اسكريبت مسك الليل مكتملة لجميع فصول بقلم الكاتبة المبدعة إيمان شلبي حصرياً
نعممممممم عايزاني اتجوز واحده ملبوسه ياماما ومن جن عاشق !
قال جملته بصدمه وذهول وهو بيبص لمامته اللي بلعت ريقها بتوتر وخوف وهي بتبص يمين وشمال بخوف
قربت منه وهي بتقول بصوت واطي هش هش اخرس لتولع مكانك وانت واقف الجن يسمعك ويأذيك
بلع ريقه بخوف وهو بيقول بنفس الهمس هي ملبوسه من جن عاشق
مامته بنبره صوت أوشكت علي البكاء اه وطي صوتك هيأذيك
لطم بطريقه مسرحيه وهو بيبص علي الخيال اللي كان واقف علي باب اوضته بيسمع الحوار اللي داير ما بينه وبين مامته
مامته بهمس ليل حبيبي عشان خاطري وافق ديه أوامرها هي لو موافقتش برضاك هتتجوزك غصب عنك
هو في ايه ياماما هو انا بنت عشان اتغصب!
مامته ببكاء مصطنع أتقنت في تمثيله ببراعه لا يابني بس هتأذيك
ليل بغيظ وصوت واطي هو مش المفروض الجن العاشق يغير عليها وكده يعني لو اتجوزتها الدنيا هتتطربق فوق نفوخي ونفوخها مش بعيد ابقي حديث السوشيل شاهد قبل الحذف عروسه تقتل زوجها ليله الزفاف والأسباب مجهوله !!
يالا خالتو الاكل جاهز
اتنفض ليل وهو بيرجع تلقائيا خطوه لورا تزامنا مع دخولها الأوضه وهي بتتكلم بكل برود وجمود وكأنها شخص طبيعي جدا
ام ليل وهي بتبلع ريقها بتوتر ح ح حاضر ياحبيبتي خارجين
هزت راسها بتحفز وهدوء وخرجت من الاوضه بلا مبالاه
اما عن ليل اخد نفس براحه بعد ما كان حابسه وهو بيبص في عيونها برعب من جواه خايف تأذيه أو بمعني تاني الجن العاشق يأذيه
أمه بلهفه يالا ياليل يالا بسرعه
هز رأسه وخرج مع مامته وهو بيحاول ميبينش خوفه قدامها قعد علي الكرسي المقابل ليها وهو بيبص لملامحها بحذر
كانت قاعده تبص في الأكل بجمود ماسكه سكينه صغيره في ايديها بتهبدها علي السفره بغيظ
ليل وهو بيبلع ريقه بتوتر
ا ايه ياكرمله مش بتاكلي ليه الاكل مش عاجبك انزل اجبلك نص فرخه مشويه لا نص ايه اجبلك خمس فرخات ترم عضمك
بصتله وهي بتقول بغيظ ليه كنت شايفني بقره زيك باكل كل خمس دقائق
اتعصب وهبد علي السفره وكان لسه هيرد عليها مسكته مامته من دراعه وهي بتقول بهمس عديها عديها لتلاقي سكينه رشقت في رقبتك
بلع ريقه وهو بيبصلها بخوف انا مش هرد عليكي عشان انا ست مؤدبه
ست !
STORY CONTINUES BELOW
قالتها برفعه حاجب وابتسامه بارده وهي بتبصله بسخريه
ا احم أ اقصد أنا راجل محترم مش هرد عليكي ربنا يسامحك
بصتله وهي بتاكل ببرود ويسامحها خالتي علي البلوه اللي جابتها في حياتنا
سيبني سيبني ياماما متمسكنيش بقولك سيبني عليها
مامته ليل حبيبي انا مش مسكاك
ليل وهو بيبلع ريقه بتوتر ورعب اصلا
مسك وهي بتهز رأسها بقله حيله ربنا يعينك علي المهلبيه اللي في دماغك
قام وقف مره واحده وهو بيسقف بأيده وبيردح وكأنه ست لااااا بقولك ايه ياعنيا هو أنتي فاكره عشان بتتحامي في جن عاشق اني هسكتلك لااااا ياعنيا ده انا اطربق البيت علي نفوخك ونفوخه اااااه هو انتي مفكراني بخاف ولا اييييييه
يعني انت مش خايف !
