا كده بقي عندي احلي واحدة في المكتبة كلها 
ساعتها بصتله بنات كانت قدامنا ف رجعت بصتله 
قولي بقي قرأت كتب أي وطلعت حلوة
كان ألذ كلام سمعته من فترة كبيرة كان أي حد يعجب بيا وكان يجي يقولي كنت اخاف وأهرب عشان كنت علي طول مش حاسه بحاجة وهو واقف قدامي وهو بيقول كلام المفروض للبنات أنه حلو! كنت دايما بخاف من فكرة إن راجلي يقرب مني أو اني احبه لكن هو رغم الكلام البسيط الي قاله حسيته مبيكدبش علي الرغم إن كان فيه بنات كتير احلي مني في المكتبة .
_ البطاطس وعملتلك موز بلبن هتحبيه
ضحكت شكرا يا احمد اقعد
فطارنا زي امبارح وبعدين بصتله صحيح! انت عندك كام سنه
_ ٢٥ وانتي 
٢٣ وبتشتغل اييي بقي
_ أنا قدمت علي شغل كتير بس متقبلتش
لي
_ بيقولولي علي طول اني مرفوض وخلاص مفيش واحد زيي ينفع يبقي مهندس 
انت مهندس  
اتكلم بحماس _ اه ديكور عندي تصاميم كتير حلوة وكمان عندي لوح كتير تنفع تتحط في محلات أو اوض وفلل بس محدش بيرضي يشوفهم ف حاططهم عندي في الاوضة
هيجي يوم وتبيع كل دا وتشتغل في الحاجة الي بتحبها 
_ وانتي بتشتغلي اييي
معايا كليه تمريض وبشتغل في مستشفى
_ وانتي بتحبي شغلك
حب ما تعمل عشان مفيش شغل ف اه راضيه يعني أنا همشي دلوقتي عشان عندي سهر النهاردة اشوفك بكرة
شاورلي بسلام _ هتوحشيني لبكرة 
كانت كلمة طالعة منه بتلقائية كأن مفيهاش أي حاجة مبيفكرش في الي بيقوله الي عاوز يقوله بيطلع منه وخلاص .
روحت الشغل وغيرت هدومي ولبست الاسكراب وعلي عكس طبيعتي مبقتش اليوم دا استقبل المشاكل بمضض وكنت اهدي ووسط اليوم كله افتكر كلمه هتوحشيني منكرش أنه وسيم اوييي وغير كده قلبه جميل فيه كل مقومات الراجل المثالي غير إن الناس بتعتبره مش طبيعي لكن أنا كنت بشوفه عادي مفيهوش اي مشكلة .
كنت بشوفه كل يوم وبقينا نقعد في الكافيه الي جمب المكتبة كان علي طول يجيبلي سندوتش البطاطس الي بقي روتين في يومي وبطلب بعدها قهوة 
خلاص بقي فك بوزك!
_ انتي اتأخرتي تلت ساعات كنت فاكر انك مش جايه
وذنبت نفسك لي يا احمد كنت امشي ونقعد بعدها في اي يوم تاني 
_ هو انا مش هشوفك كل يوم 
اكيد مش هنشوف بعض كل يوم يعني ساعات هكون مشغولة أو انت مشغول ف عادي هي دي الدنيا 
_ بس انا عاوزة اشوفك كل يوم أنا بضايق لما مش بشوفك أو لما افضل ابص علي الباب عشان استناكي تيجي
خلاص انا اسفة 
_..
هتزعل مني والله ليك صاحبه جديدة ومقوية قلبك عليا
_ لاء 
خلاص يبقي نتصالح
_ هشوفك كل يوم
هحاول دايما اشوفك أنا كل يوم عشان يبقي يومي حلو
اتكسف _ خلاص أنا مصالحك 
مكنتش اتوقع في يوم إني آمن لشخص يبقي اقرب حد ليا أو اني احكي كل الي جوايا وانا مش هتفهم غلط او الي بيسمع يزهق كان دايما بيحسسني إن كل حكاياتي مهمة