قالتها بصوت خشن مكانش صوتها نهائيا وهي بتقوم تقف ببطئ وعيونها حمراء دم وكأنها علي وشك تنقض عليه وتخلص منه وتخلص البشريه من غروره
اما عن ليل رمش عينه اكتر من مره وهو بيقول بتوجس انا مبقتش اخاف زي الاول انا بقيت اخاف اكتر الحقوناااااااااااي
مسك وهي بتجري وراه وبتصرخ بجنون
بقي انا ملبوسه ياللي يلبسك عشر عفريت
خالتها وهي بتبصلها بلا مبالاه ولا يهمك ياحبيبتي
ليل وهو بيقف في نص البيت وبيسقف بأيده وهو بيردحلها وكأنه ست
عفريييت عفريت مين يام عفررريت ليه هو انا اهبل زيك يابت كل يوم اقف قدام المرايه وافضل اتنطط وارقص ماهو حقه يعشقك مانتي بترقصيله ياختي بترقصي للجن في المرايه مانتي عليكي هزه وسط تخلي اللي ميحبكيش يحبك اه وربنا حقه يحبك
عاااااا ياحيوووان ياقليل الادب ياللي متربتش ياللي اهلك معرفوش يربوك لا مؤاخذه ياخالتي
خالتها وهي بتاكل ببرود ولا يهمك هو فعلا مترباش معلش اصلي مكنتش فاضيه كنت بحب في ابوه فتلاقيه مش متربي
مسك وهي بتبصلها بضيق حب ايه ياخالتي بس مش كنتي تفضي وقت تربي اللي مترباش ده
ليل بعصبيه وهو بيجز علي أسنانه بت انتي لمي لسانك بدل ما المك
مسك وهي بتبصله برفعه حاجب ولو ملمتش لساني هتعمل ايه يعني هتضربني ولا تكونش هتضربي
ليل وهو بيبصلها من فوق لتحت بغرور لا هكسب فيكي ثواب واتجوزك واربيكي أو انتي اللي تربيني ايهما أقرب
شهقت مسك بطريقه شعبيه وهي بتحط ايديها علي وسطها وبتهزه بعصبيه
ت ايه يا عنيا تكسب فيا ثواب لييييه كنت بايره ولا كنت بايره ألا تكون مفكرني ميته في دباديبك ياواد ده انت شبه ابو قردان ياولا ده انت رقبتك من كتر الغرور شويه وهتوصل للسما ده انت ودانك شبه الطاسه ياض ده انا شويه وهاجي اقلي فيهم بيضتين من كبرررهم
ليل وهو بيبصلها بغضب وعروق رقبته بارزه قسما بالله لو حد غيرك اللي قال الكلام ده كان هيبقي يوم أهله مش فايت بس انا متربتش اني امد ايدي علي واحده ست وبعدين اش حال انتي اللي طالبه تتجوزيني يابت ولو متجوزتنيش هتأذيني بعفاريت امك اللي مطلوقين علينا
مسك وهي بتجز علي أسنانها بعنف وبتبص لخالتها اللي بلعت ريقها وهي بتبصلها برجاء من عينيها أن هى متكشفش لعبتها
اخدت نفس طويل وبصتله وهي بتقول بصوت خشن مش هي اللي طالبه
بلع ليل ريقه بخوف وهو بيبصلها وهي بتكمل كلامها بصوت خشن انا اللي طالبه
ليل بنبره أوشكت علي البكاء انتي مين !
عفريته مسك
ليال بنبره خوف اومال هي مين
مسك
ليل وهو بينزل من فوق الكنبه وبيجري في الشقه برعب
الحقوناااااااااااااااي في عفريته بتحبني وعايزه تتجوزني الحقوناااااااااااااااي
قال جملته الآخيره وهو بيدخل الأوضه بتاعته وبيقفلها بالمفتاح
اما عن مسك كانت واقفه تضحك بصوت عالي هي وخالتها اللي مكانتش مصدقه أن ليل اللي بيخاف منه الكل قدرت هي تخليه يترعب ..
قربت مسك وقعدت جنب خالتها وهي بتبصلها برفعه حاجب مستنيه منها شرح لكل اللي حصل
خالتها ايه مالك
مسك وهي بتقرب منها بملامح مش بتوحي بالخير احكي
خالتها وهي بترجع لورا بخوف ا احكي ايه
مسك وهي بتبرقلها بعيونها الخضراء وبتقول بنبره تحذير خالتوووو
خالتها وهي بتبلع ريقها ه هحكيلك
حكتلها كل اللي قالته ل ليل وهي قاعده بتسمعها بغموض وضحكه خبيثه لحد ما خلصت
م مسك انا عملت كده ع عشان
مسك وهي بتقاطعها خير ما عملتي ياخالتو خير ما عملتي
خالتها بذهول يعني انتي مش زعلانه !
مسك بغموض توء خلينا نتسلي شويه اما ربيت ابنك وخليته يقول حقي برقبتي مبقاش أنا مسك
ألاه يعني أنتي مش ملبوسه يامسك !!!
يتبع
مسك_الليل
البارت_التاني
م مصعب ا انا هفهمك ا ارجوك استر عليا ا انا
استر عليكي ايه
قال جملته بعصبيه شديده وهو بيعلي صوته ومسك قاعده تبصله بصدمه ودموع وخوف من جواها
كده يامصعب انت للدرجادي بتكرهني !
بصلها مصعب من فوق لتحت وهو بيقول بقرف مش بكرهك بس بحب اخويا وعارف أنه بيحب زميلته في الجامعه وانك بلعبتك هتكوني حكمتي عليه بالتعاسه وانا مش هقبل كده يامسك إذا كنتي انتي بنت خالتي وزي اختي فهو اخويا برضو وحته مني
قال كلامه وقرب وشه من وشها وهو بيقول بنبره كلها تحذير اخويا لا يامسك اخويا خط احمر
مصعب انت اتجننت ولا ايه قسما عظيما يا مصعب لو نطقت بكلمه واحده لا انت ابني ولا اعرفك فاهم!
بس
مامته وهي بتقاطعه بحده انا قولت كلمه ومش عايزه نقاش متتدخلش في اللي ملكش فيه يا مصعب إذا كان ليل اخوك فهو ابني وانا عارفه مصلحته اكتر من الكل
مصعب بتهكم لا ماهو واضح جدا يا ياماما
قال جملته بسخريه مريره ومشي من قدامهم
اما عن مسك دموعها كانت نازله علي خدها وهي بتبص لآثره بحزن
قربت منها خالتها وهي بتطبطب علي كتفها بحنان بتعيطي ليه دلوقتي
مسك بدموع تفتكري اللي بنعمله ده صح
خالتها وهي بتمسح دموعها برقه صح الصح كمان مسك انتي بنتي قبل ما تكوني بنت اختي الله يرحمها وانا متمناش ل ليل ابني احسن منك انا عارفه أن طريقتنا غلط ب بس مفيش غيرها عشان يتجوزك وانا متأكدة أنه هيحبك
مسك بدموع اكتر وغيره بتنهش في قلبها بس هو بيحب زميلته في الجامعه ياخالتو ا انا مش هقدر اكون سبب في تعاسته ا انا مش هكمل في اللعبه ديه ياخالتو انا اسفه
بس
مسك وهي بتقاطعها خالتو ارجوكي متضغطيش عليا أنا مش حابه اتجوز بالطريقه ديه
انا طول عمري بحلم بقصه حب حقيقيه ياخالتو قصه حب من طرفين طول عمري بحلم لشخص يعوضني عن الحرمان اللي شوفته من بعد وفاه بابا وماما كنت اتمني لما احب شخص يبادلني نفس الشعور كنت اتمني احلامي تتحقق بس الظاهر أن القدر كاتبلي غير كده انا مش زعلانه ياخالتو صدقيني مش زعلانه أبدا انا خالتو انا عايزه اروح كام يوم لجدو اغير جو ممكن
خالتها بخوف ب بس يابنتي ا انتي عارفه يعني أن ابن عمك مش كويس و
مسك متقلقيش عليا يا خالتو انا مش صغيره وهو ميقدرش يقربلي لو سمحتي وافقي ياخالتو انا تعبانه اوي ارجوكي
STORY CONTINUES BELOW
هزت خالتها رأسها وهي بتبتسم بحنان ماشي ياحبيبتي شوفي عايزه تروحي أمتي وانا هخلي ليل أو مصعب يوصلوكي
هزت راسها وهي بتقول بتبرع صوت أوشكت علي البكاء
تمام أنا رايحه انام شويه عن اذنك
قالت كلامها بنبره صوت كلها حزن ووجع وخذلان وقامت تجري علي اوضتها وهي بتحاول تكتم شهقاتها ..
وصلت الاوضه وكانت لسه هتدخل سمعت صوته من وراها وهو بيهمس اعوذ بالله اعوذ بالله مش الشيطان الرجيم هش هش انصرف هش
لفت وهي بتبصله برفعه حاجب شايف عفريت قدامك!
ليل وهو بيضحك بسخريه لا وانتي الصادقه عفريته اوزعه بس نينجا
جزت علي أسنانها وهي بتتنطط بغيظ حيووووان
قرب منها مره واحده وهي رجعت خطوه لورا برعب وخوف لدرجه باب اوضتها اتفتح ولقت نفسها في الأوضه وهو واقف قدامها مباشره بيبصلها ببرود وهدوء مريب
مسك وهي بتبلع ريقها بتوتر ف في ايه
مد أيده يمسح دمعه نزلت من عيونها من دون وعي وهو بيسأل بهدوء بتعيطي ليه
اتوترت
م مفيش ا انا بس عيني بتوجعني شويه
متأكده
قالها بشك ورفعه حاجب هزت راسها بسرعه وهي بتضغط علي ايديها بقوه بتمنع نفسها من العياط والانصياح لأوامر قلبها اللي صعبان عليه نفسه
مسك انا مش هعيد كلامي تاني مالك
مسك بعصبية ودموع ما قولتلك مفيش لو سمحت سيبني شويه لوحدي
ليل وهو بيتنهد ماشى يامسك هسيبك بس كلامنا لسه مخلصش وهعرف مالك
قال جملته وخرج من الاوضه وهي بتبص لآثره واول ما خرج انفجرت من العياط وهي بتقفل الباب عليها بالمفتاح
اما عن ليل كان واقف قدام الأوضه وهو مغمض عينه بحزن وبيضغط علي أيده بقوه بيمنع نفسه يدخل
بالرغم اللي يشوف علاقتهم يقول مش بيطيقوا بعض بس هو بيحبها ازاي ميحبهاش وهو اللي مربيها هو ساعات كتير من كتر خوفه عليها بيحس انها بنته بيحب يشاكسها عشان يشوف ضحكتها اللي في آخر الخناقه وهي بترج الفيله
ساعات كتير بيشوف في عينيها لمعه حب لكن مش حب اخوي بيحاول دائما يكدب إحساسه انها تكون بتحبه هو ميقدرش يشوفها اكتر من اخت وبنت وصديقه انما حبيبه ! في الحقيقه مفكرش فيها علي الاطلاق مفيش اخ يحب أخته
مكانش قادر يحدد شعوره ايه من نحيتها خايف يكون بيكدب دقات قلبه غيرته لما يشوفها بتهزر مع مصعب او اي ولد بالتحديد خايف يكون بيحبها وهو مش عارف
مشاعر كتيره متلخبطه جواه مش قادر يفسر اي إحساس هو الطاغي حبه ليها كأخت ولا حب من نوع تاني !
STORY CONTINUES BELOW
اتنهد بحيره وهو بيبص علي الباب اللي بيفصل ما بينهم وصوت عياطها واصل لمسامعه بيقطع قلبه ميه حته مش قادر يفهم مالها بقالها فتره علي نفس الحال حتي مبقتش تيجي تحكيله اللي مزعلها زي زمان بقي يحس انها بتخاف منه بتخاف حتي تهزر معاه وده شيئ مش قادر يفسر أسبابه ايه
نزل علي السلم بكل ثبات وبرود وهو بيعدل من وضع بدلته
لقي مامته قاعده علي الكنبه وهي بتبص علي التلفزيون لكن بشرود
قرب منها وقعد جنبها وهو بيقول باستغراب مالك ياماما في ايه
مامته بشرود فكرك مسك لو راحت هناك مش هترجع تاني !
ليل باستغراب راحت هناك فين مش فاهم
مامته وهي بتلف جسمها وبتقول بتوتر خوفا من رد فعله م مسك عايزه تروح كام يوم عند جدها
ده عند امها اكسر رجلها لو راحت البيت الزباله ده تاني
قال كلامه بكل عصبيه وجنون وعروق رقبته بارزه وهو بيكمل كلامه بحده
قوليلها مفيش زفت مرواح عند أهل ابوها ومحدش يفتح معايا الموضوع ده تاني ماشي !
مامته وهي بتبصله بخبث وامل وانت مالك زعلان ليه وبعدين مش خايف منها !
ليل باستغراب اخاف منها ليه!
مامته اممم يعني الجن و
ليل وهو بيقاطعها بجديه ماما انا مش اهبل عشان اصدق الكلام ده انا عارف ان كل ده كان مقلب من البدايه بس حبيت اعمل نفسي مش واخد بالي واهزر معاكم لاني شايف أن مسك بقالها فتره خايفه مني قولت أضيف نوع من المرح انما غير كده لو مسك فكرت تاني في الموضوع ده صدقيني مش هيحصل كويس
بس أنا عايزه اروح عند جدي
قالت جملتها وهي نازله علي السلم وبتجر شنطتها وراها
اما عن ليل قام وقف برفعه حاجب ماشاء الله انتي كمان محضره شنطه هدومك
مسك ببرود اه اصل انا نويت اني هعيش مع جدي
ههههههههههههههههه ضحكتيني
مسك بغيظ بتضحك علي ايه هو انا بقول نكته !!
ليل وهو لسه بيضحك هه هههه هههه لا بجد ضحكتيني اوي
مسك بعصبيه ليييل متعصبنيش
قرب منها فجأه وهو بيتكلم بنبره صوت لاول مره يتكلم بيها معاها
